កំពុងល្បីនៅចិនរឿងស្អុយគគ្រក់របស់ Lisa និងកូនមហាសេដ្ឋីប្រព្រឹត្តរឿងមិនសមរម្យនៅទីសាធារណៈ

នៅល្ងាចថ្ងៃទី១៣ ខែមករា គេហទំព័រចិន Sohu បានរាយការណ៍ថា Lisa សមាជិក BLACKPINK និងមិត្តប្រុសចចាមអារ៉ាមរបស់នាងដែលជាកូនប្រុសមហាសេដ្ឋី Frédéric Arnault ត្រូវបានចាប់ខ្លួននៅក្នុងប្រទេសថៃ។

តាមប្រភពដដែលបានបញ្ជាក់ថាមូលហេតុនៃការចាប់ខ្លួន Lisa និង Frédéric ដោយសារ អ្នកទាំងពីរត្រូវបានគេរាយការណ៍ថាបានប្រព្រឹត្តអំពើមិនសមរម្យនៅទីសាធារណៈ ខណៈពេលកំពុងចូលរួមពិធីជប់លៀងឯកជនសម្រាប់អ្នកមាននៅទីក្រុងបាងកក ប្រទេសថៃ។ អ្នកគ្រប់គ្រងសណ្ឋាគារគឺជាអ្នកដែលបានរាយការណ៍ពីហេតុការណ៍នេះទៅប៉ូលិស។ បើយោងតាមប្រភពខ្លះ Lisa និង Frédéric Arnault មិនត្រូវបានប៉ូលិសឃាត់ខ្លួនទេ ពួកគេគ្រាន់តែទៅស្ថានីយ៍ប៉ូលិសដើម្បីបង់ប្រាក់ពិន័យរដ្ឋបាល ហើយបន្ទាប់មកបានចាកចេញ។

ស្របពេលរឿងនេះកើតឡើងដែរថា Lisa និង Frédéric ធ្វើរឿងមិនសមរម្យជាមួយគ្នា វីដេអូមួយ ត្រូវបានគេចោទប្រកាន់ថាបង្ហាញពីឈុតឆាកស្និទ្ធស្នាលរវាង Lisa និង Frédéric Arnault នៅក្នុងពិធីជប់លៀងដែលបានរៀបរាប់ខាងលើ កំពុងត្រូវបានចែកចាយនៅលើវេទិកាប្រព័ន្ធផ្សព្វផ្សាយសង្គមចិនជាច្រើន ។

ព័ត៌មានផ្ទាល់ខ្លួនដ៏រសើបទាក់ទងនឹង Lisa និងកូនមហាសេដ្ឋីបានបង្កឱ្យមានការចលាចលជាសាធារណៈ។ មនុស្សជាច្រើនជឿថាប្រសិនបើរឿងនេះជាការពិត រូបភាពសាធារណៈរបស់ Lisa គឺពិបាកនឹងស្រោចស្រង់ណាស់ ខណៈអ្នកផ្សេងទៀតសួរថាហេតុអ្វីបានជាពួកគេប្រព្រឹត្តអាកប្បកិរិយាមិនសមរម្យបែបនេះនៅទីសាធារណៈ ដោយសារម្នាក់ជាអ្នកស្នងមរតកដ៏មានទ្រព្យសម្បត្តិ និងម្នាក់ទៀតជាតារាល្បីលំដាប់ពិភពលោក?

ទោះជាយ៉ាងណាក៏ដោយ អ្នកលេងអ៊ីនធឺណិតជាច្រើនជឿថាព័ត៌មានដ៏គួរឱ្យភ្ញាក់ផ្អើលអំពីជីវិតឯកជនរបស់ Lisa និង Frédéric មិនទាន់ត្រូវបានផ្ទៀងផ្ទាត់នៅឡើយទេ។ ដូច្នេះ សាធារណជនមិនគួរប្រញាប់ប្រញាល់ជឿទាំងស្រុងឡើយ។

Lisa និង Frédéric បានបង្កពាក្យចចាមអារ៉ាមអំពីការណាត់ជួបជាលើកដំបូងនៅក្នុងខែកក្កដា ឆ្នាំ២០២៣ បន្ទាប់ពីត្រូវបានថតដោយអ្នកដើរកាត់ម្នាក់នៅភោជនីយដ្ឋានមួយក្នុងប្រទេសបារាំង។ ចាប់តាំងពីពេលនោះមក Lisa និងកូនប្រុសរបស់មហាសេដ្ឋីរូបនេះត្រូវបានគេប្រទះឃើញម្តងហើយម្តងទៀតនៅក្នុងការណាត់ជួបនៅទីតាំងផ្សេងៗគ្នាជុំវិញពិភពលោក ។ គូស្នេហ៍នេះថែមទាំងបានជួបឪពុកម្តាយរបស់គ្នាទៅវិញទៅមកជាច្រើនដងទៀតផង។ ទោះយ៉ាងណាអ្នកទាំងពីរមិនដែលបានបញ្ជាក់ជាផ្លូវការអំពីទំនាក់ទំនងរបស់ពួកគេឡើយប៉ុន្តែមនុស្សជាច្រើនជឿថាអ្នកទាំងពីរគឺជាគូស្នេហ៍នឹងគ្នា៕