Jennie បង្ហាញខ្លួនជាមួយនឹងសំលៀកបំពាក់ពីនាយកច្នៃប្រឌិតថ្មីមានទាំងការសរសើរនិងមិនពេញចិត្ត

នៅថ្ងៃទី៧ ខែតុលា កម្មវិធីបង្ហាញម៉ូតសម្លៀកបំពាក់ម៉ាក Chanel ‘s Spring Summer 2026 សម្រាប់ស្ត្រី បានក្លាយជាចំណុចកណ្តាលនៃការចាប់អារម្មណ៍របស់ប្រព័ន្ធផ្សព្វផ្សាយ។ ក្នុងនាមជាម៉ាកយីហោមួយក្នុងចំណោមម៉ាកដែលបានបិទកម្មវិធី Paris Fashion Week កម្មវិធី Chanel បានប្រមូលផ្តុំតារា និងទូតសុឆ្ឆនៈល្បីៗជាច្រើនរូបក្នុងនោះក៏មាន Jennie ដែលតំណាងម៉ាកយីហោដែលមានការរង់ចាំបំផុត។

Jennie បានធ្វើការច្របូកច្របល់ពេលមកដល់យឺតក្នុងកម្មវិធីខុសពីរដូវកាលមុនៗ ដោយនាងបានមកដល់នៅពេលជិតដល់ម៉ោងចាប់ផ្តើមកម្មវិធី ហើយបានតែបង្ហាញខ្លួនមួយភ្លែតនៅខាងក្រៅមុនពេលប្រញាប់ចូលកន្លែង។ Jennie បានស្លៀកពាក់ប្រចាំរដូវកាលថ្មីជាមួយនឹងការទុកសក់របស់នាងតាមបែបធម្មជាតិ ហើយបានតុបតែងភ្នែកដិតដើម្បីបង្កើតភាពទាក់ទាញ។ រូបរាងទូទៅរបស់ Jennie ផ្តល់ភាពសិចស៊ី ជាមួយនឹងអាកប្បកិរិយាប្រកបដោយទំនុកចិត្ត និងភាពទាក់ទាញរបស់នាងហើយឈុតនោះគឺឆ្លុះអាចមើលឃើញរាងខាងក្នុង។

ជាមួយនឹងការសរសើរពីរូបរាងរបស់ Jennie ឈុតនេះក៏ទទួលបានប្រតិកម្មចម្រុះដែរ។ មតិមួយចំនួនបានសម្តែងការខកចិត្តដែលរូបរាងរបស់ Jennie មិនបានបង្ហាញពី “ស្ទីល Chanel” ធម្មតារបស់នាង និងបាននិយាយថាសម្លៀកបំពាក់ ខ្វះភាពស្អាតស្អំ និងភាពច្នៃប្រឌិត។ សហគមន៍អនឡាញជឿជាក់ថាការផ្លាស់ប្តូរដ៏ចម្រូងចម្រាសនៅក្នុងរចនាប័ទ្មរបស់ទូតសុឆ្ឆន្ទៈស្ត្រីគឺដោយសារតែការផ្លាស់ប្តូរថ្មីៗនៃម៉ាកយីហោនេះ។

កម្មវិធី Paris Fashion Week Spring Summer 2026 ឆ្នាំនេះក៏ជាការបង្ហាញជាផ្លូវការរបស់នាយកច្នៃប្រឌិតថ្មី Matthieu Blazy ដែលត្រូវបានតែងតាំងកាលពីខែធ្នូ ឆ្នាំ២០២៤។ អ្នកគាំទ្រមួយចំនួនមានការខកចិត្តដែលស្ទីលរបស់ Jennie នៅក្រោមស្នាដៃអ្នកថ្មីមិនមានភាពលេចធ្លោដូចសម័យ Creative Director ពីមុន៕