អេមហួស! សមាជិកក្រុម K-Pop Alpha Drive One រាំបទ N.John

ពិតជាមិនធម្មតានោះទេមានឪពុកជាខ្លានោះកូនក៏មិនអាចជាកូនឆ្មាបានដែរ ខណៈពេលនេះបទចម្រៀងរបស់ N.John បន្តទាក់ទាញទស្សនិកជនយ៉ាងខ្លាំងជាពិសេសពេលនេះសមាជិកក្រុមចម្រៀង K-Pop ថ្មីថ្មោងមួយក្រុមមានឈ្មោះថា Alpha Drive One (ALD1) បានរាំបទ «Pop out» របស់ N.John ។

ចាប់តាំងពី Ahyeon សមាជិក BABYMONSTER , Kino សមាជិក Pentagon បានរាំបទ «Pop out» របស់ N.John មកបានធ្វើឱ្យទីផ្សារនៃការរាំ Challenge បទនេះល្បីកក្រើកយ៉ាងខ្លាំងទាក់ទាញមនុស្សជាច្រើនទាំងតារាក្នុងស្រុកតារាក្រៅស្រុករួមទាំងទស្សនិកជនទូទៅ។ ជាក់ស្តែងអ្នកគាំទ្រក៏មានការភ្ញាក់ផ្អើលបន្តទៀតនៅពេលឃើញសមាជិកក្រុមចម្រៀង K-Pop Alpha Drive One បានរាំបទចម្រៀង N.John កូនប្រុសទីពីររបស់ឧកញ៉ា ព្រាប សុវត្ថិ។

នៅថ្ងៃទី៦ ខែកុម្ភៈ នៅលើគណនីទិកតុកផ្លូវការរបស់ក្រុម ALD1 បានបង្ហោះវីដេអូរាំ Challenge បទ «Pop out» របស់ N.John នៃសមាជិកពីរនាក់នោះគឺ Leo និង Sangwon។ ក្រុមថ្មីថ្មោងដែលទើបបង្ហាញខ្លួនផ្លូវការនៅក្នុងវិស័យ Kpop នេះមានសមាជិកសរុបចំនួន៨នាក់។ ក្រោយឃើញបទចម្រៀងរបស់កូនខ្មែរកំពុងត្រូវប៉ាន់មានការពេញនិយមរបស់តារា Kpop ទស្សនិកជនបានបង្ហាញអារម្មណ៍រីករាយយ៉ាងខ្លាំង។

ងាកមកកាន់តារាក្នុងស្រុកវិញ «Pop out» បានទាក់ចិត្តតារាល្បីៗដូចជាតារារ៉េប តី បវរកញ្ញា ពេជ្រ វត្តីសារ៉ាវឌ្ឍី ប៊ី សុធារី , Ruby Yana កូនស្រីរបស់អ្នកឧកញ៉ា ហុងពីវ Pichy នៃក្រុមរាំល្បីឈ្មោះ spicynames និងអ្នកផ្សេងទៀត។ ក្រៅពីបទ «Pop Out» កំពុងពេញនិយម N.John បានបង្ហាញចំណាប់អារម្មណ៍របស់ខ្លួនថាបទចម្រៀង «She Knows» គឺជាបទដែលលោកមានការពេញចិត្ត។

«Pop out» ជាបទនៅក្នុងអាល់ប៊ុម LA LA LAND ដែលបានចេញជាផ្លូវការនៅថ្ងៃទី២០ ខែវិច្ឆិកា ឆ្នាំ២០២៥។ សន្ទុះការគាំទ្រ ជាពិសេសនៅពេលឃើញតារា Kpop ដ៏ល្បីរាំបទចម្រៀងរបស់លោក នៅពេលនេះមនុស្សមួយចំនួនបានផ្លាស់ប្តូរការគិតមកកាន់ N.John ហើយ។ ការតស៊ូខិតខំប្រឹងប្រែងរបស់ N.John ខ្លួនមួយលើអាជីពសិល្បៈនៅលើទឹកដីសហរដ្ឋអាម៉េរិកឆ្ងាយឪពុកម្តាយ ក្រុមគ្រួសារ ពេលនេះចាប់ផ្តើមរីកលូតលាស់បណ្តើរៗហើយ៕