នៅសុខមិនចង់! អ៊ូហ្គង់ដា ចេញមុខឈរខាងអ៊ីស្រាអែលត្រៀមវា.យអ៊ីរ៉ង់

ឧត្តមសេនីយ៍ Muhoozi Kainerugaba អគ្គមេបញ្ជាការកងកម្លាំងការពារជាតិប្រទេសអ៊ូហ្គង់ដា បានចេញមុខប្រកាសចំៗជាសាធារណៈថា បើអ៊ីរ៉ង់មិនព្រមបញ្ចប់សង្រ្គា.មឆាប់ៗនេះទេ កងកម្លាំងរបស់អ៊ូហ្គង់ដានឹងចាប់ផ្តើមចូលរួមក្នុងសង្គ្រា.មនោះដោយនៅខាងអ៊ីស្រាអែលប្រឆាំងនឹងអ៊ីរ៉ងជាក់ជាមិនខាន ។ ការប្រកាសនេះធ្វើឡើងតាមរយៈការបង្ហោះសំណេរនៅបណ្ដាញសង្គម X របស់លោក Kainerugaba ផ្ទាល់។

តាមរយៈសេចក្តីថ្លែងការណ៍ដែលបានបង្ហោះនៅលើប្រព័ន្ធផ្សព្វផ្សាយសង្គមដូចខាងលើ លោក Kainerugaba បានផ្ដល់ការព្រ.មានដល់អ៊ីរ៉ង់ថា ការប៉ុនប៉ងណាមួយដើម្បី “បំផ្លាញ ឬកម្ចាត់” អ៊ីស្រាអែល នឹងទាញឲ្យប្រទេសអ៊ូហ្គង់ដាចូលទៅក្នុងសង្គ្រាមនៅខាងអ៊ីស្រាអែល។ លោកបញ្ជាក់ថា កងកម្លាំងប្រដាប់អាវុធរបស់ប្រទេសអ៊ូហ្គង់ដា នឹងចាប់ផ្តើមចូលរួមក្នុងសង្គ្រាមនេះ ប្រសិនបើអ៊ីរ៉ង់មិនបញ្ចប់វាក្នុងពេលឆាប់ៗខាងមុខនេះទេ។

គួរជម្រាបថា ការកត់សម្គាល់របស់អគ្គមេបញ្ជាការកងកម្លាំងការពារជាតិប្រទេសអ៊ូហ្គង់ដា បានកើតឡើង ខណៈដែលការប្រយុទ្ធគ្នានៅមជ្ឈិមបូព៌ាបន្តកើនឡើងឥតឈប់ឈរ ដែលបង្កើនការព្រួយបារម្ភអំពីថាតើនឹងមានប្រទេសណាផ្សេងទៀតអាចចូលរួមពាក់ព័ន្ធក្នុងបញ្ហាសង្រ្គាមជាមួយអ៊ីរ៉ង់។

ទោះជាយ៉ាងណាក៏ដោយ មិនមានការបញ្ជាក់ជាផ្លូវការពីរដ្ឋាភិបាលអ៊ូហ្គង់ដាថាពួកគេមានគម្រោងចូលរួមសង្គ្រាមនោះទេ។ អ្នកវិភាគកត់សម្គាល់ថា លោក Kainerugaba ត្រូវបានគេស្គាល់ថាជាអ្នកធ្វើសេចក្តីថ្លែងការណ៍សាធារណៈដ៏រឹងមាំ និងជួនកាលញុះញង់ ហើយការអត្ថាធិប្បាយរបស់លោកអាចមិនតំណាងឱ្យគោលនយោបាយជាតិផ្លូវការនោះទេ។

ជំហរផ្លូវការរបស់ប្រទេសអ៊ូហ្គង់ដាជាទូទៅបានសង្កត់ធ្ងន់លើការទូត និងការសន្ទនា ដោយមន្ត្រីរដ្ឋាភិបាលពីមុនបានអំពាវនាវឱ្យមានដំណោះស្រាយដោយសន្តិវិធីជាជាងការកើនឡើងផ្នែកយោធា។

អ្នកជំនាញនិយាយថា សេចក្តីថ្លែងការណ៍នេះឆ្លុះបញ្ចាំងពីសញ្ញានយោបាយ និងការគាំទ្រ ជាជាងការប្តេជ្ញាចិត្តផ្នែកយោធាភ្លាមៗ។ យ៉ាងណាក៏ដោយ វាបង្ហាញពីរបៀបដែលជម្លោះអាចទាក់ទាញតួអង្គមកពីខាងក្រៅតំបន់ ប្រសិនបើភាពតានតឹងបន្តកើនឡើង។