ជាច្រើនដងមកហើយនៅពេល ពេជ្រ វត្តីសារ៉ាវឌ្ឍី ដែលជាបវរកញ្ញាល្បីឈ្មោះមួយរូបត្រូវរងនូវមតិវែកញែកពីសាធារណជនរាល់ពេលដែលនាងស្លៀកពាក់ក្នុងឈុតប៊ីគីនី។ ទស្សនិកជនមួយចំនួននៅតែមិនអាចបើកចិត្តទទួលយកបាននូវការស្លៀកពាក់របស់នាងជាមួយនឹងសម្តីថាជាគំរូមិនល្អដល់ក្មេងស្រីជំនាន់ក្រោយ មិនគួរយករាងកាយរបស់ខ្លួនមកបង្ហាញបែបនេះ។
ថ្មីៗនេះ ពេជ្រ វត្តីសារ៉ាវឌ្ឍី បានបង្ហោះវីដេអូរាំកម្សាន្តបទចម្រៀងខ្មែរមួយបទដែលមានផ្ទៃពីខាងក្រោយជាអាងទឹកហើយទីតាំងទំនងស្ថិតនៅប្រទេសឥណ្ឌូនេស៊ី។ បវរកញ្ញាខ្មែររូបនេះបានស្លៀកឈុតប៊ីគីនី មានជាមួយនឹងខោខៅប៊យខ្លីបន្ថែម បញ្ចេញរាងយ៉ាងស្រស់ស្អាតជាមួយនឹងក្បាលពោះរាបស្មើ។ វីដេអូមួយនេះបានទាញចំណាប់អារម្មណ៍ទស្សនិកជនភ្លាមៗជាមួយនឹងពាក្យសរសើរជាច្រើន ប៉ុន្តែក៏រងនូវមតិប្រតិកម្មមិនពេញចិត្តពីអ្នកមួយចំនួនដូចគ្នា។
អ្នកលេងបណ្តាញសង្គមមួយចំនួនដែលមិនពេញចិត្តចំពោះការស្លៀកពាក់ស៊ិចស៊ីបានបញ្ចេញមតិនៅក្រោមវីដេអូរបស់ ពេជ្រ វត្តីសារ៉ាវឌ្ឍី ថា «តារាឥឡូវ ក្រៗម្ល៉េះ» «១០០%ស្អាត ប៉ុន្តែតាមបែបស្ត្រីបរទេស មិនមែនតាមបែបខ្មែរ»មតិមួយនេះ ពេជ្រ វត្តីសារ៉ាវឌ្ឍី បានឆ្លើយតបថា នាងបត់បែនតាមកាលៈទេសៈ។ គណនីផ្សេងទៀតបានបញ្ចេញមតិថា « ក្នុងខ្លួនកើតឣីបានចេះតែស្លៀកចឹងថត» ស្របពេល ពេជ្រ វត្តីសារ៉វឌ្ឍី បានតបតវិញថា «កើតអីក្នុងខ្លួនមិចបានចេះតែទើសទាល់គេ»។
ជាច្រើនដងមកហើយដែល ពេជ្រ វត្តីសារ៉ាវឌ្ឍី ត្រូវបានអ្នកលេងបណ្តាញសង្គមបញ្ចេញមតិរិះគន់ចំពោះការស្លៀកពាក់របស់នាងដោយមិនអាចបើកចិត្តទទួលយករាល់ពេលនាងស្លៀកឈុតប៊ីគីនី ឬស្លៀកពាក់ស៊ិចស៊ី។
មែនទែនទៅ បវរកញ្ញាខ្មែរដ៏ល្បីល្បាញរូបនេះមិនត្រឹមតែស្លៀកពាក់ស៊ិចស៊ីប៉ុណ្ណោះទេ ប៉ុន្តែរូបនាងក៏បានស្លៀកពាក់តាមបែបប្រពៃណីដូចគ្នា ទាស់ត្រង់ថារាល់ពេលនាងស្លៀកពាក់ស៊ិចស៊ីប្រជាជនខ្មែរមួយចំនួនមិនទាន់អាចបើកចិត្តទទួលយកបានក្រោមហេតុផលស្លៀកពាក់ប្រាសចាកប្រពៃណីទំនៀមទម្លាប់ខ្មែរ៕
