តារាសម្តែងរឿងខ្លី Xu Ziyin បែកគ្នាជាមួយមិត្តប្រុសព្រោះមិនអាចទទួលយកបានឈុតឆាក ថើបគ្នា

តារាសម្ដែងចិន Xu Ziyin បាននិយាយថា មិត្តប្រុសរបស់នាងបានសុំបែកគ្នា ដោយសារតែរូបគេមិនទទួលយកការសម្តែងរបស់នាងដែលថើបគ្នាជាមួយនឹងដៃគូរួមអាជីព។ នៅក្នុងវីដេអូមួយនៅលើបណ្តាញសង្គមផ្ទាល់ខ្លួនកាលពីថ្ងៃទី ២ ខែកញ្ញា Xu Ziyin បាននិយាយថានាងនិងមិត្តប្រុសក្រៅរង្វង់សិល្បៈមានភាពស្មោះត្រង់ចំពោះទំនាក់ទំនងរបស់ពួកគេគោរពគ្នាទៅវិញទៅមកហើយមានបំណងចង់រៀបការ។ ប៉ុន្តែថ្មីៗនេះ អ្នកទាំងពីរបានមានជម្លោះធំ។

Xu Ziyin បន្តថានាងស្រលាញ់ការសម្ដែង មិនអាចបដិសេធក្នុងការថតឈុតថើបគ្នាតាមតម្រូវការរបស់ស្គ្រីប ហើយមើលឃើញថាគ្រាន់តែជាការងារប៉ុណ្ណោះ មិនប៉ះពាល់ដល់ទំនាក់ទំនងរបស់ពួកគេ នាងស្រលាញ់ការសំដែង នេះជាអាជីព និងក្តីស្រមៃរបស់នាង។ ទោះបីនាងពន្យល់ជាច្រើនដងក៏មិត្តប្រុសរបស់នាងមិនអាចទទួលដែរ។

បើតាមប្រព័ន្ធផ្សព្វផ្សាយចិនគូស្នេហ៍របស់ Xu Ziyin ធ្លាប់សម្ដែងរឿងខ្លី ប៉ុន្តែបច្ចុប្បន្នកំពុងបន្តការងារផ្សេងទៀត។ លោកបាននិយាយថាខ្លួនលោកតែងតែទទួលបានមតិចំអកនៅពេលដែល Xu Ziyin សម្តែងឈុតស្នេហានៅលើអេក្រង់។ ដោយសារតែមានទស្សនៈខុសគ្នា អ្នកទាំងពីរបានសម្រេចចិត្តបែកគ្នាដោយសន្តិវិធី និងរក្សាទំនាក់ទំនងមិត្តភាពជាមួយនាង។

Xu Zi Yin មានអាយុ ២៩ ឆ្នាំ បានបញ្ចប់ការសិក្សាពី Shanghai Drama Academy បានសម្តែងតាំងពីឆ្នាំ ២០១៨ ដោយបានចូលរួមក្នុងការងារជាច្រើន។ តារាសម្តែងរូបនេះកំពុងតែសកម្មក្នុងវិស័យភាពយន្តខ្នាតខ្លី ដោយមានស្នាដៃមួយចំនួនបានធ្វើឱ្យកក្រើកលើវេទិកាវីដេអូ Douyin ។

ទំនាក់ទំនងរបស់ Xu Ziyin បានទាក់ទាញការចាប់អារម្មណ៍នៅលើ Weibo ដោយទាក់ទាញមតិរាប់ម៉ឺននាក់អំពីជម្លោះរវាងការងារ និងជីវិតឯកជន។ មនុស្សជាច្រើនជឿថាឧបទ្ទវហេតុនេះក៏ឆ្លុះបញ្ចាំងពីស្ថានភាពបច្ចុប្បន្ននៃភាពយន្តខ្លីស្តីពីរឿង Douyin រំលោភលើឈុតថើបគ្នា ដើម្បីទាក់ទាញការមើល និងទំនាក់ទំនង៕