តារាចម្រៀង ស៊ូ លីផេង និង ម៉ុង ម៉ានិត បានធ្វើឱ្យទស្សនិកជនមានការចាប់អារម្មណ៍បន្ទាប់ពីទម្លាក់ Poster ដែលអ្នកទាំងពីរនឹងមានបទចម្រៀងថ្មីរួមគ្នា។ គ្រាន់តែទម្លាក់វីដេអូខ្លីៗអ្នកគាំទ្របានសរសើរថាសំឡេងអ្នកទាំងពីរស៊ីគ្នាខ្លាំង។
អ្នកគាំទ្រជ្រាបមកហើយថាតារាចម្រៀង ស៊ូ លីផេង តែងតែមានបទចម្រៀងមនោសញ្ចេតនាកម្សត់ឈឺចិត្តស្អិតទ្រូងតាំងពីនៅលីវរហូតរៀបការហើយក្តីលោកនៅតែចេញចម្រៀងប្រភេទឈឺចាប់ឱ្យអ្នកគាំទ្រស្តាប់ដដែល។ តារាចម្រៀងរូបនេះធ្លាប់មានការសហការជាមួយនឹងសិល្បការិនីផ្សេងទៀតមានដូចជាអ្នកនាង អូលីកា, ពេជ្រ សូលីកា, និង មីណា ជាដើម។ ព័ត៌មានចុងក្រោយនេះ តារាចម្រៀង ម៉ានិត បានបង្ហើបពីការសហការគ្នារវាងលោកនិងតារាចម្រៀង ស៊ូ លីផេង ផងដែរ។
.png)
តារាចម្រៀង ស៊ូ លីផេង និង ម៉ុង ម៉ានិត នឹងមានបទចម្រៀងកំដរអារម្មណ៍អ្នកគាំទ្រដែលមានចំណងជើងថា «សន្យាច្រើនម្ល៉េះ» ប៉ុន្តែកាលបរិច្ឆេតពិតប្រាកដនៃការចេញផ្សាយពុំទាន់បានបង្ហាញច្បាស់លាស់នោះទេ។ យ៉ាងណាមិញ តារាចម្រៀងនិងជាអ្នកនិពន្ធ ម៉ានិត បានបង្ហោះវីដេអូខ្លីបង្ហើបចម្រៀងនេះហើយត្រូវបានអ្នកគាំទ្រជាច្រើនបញ្ចេញមតិគាំទ្រនិងសរសើរថាសំឡេងអ្នកទាំងពីរស៊ីគ្នាខ្លាំង។
អ្នកគាំទ្រខ្លះថែមទាំងបញ្ចេញមតិថាបទសេដចេញពីសំឡេងផ្អែមបែបនេះគឺឈឺចាប់គុណទ្វេដង ។ គួរឱ្យដឹងថា នេះជាលើកទី១ហើយសម្រាប់អ្នកគាំទ្រដែលឃើញការសហការរបស់តារាចម្រៀងទាំងពីររូបនេះដូច្នោះហើយអ្នកគាំទ្រកំពុងរង់ចាំបទពេញទាំងអន្ទះសារ៕
