គណនី Douyin របស់ Zhao Lusi កើនឡើងលើសគណនីរបស់ Dilraba Dilmurat

ថ្មីៗៗនេះ គណនី Douyin របស់ Zhao Lusi ទទួលបានអ្នក Follow ៥០ លាននាក់ជាផ្លូវការហើយបានក្លាយជាតារាដែលមានចំនួន Followers ច្រើនជាងគេក្នុងចំណោមតារាចិន។ តារាស្រីរូបនេះបានបង្ហោះវីដេអូជាច្រើនពីការលេងបទចម្រៀង និងធ្វើបច្ចុប្បន្នភាពជីវិតប្រចាំថ្ងៃ។ Zhao Lusi ក៏ផ្សាយជាទៀងទាត់នូវការជជែកផ្ទាល់ជាមួយអ្នកគាំទ្រ ចែករំលែកគន្លឹះតុបតែងមុខ និងសំលៀកបំពាក់។

កាលពីមុន មុខតំណែងរបស់ម្ចាស់ក្សត្រី Douyin គឺជារបស់ Dilraba Dilmurat ។ សម្រស់ Xinjiang មានភាពល្បីល្បាញនៅលើវេទិកានេះ ដោយសាររូបរាងកម្រាលព្រំក្រហមដ៏គួរឱ្យចាប់អារម្មណ៍ និងសម្រស់លេចធ្លោ រាល់ពេលដែលនាងបង្ហាញខ្លួននៅក្នុងព្រឹត្តិការណ៍នានា។ ការពិតដែលថា Zhao Lusi វ៉ាដាច់ Dilraba Dilmurat ក្លាយជាតារាស្រីដែលមានអ្នកតាមដានច្រើនជាងគេនៅលើ Douyin បានបង្កឱ្យមានការជជែកវែកញែកនៅលើបណ្តាញសង្គម។

អ្នកខ្លះគិតថា ដោយសារតែ Dilraba មិនសូវបាន Update Douyin ញឹកញាប់ ទើបវីដេអូដែលនាងថតគឺធម្មតា មិនមានភាពរស់រវើកដូចកាលពីមុនទេ ដូច្នេះហើយទើបមិនមានសន្ទុះកើនឡើងខ្លាំងនៃចំនួនអ្នកតាមដាន ។ យ៉ាងណាមិញ មានមតិខ្លះទៀតអះអាងថា ការងារជារឿងសំខាន់បំផុតសម្រាប់តារាសម្ដែង។ ការដែល Zhao Lusi ត្រូវបានគេស្រលាញ់ពេញបណ្តាញសង្គម គ្រាន់តែជួយឱ្យនាងក្លាយជាតារាស្រីដែលទទួលបានការចាប់អារម្មណ៍នៅលើអ៊ីនធឺណិតប៉ុណ្ណោះ មិនអាចបដិសេធបានទេថា អាជីពសម្តែងរបស់នាងកំពុងជាប់គាំងដោយសារតែជម្លោះជាមួយក្រុមហ៊ុនគ្រប់គ្រង។

បន្ទាប់ពីបញ្ឈប់សកម្មភាពរបស់នាងជាបណ្តោះអាសន្នដោយសារតែបញ្ហាសុខភាព Zhao Lusi បាននិយាយចោទប្រកាន់ក្រុមហ៊ុនគ្រប់គ្រងរបស់នាង Galaxy Cool Entertainment ពីការគៀបសង្កត់ ការចែករំលែកប្រាក់ចំណេញមិនយុត្តិធម៌ និងភាពមិនច្បាស់លាស់ផ្នែកហិរញ្ញវត្ថុ។ សំណួរដ៏ធំមួយគឺថាតើ Zhao Lusi នឹងបន្តសម្ដែងក្នុងខ្សែភាពយន្តនាពេលអនាគតឬអត់?៕