ផ្ទុះការសរសើ! ជនបរទេសមួយរូបចូលទៅសរសេពាក្យថា «ចោ.រ» លើទូរកុងតឺន័រថៃនៅតំបន់ថ្មដា

សូម្បីតែជនបរទេសក៏ដឹងពីសន្ដាន! បន្ទាប់ពីយោធាថៃបានស្ទូចទូរកុងតឺន័រមកដាក់តំរៀបធ្វើជារបង ដើម្បីព័ទ្ធយកដីកម្ពុជានៅច្រកជ័យជំនៈ ឃុំថ្មដា ស្រុកវាលវែង ខេត្តពោធិ៍សាត់ ដោយអះអាងថាចំណុចនោះជាទឹកដីរបស់ខ្លួន ស្រាប់តែជនបរទេសម្នាក់ដើរចូលទៅជិតទូរកុងតឺន័រនោះរួចសរសេពាក្យថា «ចោ.រ» ដើម្បីជាការបង្ហាញថាទង្វើដែលយោធាថៃកំពុងតែធ្វើ គឺជាការលួ.ចប្ល.ន់ទឹកដីសុទ្ធសាធ។

លោក Kevin Smith ជនជាតិអង់គ្លេសរស់នៅកម្ពុជា ដែលកន្លងមកតែងកត់ត្រាអំពីជម្លោះរវាងកម្ពុជា និងថៃ និងលាតត្រដាងការពិតនៅលើប្រព័ន្ធផ្សព្វផ្សាយប្រាប់ទៅកាន់ពិភពលោកអំពីសកម្មភាពឈ្លានពានរបស់ថៃធ្វើមកលើប្រទេសកម្ពុជា ទទួលបានការកើតសរសើជាថ្មីបន្ទាប់ពីគាត់បានធ្វើរឿងដ៏ក្លាហានមួយនៅចំពោះមុខទាហានថៃ។

តាមរយៈវីដេអូដែលបានបង្ហោះនៅថ្ងៃទី៨ ខែកុម្ភៈម្សិលមិញនេះ លោក Kevin បានស្ពាយទង់ជាតិកម្ពុជានៅពីក្រោយខ្នង រួចដើរសំដៅចូលទៅជិតទីតាំងទូរកុងតឺន័ររបស់យោធាថៃដែលព័ទ្ធលើដីរបស់កម្ពុជា ដើម្បីបា.ញ់ថ្នាំស្ព្រេសរសេពាក្យជាភាសាខ្មែរថា «ចោ.រ» និងពាក្យជាភាសាអង់គ្លេសថា «THIEVES» រួចថតបង្ហោះទៅក្នុងបណ្ដាញសង្គមដើម្បីឲ្យអន្តរជាតិដឹងថា ទូរកុងតឺន័រទាំងនោះគឺជារបស់ចោ.រដែលបានយកមកដាក់ដើម្បីប្ល.ន់យកដីរបស់កម្ពុជា។

បើទោះជាមានបម្រាមពីយោធាថៃហាមឃា.ត់កុំឲ្យប៉ះពាល់ ឬចូលទៅជិតពួកគេក៏ដោយ ក៏ជនបរទេសរូបនេះមិនខ្វល់ហើយបន្តធ្វើអ្វីដែលខ្លួនចង់ធ្វើដើម្បីបង្ហាញការពិត រហូតធ្វើឲ្យប្រជាជនកម្ពុជានាំគ្នាកោតសរសើពីភាពក្លាហានរបស់គាត់មិនដាច់ពីមាត់។ ក្នុងនោះផងដែរ មហាជនជាច្រើនបានចូលទៅខម្មិនបង្ហាញពីការគាំទ្ររបស់ខ្លួនចំពោះលោក Kevin ខណៈលោក Kevin បានជួយជាសម្លេងសម្រាប់កម្ពុជាមកជាហូរហែរ។

គួរជម្រាបថា បើទោះជាភាគីបានឯកភាពបញ្ឈប់ការបា.ញ់ប្រហារគ្នាក៏ដោយ ប៉ុន្តែយោធាថៃនៅបន្តឈ្លានពានកម្ពុជាតាមរយៈសកម្មភាពជាច្រើនដូចជា ការដាក់ពង្រាយលួសបន្លា ទូរកុងតឺន័រ និងលូរប្រអប់ធំៗព័ទ្ធលើតំបន់ដែលស្ថិតក្នុងអធិបតេយ្យភាពកម្ពុជា ដោយមិនញញើតកោតខ្លាចច្បាប់អន្តរជាតិ ឬភាគីណាមួយឡើយ។

កាលពីថ្ងៃទី០៦ ខែកុម្ភៈ ឆ្នាំ២០២៦ ក្រុម AOT អាស៊ាន មកពីប្រទេសម៉ាឡេស៊ី ប្រ៊ុយណេ វៀតណាម ឡាវ និងហ្វីលីពីន ដែលដឹកនាំ និងសម្របសម្រួលដោយកងទ័ពកម្ពុជា បានចុះទៅសង្គេតការណ៍នៅឃុំថ្មដា ស្រុកវាលវែង ខេត្តពោធិ៍សាត់ ហើយឃើញផ្ទាល់នឹងភ្នែក នូវទង្វើឈ្លានពានរបស់ទាហានសៀមមកលើកម្ពុជា គឺការព័ទ្ធបន្លាលួសយកដី ផ្ទះ ហាងលក់ដូរ និងសកម្មភាពដឹកទូកុងតឺន័រយ៉ាងគឃ្លើនផងដែរ។ សកម្មភាពរំលោភទាំងកម្រោលបែបនេះ ជាការបំពានច្បាប់អន្តរជាតិយ៉ាងធ្ងន់ធ្ងរ ដែលសហគមន៍អន្តរជាតិ ត្រូវតែចាត់ការជាបន្ទាន់ និងជួយអន្តរាគមន៍ដល់កម្ពុជា ដែលកំពុងរងគ្រោះយ៉ាងអយុត្តិធម៌ ៕