ផលិតកម្ម GMM របស់ថៃបានប្រកាសបញ្ឈប់ការផលិតរឿង BL មានចំណងជើងថា « Replay » បន្ទាប់ពីរងនូវមតិខ្លាំងក្លាពីទស្សនិកជន។ ការដែលទស្សនិកជនបញ្ចេញមតិរិះគន់ដោយសារតែផលិតកម្មថៃមួយនេះបានយកសាច់រឿងពិតរបស់តារាសម្តែងរបស់ Wang Yibo និង Xiao Zhan មកផលិតជារឿង BL របស់ថៃ។
នៅថ្ងៃទី២៨ ខែវិច្ឆិកា ផលិតកម្ម GMM ដែលលើកកម្ពស់សិទ្ធិតារាសម្តែងបុរសឱ្យឈរហើយតារាសម្តែងស្រីអង្គុយបានប្រកាសពីការបញ្ឈប់ការផលិតស៊េរីរឿង «Replay» ដែលរឿងនេះទើបតែបានចេញ Poster ។ ក្រុមហ៊ុនបានបញ្ជាក់ពីថាពួកគេបានប្រមូលព័ត៌មានពាក់ព័ន្ធពីគ្រប់ភាគី ដើម្បីយកមកពិចារណាឱ្យបានហ្មត់ចត់ និងទូលំទូលាយ បន្ទាប់ពីកិច្ចប្រជុំរួមគ្នា ក្រុមហ៊ុន អ្នកនិពន្ធ និងភាគីពាក់ព័ន្ធទាំងអស់បានព្រមព្រៀងគ្នាជាឯកច្ឆ័ន្ទ ក្នុងការបញ្ចប់ការផលិតរឿងនេះ។ GMM នឹងផលិតគម្រោងថ្មីដែលសមរម្យសម្រាប់តួអង្គទាំងអស់ដែលត្រូវបានជ្រើសរើសសម្រាប់គម្រោងនេះ។ 
គួរឱ្យដឹងថាអ្នកនិពន្ធរឿង «Replay» ជាជនជាតិថៃបានសរសេររឿង BL ដែលប្រើតួសម្តែងចិនពិតៗ។ នៅក្នុងប្រទេសចិន ការប្រើតួអង្គពិតនៅក្នុងរឿងប្រឌិតរបស់ BL គឺជាបម្រាមនិងត្រូវបានចាត់ទុកថាខុសច្បាប់ ហើយវាបណ្តាលឱ្យមានការរិះគន់យ៉ាងខ្លាំងចំពោះសិល្បករចិនដែលឈ្មោះ និងរូបភាពត្រូវបានប្រើប្រាស់។
ក្រុមហ៊ុន Yuehua Entertainment ដែលជាក្រុមហ៊ុនរបស់ Wang Yibo បានចេញសេចក្តីថ្លែងការណ៍ផ្លូវច្បាប់ជាផ្លូវការក្នុងឆ្នាំ ២០២០ ដោយថ្កោលទោសការផ្សព្វផ្សាយពាក្យចចាមអារ៉ាមមិនពិត និងការប្រើប្រាស់សិល្បករពិតក្នុងការងារប្រឌិត។ ភាពចម្រូងចម្រាសនេះក៏ភ្ជាប់ទៅនឹងឧប្បត្តិហេតុ 227 ដែលជារឿងអាស្រូវដ៏ធំបំផុតមួយនៅក្នុងការឧស្សាហកម្មកម្សាន្តរបស់ចិន។
អ្នកគាំទ្រ BL ដែលពាក់ព័ន្ធនឹងតួសម្តែងចិនជាពិសេសអ្នកគាំទ្រ Wang Yibo និង Xiao Zhan
បាននាំឱ្យមានប្រតិកម្មជាតិដ៏ធំ។ AO3 ត្រូវបានបិទនៅក្នុងប្រទេសចិន ម៉ាកយីហោបានទម្លាក់តារាសម្ដែង កេរ្តិ៍ឈ្មោះរបស់តារាសម្តែងបានធ្លាក់ចុះ ហើយអ៊ីនធឺណិតរបស់ចិនទាំងមូលបានប្រឆាំងពួកគេជាច្រើនខែ។ អ្នកគាំទ្រចិនមិនដែលភ្លេចហេតុការណ៍នេះទេព្រោះវាជារឿងអាស្រូវដ៏ធំ។
នៅពេល GMMTV បានប្រកាសចេញស៊េរី Replay ដោយផ្អែកទៅលើប្រលោមលោករបស់អ្នកនិពន្ធដូចគ្នាបានធ្វើឱ្យមានរលកពហិការឡើងវិញព្រោះវាមិនត្រឹមតែអំពីរឿងភាគBLថៃទេតែត្រូវបានផ្សារភ្ជាប់ទៅនឹងភាពចម្រូងចម្រាសដ៏ធំដែលទាក់ទងនឹងតារាល្បីរបស់ចិន និងក្រុមហ៊ុនរបស់ពួកគេ៕
