BTS សហការជាមួយផលិតករដែលធ្លាប់ធ្វើការជាមួយ BLACKPINK

យោងតាមរបាយការណ៍ប្រព័ន្ធផ្សព្វផ្សាយក្រុមចម្រៀង BTS បានសហការជាមួយឌីជេ និងផលិតករតន្ត្រីជនជាតិអាម៉េរិក Diplo សម្រាប់អាល់ប៊ុមស្ទូឌីយោពេញលេញរបស់ពួកគេដែលមានចំណងជើងថា «Arirang »។ ផលិតករតន្ត្រីរូបនេះធ្លាប់បានធ្វើការលើបទចម្រៀង «Jump» របស់ BLACKPINK ពីមុន។ Diplo បានបង្ហាញដោយផ្ទាល់ថាលោកបានចូលរួមក្នុងការផលិតបទចម្រៀងជាច្រើននៅក្នុងអាល់ប៊ុមស្ទូឌីយោទី៥របស់ BTS។

នៅក្នុងបទសម្ភាសន៍ថ្មីៗនេះ Diplo បានចែករំលែករឿងរ៉ាវនៅពីក្រោយឆាកអំពីការធ្វើការជាមួយក្រុមតន្ត្រីសកលលោក។ លោកបាននិយាយថា «ខ្ញុំបានផលិតតន្ត្រីអស់រយៈពេល ៣០ ឆ្នាំមកហើយ ហើយខ្ញុំមានអារម្មណ៍ថាមានសំណាងណាស់ដែលបានសហការជាមួយក្រុមដ៏អស្ចារ្យបែបនេះ ដើម្បីបង្កើតតន្ត្រីដ៏អស្ចារ្យជាមួយគ្នា»។ លោកក៏បានសម្តែងទំនុកចិត្តយ៉ាងខ្លាំងចំពោះអាល់ប៊ុមថ្មីរបស់ BTS ផងដែរថា «និយាយដោយស្មោះត្រង់ទៅ ពិភពលោកទាំងមូលនឹងភ្ញាក់ផ្អើល»។ ក្នុងពេលជាមួយគ្នានេះ ផលិតករអាម៉េរិករូបនេះបាននិយាយ Arirang ថាជាអាល់ប៊ុមដែលមិនធ្លាប់មានពីមុនមក។

Diplo បានសរសើរកម្រិតនៃការចូលរួមរបស់សមាជិក BTS ក្នុងដំណើរការច្នៃប្រឌិតថា «សមាជិកទាំងអស់គឺល្អឥតខ្ចោះនៅក្នុងវិស័យរៀងៗខ្លួន។ ពួកគេមានភាពច្នៃប្រឌិតមិនគួរឱ្យជឿ»។ លោកបានបន្ថែម ដោយនិយាយថាកម្រិតជំនាញរបស់ពួកគេគឺ “មិនគួរឱ្យជឿ”។

Diplo បានសរសើរ Jungkook ជាពិសេស ដោយចែករំលែកថា Jungkook មានសំឡេងល្អឥតខ្ចោះ ដោយមិនត្រូវការ auto tune ទេ។លោកក៏បានសង្កត់ធ្ងន់លើភាពបត់បែន និងសមត្ថភាពសិល្បៈគ្រប់ជ្រុងជ្រោយរបស់ក្រុមផងដែរ។ ផលិតកររូបនេះក៏បានលើកឡើងពីទំហំនៃកិច្ចសហការនេះផងដែរថាការធ្វើការជាមួយ BTS គឺជាគម្រោងដ៏ធំបំផុតដែលខ្ញុំធ្លាប់បានធ្វើរហូតមកដល់ពេលនេះ ដែលបង្កើនការរំពឹងទុករបស់អ្នកគាំទ្រចំពោះអាល់ប៊ុមនេះបន្ថែមទៀត។

អ្នកប្រើប្រាស់អ៊ីនធឺណិតបានរកឃើញថា Diplo ក៏បានផលិតបទចម្រៀង «Jump » របស់ Blackpink ដែលចេញផ្សាយកាលពីខែកក្កដា កន្លងទៅ។ បទចម្រៀងនេះនឹងត្រូវបានបញ្ចូលក្នុងអាល់ប៊ុម «Deadline» របស់ក្រុម ដែលគ្រោងនឹងចេញផ្សាយនៅថ្ងៃទី ២៧ ខែកុម្ភៈ។

នេះបាននាំឱ្យអ្នកគាំទ្រ Kpop ជាច្រើនពិភាក្សា និងព្យាករណ៍ថាអាល់ប៊ុមរបស់ Blackpink និង BTS អាចមានរចនាប័ទ្មស្រដៀងគ្នា។ ជាពិសេសចាប់តាំងពីក្រុមចម្រៀងដ៏ពេញនិយមទាំងពីរនេះត្រូវបានគេរំពឹងថានឹងត្រឡប់មកវិញក្នុងពេលតែមួយនៅឆមាសទីមួយនៃឆ្នាំ ២០២៦ ការប្រកួតប្រជែងនឹងកាន់តែខ្លាំងក្លា។

យោងតាមផែនការនេះ BTS នឹងចេញអាល់ប៊ុម «Arirang» របស់ពួកគេនៅថ្ងៃទី ២០ ខែមីនា។ នៅថ្ងៃទី ២១ ខែមីនា ក្រុមនេះគ្រោងនឹងធ្វើការសម្ដែង នៅទីលាន Gwanghwamun ដែលនឹងត្រូវបានចាក់ផ្សាយទូទាំងពិភពលោកនៅលើ Netflix៕