អស់ផ្លូវលើវិស័យចម្រៀង Kim Garam ត្រៀមបោះជំហានលើវិស័យសម្តែង

នៅថ្ងៃទី១៦ ខែមិថុនា Management Koo បានប្រកាសជាផ្លូវការថាខ្លួនបានចុះកិច្ចសន្យាផ្តាច់មុខជាមួយ Kim Garam អតីតសមាជិកក្រុម LE SSERAFIM ។ ទាក់ទងនឹងប្រវត្តិនៃកិច្ចសន្យានេះភ្នាក់ងារបានបញ្ជាក់ថាខ្លួនបានសង្កេតមើលសកម្មភាពយូធូបរបស់ Kim Garam ហើយបានឃើញទាំងសក្តានុពលរបស់នាងសម្រាប់ការរីកចម្រើនក្នុងនាមជាតារាសម្តែង និងអាកប្បកិរិយាស្មោះត្រង់របស់នាង។

ភ្នាក់ងារនេះបានពន្យល់ថា «Kim Garam បានបន្តការបណ្តុះបណ្តាល និងស្រាវជ្រាវជាប្រចាំ ដើម្បីកែលម្អជំនាញសម្ដែងរបស់នាង ហើយបានបង្ហាញពីការរីកចម្រើនគួរឱ្យកត់សម្គាល់ក្នុងរយៈពេលខ្លី»។ ពួកគេក៏បានសរសើរការលះបង់របស់នាងចំពោះការអភិវឌ្ឍខ្លួនឯង ដោយបានបញ្ជាក់ពីកិច្ចខិតខំប្រឹងប្រែងរបស់នាងក្នុងការសិក្សាសម្ដែង ភាសាអង់គ្លេស ភាសាជប៉ុន និងហ្គីតា។

ជុំវិញការវិលត្រឡប់របស់ Kim Garam រឿងអតីតកាលរបស់នាងនៅតែឧបសគ្គធំបំផុតដោយសារតែសកម្មភាព Bully នៅសាលាពីមុនរបស់នាង ដែលនាំឱ្យនាងចាកចេញពីក្រុម LE SSERAFIM ត្រឹមតែពីរខែបន្ទាប់ពីបង្ហាញខ្លួនជាតារា។ មុនពេលបង្ហាញខ្លួននៅចំពោះមុខសាធារណជនក្នុងនាមជាសមាជិកនៃ LE SSERAFIM ក្នុងខែឧសភា ឆ្នាំ២០២២ក៏ដោយ Kim Garam ធ្លាប់ជាប់ពាក់ព័ន្ធនឹងភាពចម្រូងចម្រាសលើការចោទប្រកាន់ទាក់ទងនឹងអាកប្បកិរិយាអតីតកាលរបស់នាងដូចគ្នា។
Kim Garam បានបញ្ចប់កិច្ចសន្យាផ្តាច់មុខរបស់ខ្លួនជាមួយ Source Music ហើយបានចាកចេញពីក្រុមជាផ្លូវការនៅក្នុងខែកក្កដា ឆ្នាំ២០២២។ បន្ទាប់ពីចាកចេញពីឧស្សាហកម្មតន្ត្រី Garam បានបង្កើតឆាណែល YouTube ផ្ទាល់ខ្លួនរបស់នាងនៅក្នុងខែមីនា ឆ្នាំ២០២៦ ហើយបានចាប់ផ្តើមភ្ជាប់ទំនាក់ទំនងជាមួយអ្នកគាំទ្រឡើងវិញ។ វីដេអូដំបូងរបស់នាងបានលើសពីមួយលានដង ខណៈដែលឆាណែលរបស់នាងទទួលបានអ្នកជាវជិត២៧០K ដែលទាក់ទាញចំណាប់អារម្មណ៍ពីសាធារណជនដោយជោគជ័យ។

ទោះជាយ៉ាងណាក៏ដោយ សកម្មភាពយូធូបនិងការផ្សព្វផ្សាយកម្សាន្តសំខាន់ៗគឺជាផ្លូវខុសគ្នាឆ្ងាយណាស់។ ស្លាកនៃ «ការធ្វើបាបនៅសាលារៀន»នៅតែជាបន្ទុកធ្ងន់ដែលព្យួរលើអាជីពរបស់នាង។ នៅពេលដែល Kim Garam ចាប់ផ្តើមការចាប់ផ្តើមថ្មី ផ្លូវដ៏លំបាកមួយដែលពោរពេញទៅដោយឧបសគ្គសំខាន់ៗហាក់ដូចជានៅខាងមុខដែលនាងត្រូវឆ្លងកាត់៕