គណនីទិកតុក Jungkook ចុចតាមដានសិល្បករជាច្រើនរួមទាំងក្រុម BLACKPINK និង EXO

នៅយប់ថ្ងៃទី២៦ ខែមីនា Jungkook សមាជិក BTS បានបង្កឱ្យមានការភ្ញាក់ផ្អើលតាមអ៊ីនធឺណិតដោយគណនី TikTok បានតាមដានគណនីរាប់រយភ្លាមៗក្នុងឧស្សាហកម្មតន្ត្រីទាំងសិល្បករ K-Pop និងអឺរ៉ុប ។ ជាពិសេស សមាជិកក្មេងជាងគេរបស់ក្រុម BTS ក៏តាមដានឈ្មោះដែលមិននឹកស្មានដល់ដូចជា EXO និង BLACKPINK រួមជាមួយនឹងគណនីរបស់សមាជិកទាំងបួនគឺ Jisoo, Jennie, Rosé និង Lisa។

ហេតុការណ៍នេះបានធ្វើឱ្យអ្នកលេងអ៊ីនធឺណិតភ្ញាក់ផ្អើលពីព្រោះ EXO និង BLACKPINK គឺជាគូប្រជែងរបស់ BTS ដែលជារឿយៗគេបានឃើញ Fandom របស់ពួកគេពុំត្រូវរ៉ូវគ្នាប៉ុន្មាននោះទេតែងតែប៉ះពារពាក្យសម្តីនៅលើបណ្តាញសង្គម។ សកម្មភាពរបស់ Jungkook បានបង្កឱ្យមានការចាប់អារម្មណ៍យ៉ាងឆាប់រហ័សនៅទូទាំងប្រព័ន្ធផ្សព្វផ្សាយសង្គម។

អ្នកប្រើប្រាស់អ៊ីនធឺណិតបានជជែកវែកញែកឥតឈប់ឈរថាហេតុអ្វីបានជា Jungkook ស្រាប់តែចាប់ផ្តើមតាមដានមនុស្សជាច្រើនយ៉ាងនេះ។ នៅក្នុងវិស័យ K-pop តារាល្បីៗត្រូវប្រុងប្រយ័ត្ននៅពេលប្រើប្រាស់ប្រព័ន្ធផ្សព្វផ្សាយសង្គម ព្រោះប៊ូតុង follow ឬ like ណាមួយអាចត្រូវបានពិភាក្សា និងស្មានទុកជាមុន។ យ៉ាងណាក៏ដោយ Jungkook មិនស្ទាក់ស្ទើរក្នុងការតាមដានសិល្បករមួយចំនួនធំនោះទេ រួមទាំងក្រុមគូប្រជែងផងដែរ។

អ្នកលេងអ៊ីនធឺណិតបានលើកឡើងដោយលេងសើចថា Jungkook អាចនឹង «កំពុងបំពេញបេសកកម្មជាប្រព័ន្ធ» «ដើរតាមគ្នាទៅវិញទៅមក» «ទូតសុច្ឆន្ទៈសន្តិភាពរបស់ Kpop» «ជាអ្នកជំនាញខាងការទូត»ជាដើម។ ទោះជាយ៉ាងណាក៏ដោយ មនុស្សភាគច្រើនកោតសរសើរ Jungkook ចំពោះការបំបែកព្រំដែនដើម្បី «រស់នៅដោយស្មោះត្រង់» ដោយសេរី និងចុចតាមដានសិល្បករដែលលោកចូលចិត្តដូចមនុស្សធម្មតាដទៃទៀតដែរ៕