តាមរយៈការចេញផ្សាយរបស់ QQ បានបង្ហាញពីឈ្មោះតារាស្រីដែលមានជាងគេបំផុតទាំង ៥ រូបនៅក្នុងឧស្សាហកម្មកម្សាន្តចិន។ ស្ថិតក្នុងចំណាត់ថ្នាក់លេខ១គឺជាតារាស្រី Tiffany Tang ចំណែក Zhao Liying ស្ថិតនៅលេខរៀងទី៥។ ទ្រព្យសម្បត្តិរបស់ពួកគេបានមកពីថ្លៃសម្តែង រួមទាំងការវិនិយោគ ការបណ្តាក់ទុនអាជីវកម្ម និងអចលនទ្រព្យ។
ចំណាត់ថ្នាក់ទី៥ គឺបានបង្ហាញពីតារាសម្តែង Zhao Liying ដែលជាតារាសម្តែងមកពីជនបទ ដែលបានតស៊ូអស់រយៈពេលជាច្រើនឆ្នាំក្នុងការដើរតួជាតួរង។ ការខិតខំប្រឹងប្រែងឥតឈប់ឈររបស់នាង តារាស្រីរូបនេះបានក្លាយជាតារាសម្តែងជួរមុខជាមួយនឹងរឿងភាគល្បីៗជាបន្តបន្ទាប់។ យោងតាម QQ ទ្រព្យសម្បត្តិសុទ្ធរបស់ Zhao Liying ត្រូវបានប៉ាន់ប្រមាណថាមានប្រហែល ៣.៥ ពាន់លានយ័ន។ ប្រាក់ចំណូលភាគច្រើនរបស់នាងបានមកពីការសម្តែង ការផ្សាយពាណិជ្ជកម្ម និងសកម្មភាពពាណិជ្ជកម្ម។ បច្ចុប្បន្ន តារាស្រីរូបនេះគ្រប់គ្រងក្រុមហ៊ុនចំនួន៦ និងកាន់កាប់ភាគហ៊ុនដែលមានតម្លៃជាង ៧៣លានយ័ន។
លើសពីនេះ តារាស្រីវ័យ៣៨ឆ្នាំរូបនេះមានអចលនទ្រព្យជាច្រើននៅកណ្តាលទីក្រុងប៉េកាំងដែលមានតម្លៃសរុបលើសពី ៥០០ លានយ័ន។ តួលេខទាំងនេះបង្ហាញថា ភាពជោគជ័យរបស់ Zhao Liying មិនត្រឹមតែជាសិល្បៈប៉ុណ្ណោះទេ ថែមទាំងគួរឱ្យចាប់អារម្មណ៍យ៉ាងខ្លាំងផ្នែកហិរញ្ញវត្ថុផងដែរ។
ស្ថិតក្នុងចំណាត់ថ្នាក់នាំមុខគេគឺតារាស្រី Tiffany Tang ដែលមានទ្រព្យសម្បត្តិសុទ្ធចំនួន ៩ពាន់លានយ័ន ដែលលើសពីមិត្តរួមការងាររបស់នាងឆ្ងាយណាស់។ ទោះបីជារស់នៅក្នុងជីវិតឯកជន និងមិនសូវបង្ហាញពីរបៀបរស់នៅដ៏ប្រណីតរបស់ខ្លួនក៏ដោយ Tiffany ត្រូវបានគេចាត់ទុកថាជាតារាស្រីដែលមានជាងគេបំផុតនៅក្នុងឧស្សាហកម្មកម្សាន្តចិននាពេលបច្ចុប្បន្ន។ យោងតាម QQ ទ្រព្យសម្បត្តិទាំងមូលនេះជារបស់នាងតែម្នាក់ឯង ដែលមិនមានទំនាក់ទំនងជាមួយស្វាមីរបស់នាងគឺ Luo Jin។ ប្រាក់ចំណូលរបស់ Tiffany Tang ពីការសម្តែងលើសពី ៣.៥ ពាន់លានយ័ន ខណៈដែលជាង ៥.៥ ពាន់លានយ័នបានមកពីការលក់ភាគហ៊ុនវិនិយោគ។
លើសពីនេះ តារាស្រីវ័យ៤២ឆ្នាំនេះមានអចលនទ្រព្យជាច្រើននៅទីតាំងសំខាន់ៗដែលមានតម្លៃប៉ាន់ស្មានប្រហែល ២ពាន់លានយ័ន។មិនត្រឹមតែទទួលបានជោគជ័យនៅលើអេក្រង់ប៉ុណ្ណោះទេ Tiffany Tang ក៏ល្បីល្បាញដោយសារជំនាញវិនិយោគរបស់នាងផងដែរ។ ប្រភពចំណូលរបស់នាងបានជួយនាងប្រមូលទ្រព្យសម្បត្តិយ៉ាងច្រើន និងរក្សាតំណែងឈានមុខគេរបស់ខ្លួន៕
