ថៃហាក់កំពុងយកការស្លា.ប់របស់បុត្រីស្ដេច មកបិទបាំងរឿងអាស្រូ.វគ្រឿងញៀ.នដ៏ធំនៅក្នុងប្រទេស

ចៃដន្យ ឬក៏ជាចេតនា? ក្រោយពេលមានព័ត៌មានថាទីភ្នាក់ងារសម្ងាត់កូរ៉េខាងត្បូង បានបង្ក្រាបសារធាតុគីមីផ្សំគ្រឿ.ងញៀ.នជាង ៥០តោន ចេញពីឃ្លាំងជាច្រើនប្រទេសថៃ ដំណឹងអំពីការសោយទិវង្គតរបស់បុត្រីសេ្ដចថៃក៏ស្រាប់លេចចេញឡើងក្នុងពេលដំណាលគ្នា ធ្វើឲ្យព័ត៌មានគ្រឿ.ងញៀ.នសាបរលាបពីប្រព័ន្ធផ្សព្វផ្សាយក្នុងពេលដ៏ខ្លី។ ការណ៍នេះបង្កើតជាមន្ទិលសង្ស័យ និងការវិភាគយ៉ាងក្តៅគគុកពីមជ្ឈដ្ឋានអន្តរជាតិថា រដ្ឋាភិបាលនិងរាជវាំងថៃ អាចកំពុងប្រើប្រាស់យុទ្ធសាស្ត្រយករឿងធំមួយទៅគ្របដណ្ដប់ពីលើរឿងអាស្រូ.វមួយ ដើម្បីបង្វែរចំណាប់អារម្មណ៍សាធារណជនជាតិ និងអន្តរជាតិ។

យោងតាមការវិភាគលើកាលប្បវត្តិនៃព្រឹត្តិការណ៍ចុងក្រោយបង្អស់ ករណីនេះបានផ្ទុះឡើងស្របពេលដែលអាជ្ញាធរថៃ និងទីភ្នាក់ងារសម្ងាត់ជាតិកូរ៉េខាងត្បូង (NIS) ទើបតែបានសហការគ្នាបង្ក្រាប និងរឹបអូសសារធាតុគីមីផ្សំគ្រឿងញៀ.នបានយ៉ាងសន្ធឹកសន្ធាប់ដល់ទៅជាង ៥០ តោន ដែលមានតម្លៃជាទឹកប្រាក់នៅលើទីផ្សារងងឹតរហូតដល់ទៅ ៥,៦ ពាន់លានដុល្លារអាមេរិក ចេញពីឃ្លាំងរោងចក្រចំនួន ១០ ទីតាំង ក្នុងទីក្រុងបាងកក និងខេត្តចំនួនបីទៀត។ ការលាតត្រដាងសំណុំរឿងដ៏រន្ធ.ត់នេះ បានធ្វើឱ្យប្រទេសថៃរងការរិះគ.ន់ និងទទួលរងសម្ពាធយ៉ាងធ្ងន់ធ្ងរពីឆាកអន្តរជាតិ ដែលចាត់ទុកទឹកដីថៃថាជា «ជម្រកសុវត្ថិភាព និងជារោងចក្រផ្គត់ផ្គង់គ្រឿងញៀនដ៏ធំខ្នាតយក្ស» នៅក្នុងតំបន់អាស៊ីអាគ្នេយ៍។

ទោះជាយ៉ាងណាក៏ដោយ ក្រោយពេលព័ត៌មានអាស្រូវគ្រឿងញៀនតម្លៃរាប់ពាន់លានដុល្លារនេះត្រូវបានផ្សព្វផ្សាយជាសាធារណៈបានតែបន្តិចប៉ុណ្ណោះ ស្រាប់តែព្រះបរមរាជវាំងថៃបានប្រកាសជាផ្លូវការភ្លាមៗអំពីការសោយទិវង្គតរបស់ព្រះអង្គម្ចាស់ក្សត្រី បាចារ៉ាក់គិតិយាផា (Princess Bajrakitiyabha)។ ការចេញប្រកាសដំណឹងមរណទុក្ខថ្នាក់ជាតិចំពេលដ៏រសើបនេះ ត្រូវបានមនុស្សមួយចំនួនយល់ឃើញ និងរិះគន់ថា ប្រទេសថៃហាក់ដូចជាកំពុងបន្តអនុវត្តយុទ្ធសាស្ត្រ «ឆ្មាងាប់» (Dead Cat Strategy) មកដាក់នៅលើតុ ដើម្បីបង្វែរការចាប់អារម្មណ៍របស់សាធារណជន នៅរៀងរាល់ពេលដែលមានរឿងរ៉ាវមិនល្អ ឬរឿងអាស្រូ.វធ្ងន់ធ្ងរណាមួយទាក់ទងនឹងប្រទេសរបស់ខ្លួន។

យុទ្ធសាស្ត្រដដែលនេះត្រូវបានគេមើលឃើញថា ធ្លាប់បានយកមកប្រើប្រាស់រួចម្តងទៅហើយកាលពីឆ្នាំមុន ពោលគឺនៅមុនពេលកិច្ចប្រជុំកំពូលអាស៊ាន ដែលបូកបញ្ចូលទាំងជំនួបទ្វេភាគីជាមួយកម្ពុជានៅចំពោះមុខអន្តរជាតិ ដែលភាគីថៃបានយកលេសនៃការសោយទិវង្គតរបស់សម្តេចព្រះមហាក្សត្រីយានី សិរីគីត មកធ្វើជាហេតុផលក្នុងការពន្យារពេល និងគេចវេសមិនចង់មកចូលរួមប្រជុំ។ ក្រោយមកថ្មីៗនេះ នៅពេលដែលអាស្រូវរោងចក្រផលិតគ្រឿងញៀនដ៏ធំសម្បើមត្រូវបានទីភ្នាក់ងារសម្ងាត់កូរ៉េខាងត្បូងវាយបំបែក ភាគីថៃក៏បានត្រឡប់មកប្រើប្រាស់វិធីសាស្ត្រដដែលនេះជាថ្មីម្តងទៀត។

ការណ៍នេះកាន់តែស្តែងឱ្យឃើញច្បាស់ បន្ទាប់ពីមនុស្សជាច្រើនបានដឹងយ៉ាងពិតប្រាកដថា ព្រះនាងម្ចាស់ ផាចារ៉ាគិតិយ៉ាផា (Princess Bajrakitiyabha) បានសោយទិវង្គតអស់រយៈពេលយូរយារណាស់មកហើយ ក្រោយពេលដែលទ្រង់បានដួលសន្លប់បាត់បង់ស្មារតី លែងដឹងព្រះកាយ និងមិនអាចស្តារឡើងវិញបានតាំងពីឆ្នាំ២០២២។ ប៉ុន្តែរាជវាំងថៃទើបតែដកដង្ហើមធំ ចេញមកប្រកាសជាផ្លូវការនៅពេលនេះ ដើម្បីបង្កើតព្រឹត្តិការណ៍រំជួលចិត្តថ្នាក់ជាតិ មកគ្របដណ្តប់ បង្ខំឱ្យប្រព័ន្ធផ្សព្វផ្សាយទាំងអស់បង្វែរការចាប់អារម្មណ៍ទាំងស្រុង និងបញ្ចៀសការដេញដោលពីសំណាក់អន្តរជាតិជុំវិញខ្សែសង្វាក់ផលិតគ្រឿងញៀននៅលើទឹកដីរបស់ខ្លួន៕