Justin Bieber បានឱប Billie Eilish នៅលើឆាកតន្ត្រី Coachella

នៅថ្ងៃទី១៨ ខែមេសា ម៉ោងនៅសហរដ្ឋអាម៉េរិក តារាចម្រៀង Justin Bieber បានសម្តែងលើកទីពីររបស់ខ្លួននៅលើឆាក Coachella ដែលជាតំបន់ធំបំផុតនៃពិធីបុណ្យតន្ត្រី។ ខណៈពេលដែលលោកកំពុងសម្តែងបទចម្រៀង «One Less Lonely Girl» តារាចម្រៀង Billie Eilish ត្រូវបានរុញឡើងលើឆាក ហើយបានដើរទៅជិតលោកដោយភាពខ្មាសអៀន។ Justin បានជួយនាងឱ្យក្រោកឡើង បន្ទាប់មកបាននាំ Eilish ទៅកៅអីមួយនៅកណ្តាលឆាក ច្រៀង និងឱបនាង។ ទស្សនិកជនបានស្រែកហ៊ោកញ្ជ្រៀវ នៅពេលដែលពួកគេបានឃើញសកម្មភាពរវាងតារាទាំងពីរ។

បច្ចុប្បន្ននេះ វីដេអូរបស់ Justin Bieber និង Billie Eilish បានទាក់ទាញអ្នកចូលមើលរាប់លាននាក់នៅលើបណ្តាញសង្គម ។ អ្នកទស្សនាមួយចំនួនបាននិយាយថា ដំបូងឡើយពួកគេគិតថាក្មេងស្រីនៅលើឆាកគឺជាអ្នកគាំទ្រចៃដន្យដែលត្រូវបានជ្រើសរើសប៉ុន្តែមានការភ្ញាក់ផ្អើលនៅពេលដឹងថានាងគឺជា Billie Eilish។ មនុស្សជាច្រើនបានបង្ហាញពីអារម្មណ៍របស់ពួកគេនៅពេលដឹងថានាងជាអ្នកគាំទ្រ Justin Bieber តាំងពីកុមារភាព។

យោងតាម Variety តារាចម្រៀង Billie Eilish អាយុ ២៥ឆ្នាំ គឺជាអ្នកគាំទ្រដ៏ធំរបស់ម្ចាស់បទ «Baby» ដោយតែងតែចាត់ទុកលោកជាអ្នកបំផុសគំនិត និងជាអ្នកណែនាំ។ អ្នកទាំងពីរបានជួបគ្នាជាលើកដំបូងនៅឯ Coachella 2019។ ពេលត្រឡប់មកវិញ Justin បានបង្ហោះរូបថតរបស់លោកជាមួយនាងនៅឯពិធីបុណ្យដោយជូនពរនាងឱ្យមាន អនាគតភ្លឺស្វាង និងអាជីពដ៏យូរអង្វែង។ ចាប់តាំងពីពេលនោះមក ពួកគេបានក្លាយជាមិត្តភក្តិ ហើយថែមទាំងបានសហការគ្នាលើកំណែថ្មីនៃ បទចម្រៀងដ៏ល្បី របស់ Billie Eilish គឺ «Bad Guy»។ នៅលើ ផតខាសមួយរបស់ Apple Music ក្នុងឆ្នាំ២០២០ Justin Bieber បានយំនៅពេលនិយាយអំពី Billie Eilish ដោយនិយាយថាលោកចង់ការពារនាងពីផ្នែកងងឹតនៃឧស្សាហកម្មកម្សាន្ត ព្រោះនាងនៅក្មេងនៅឡើយ។

Billie Eilish កើតនៅឆ្នាំ ២០០១ បច្ចុប្បន្នគឺជាសិល្បករជំនាន់ Gen Z ដ៏មានទេពកោសល្យ និងល្បីល្បាញបំផុតម្នាក់នៅលើពិភពលោក។ នាងបានឈ្នះពានរង្វាន់ Grammy ចំនួន៥ជាមួយនឹងអាល់ប៊ុមដំបូងរបស់នាង។ នាងក៏ជាតារាចម្រៀងវ័យក្មេងបំផុតក្នុងប្រវត្តិសាស្ត្រដែលបានឈ្នះពានរង្វាន់សិល្បៈអាម៉េរិកដ៏ធំបំផុត រួមទាំងពានរង្វាន់ Oscars, Grammys និង Golden Globes៕