Wang Churan ធ្លាប់ត្រូវគេចោ.ទថាជាតារាស្រីដែលមានស្នាមញញឹមក្លែងក្លាយក្នុងឧស្សាហកម្មកម្សាន្ត

Wang Churan ជាតារាស្រីល្បីមួយដួងនៅក្នុងប្រទេសចិនហើយត្រូវបានគេសរសើរថានាងមានមុខមាត់ដូចទៅនឹងកំពូលតារាសម្តែង Liu Yifei ។ យ៉ាងណាមិញ Wang Churan បានធ្វើឱ្យសាធារណជនមានការជជែកថែមទាំងចោទថានាងមាន«ស្នាមញញឹមក្លែងក្លាយ» រហូតតារាស្រីរូបនេះបានខិតខំប្រឹងប្រែងកែប្រែដោយបញ្ចេញស្នាមញញឹមច្រើនជាងមុន។

យោងតាមការចុះផ្សាយពី QQ តារាស្រី Wang Churan ត្រូវបានគេលើកឡើងថា «នាងញញឹមដើម្បីរក្សាសន្តិភាព ប៉ុន្តែអារម្មណ៍របស់នាងនិយាយផ្ទុយពីនេះ»។ ទឹកមុខរបស់ Wang Churan បានក្លាយជាប្រធានបទក្តៅនៅក្នុងវេទិកាកម្សាន្តរបស់ចិន។ នៅឆ្នាំ២០២៣ ការសហការដែលរំពឹងទុកយ៉ាងខ្លាំងរបស់នាងជាមួយ Yang Yang ក្នុងរឿង «Fireworks of My Heart » ត្រូវបានគេរំពឹងថានឹងលើកនាងឱ្យឡើងឋានៈកំពូល។ ផ្ទុយទៅវិញ វាបានក្លាយទៅជាគ្រោះថ្នាក់ក្នុងអាជីពដែលបានបង្កឱ្យមានការរិះគន់ក្នុងមតិសាធារណៈ។

អ្វីៗកាន់តែកើនឡើងនៅពេលដែល Wang Churan ត្រូវបានគេចោទប្រកាន់ថាមានអាកប្បកិរិយាដូច diva ដោយបង្ហាញភាពក្រអឺតក្រទម បើទោះបីជាមានភាពល្បីល្បាញថ្មីក៏ដោយ។ ជារឿយៗនាងត្រូវបានគេចាប់បានដោយក្រឡេកភ្នែក ឬសម្លឹងមើលតារាផ្សេងទៀត ដែលជំរុញឱ្យមានពាក្យចចាមអារ៉ាមជាច្រើន។ ម៉ាកយីហោបានចាប់ផ្តើមផ្តាច់ទំនាក់ទំនងគ្នា ហើយនាងបានបាត់ខ្លួនពីព្រឹត្តិការណ៍ចុងឆ្នាំជាច្រើន ដើម្បីគេចពីការរិះគន់បន្ថែមទៀត។

ជាសំណាងល្អនៅឆ្នាំ២០២៤ Wang Churan បាននាំមកនូវសញ្ញានៃការងើបឡើងវិញជាមួយនឹងតួនាទីក្នុងរឿងភាគដូចជា «Joy of Life 2 » និង «Are You the One» ដោយបានចាប់ផ្តើមដណ្តើមតំណែងរបស់នាងឡើងវិញ។

យោងតាម QQ បន្ទាប់ពីមានរឿងអាស្រូវទាក់ទងនឹងរូបភាពរបស់នាង Wang Churan បានខិតខំប្រឹងប្រែងផ្លាស់ប្តូរហើយនាងញញឹមកាន់តែច្រើន។ តារាស្រីរូបនេះបានពន្យល់ថា រូបថតជាច្រើនសន្លឹកដែលមនុស្សបកស្រាយថានាងកំពុងពិបាកចិត្ត ត្រូវបានគេថតអំឡុងពេលដែលនាងគ្រាន់តែ… ដកឃ្លាចេញ។ យ៉ាងណាទស្សនិកជនថា នោះគឺជាលេសដ៏គួរឱ្យអស់សំណើច។ តាំងពីពេលនោះមក Wang Churan បានប្រកាន់យកច្បាប់ថ្មីមួយគឺញញឹមគ្រប់ពេល។ QQ ថែមទាំងបានពណ៌នាស្នាមញញឹមបច្ចុប្បន្នរបស់នាងថាជាស្នាមញញឹម «ក្លែងក្លាយបំផុតនៅក្នុងឧស្សាហកម្មកម្សាន្ត»។

យ៉ាងណាក៏ដោយ Wang Churan នៅតែជាតារាស្រីដែលទាក់ទាញបំផុតម្នាក់។ វត្តមានលើកម្រាលព្រំក្រហមរបស់នាងគឺមិនអាចប្រកែកបាន ហើយជំនាញសម្ដែងរបស់នាង ទោះបីជាមានការជជែកវែកញែកក៏ដោយការសម្តែងក៏មិនអន់ពេកដែរ។ នាពេលបន្ទាប់ Wang Churan នឹងត្រឡប់មកវិញនៅក្នុងរឿងភាគនាពេលខាងមុខចំនួនពីរគឺ «Hidden Shadow» និង «Overdo »។ តាមរយៈឈុតវីដេអូខ្លីៗនិងរូបភាពជាច្រើនរបស់ Wang Churan និង Zhang Linghe ក្នុងរឿង «Overdo » គឺទទួលបានមតិវិជ្ជមាន៕