ពិធីការិនី ដាលីណា ត្រូវបានអ្នកលេងបណ្តាញសង្គមមួយចំនួនបញ្ចេញមតិក្រោយពីមានកិច្ចសម្ភាសន៍ជាមួយនឹងលោក ហួរ ឡាវី ជុំវិញកាលពីជំនាន់ប៉ុលពតជក់ក.ញ្ឆា។ ឃើញមានការខម្មិនច្រើនពិធីការិនី ណា សាឌី បានចេញមុខនិយាយជំនួសដោយបញ្ជាក់ថាជា MC គឺត្រូវមានចំណេះដឹងទូទៅចំណែកឯ ដាលីណា ជាមនុស្សឆ្លាតមិនមែននាងដឹងច្រើនបែរជាមកចោទនាងប្រើប្រាស់នោះទេ។
.png)
មានរូបសម្រស់ស្រស់ស្អាត ដាលីណា បានបង្ហាញខ្លួនធ្វើជាពិធីការិនីដោយមានឱកាសជួបជាមួយនឹងកំពូលតារាល្បីៗជាច្រើនជាពិសេសទស្សនិកជនបានកត់សម្គាល់ឃើញថាមិនត្រឹមតែអាចធ្វើជាអ្នកសម្របសម្រួលកម្មវិធីប៉ុណ្ណោះទេប៉ុន្តែ ដាលីណា ថែមទាំងអាចបកស្រាយចម្រៀងជាមួយនឹងតារាកិត្តិយសបានទៀតផង។ ទោះជាយ៉ាងណា ថ្មីៗនេះ ដាលីណា បានធ្វើឱ្យសាធារណជនបញ្ចេញមតិវែកញែកក្រោយពីសម្ភាសន៍ជាមួយនឹងតារាចម្រៀងជើងចាស់លោក ហួរ ឡាវី ទាក់ទងនឹងរឿងកាលពីអតីតកាល។
ឃើញមានការវែកញែកនិងចោទប្រកាន់ច្រើនមកកាន់ ដាលីណា ជុំវិញរឿងកញ្ឆាដែលលោក ហួរ ឡាវី រម្លឹកកាលពីសម័យប៉ុលពត ពិធីការិនី ណា សាឌី បានចេញមុខផ្តល់ហេតុផលនិងបញ្ជាក់ពីភាពឆ្លាតវៃរបស់ ដាលីណា។ ណា សាឌី បានសរសេរនៅថ្ងៃទី១០ មករា ថា «ឈ្មោះថាជា MC គឺត្រូវមានចំណេះដឹងទូទៅច្រើន ដូចជាការអាន រឺ research តាម internet ! ខ្ញុំគិតថាវាអត់ខុសទេ ដែលគាត់ដឹងរឿងអស់នេះ ព្រោះវាជារឿងធម្មតាដែលយើងទាំងអស់គ្នាត្រូវដឹងហើយការពារខ្លួន។ គេដឹងច្រើនមិនមែនមានន័យថា គេទៅប្រើប្រាស់ទេ សម័យនេះហើយ សួរ chat GPT ក៏ចេញមកដែរ។ បើចង់ជាន់សូមជាន់ឱ្យត្រូវរឿង»។
ណា សាឌី លើកឡើងទៀតថា ដាលីណា ជាមនុស្សឆ្លាតណាស់តារាកិត្តិយសនិយាយអ្វីមក ក៏គាត់អត់ទាល់ដែរគឺឆ្លើយតបទៅវិញបានភ្លាមៗបន់បែនតាមស្ថានការណ៍ជាក់ស្តែងជាអ្វីដែលហៅថា MC ។ ណា សាឌី ស្នើឱ្យសាធារណជនកុំជាន់ពន្លិច ដាលីណា ទាំងនាង នៅក្មេងអាចកាន់កម្មវិធីធំមួយគឺពូកែណាស់៕
