ក្រោយពីចេញបទ «យុទ្ធសង្គ្រាម» តារាចម្រៀង ទេព បូព្រឹក្ស បានបញ្ជាក់ថាហ្វេកប៊ុកផេករបស់ខ្លួនរងហានិភ័យខ្លាំងនឹងអាចបាត់ផេករបស់ខ្លួនដែលមានអ្នកគាំទ្រ៣លាននាក់។ ទោះយ៉ាងណាតារាចម្រៀងរូបនេះបានបញ្ជាក់ថាហ្វេកប៊ុកផេកបាត់ក៏បាត់ទៅ អាចបង្កើតថ្មីបានប៉ុន្តែគ្រាន់តែមិនចង់ឱ្យបាត់នៅពេលនេះ។ ងាកមកកាន់តារារ៉េប Vanno វិញបន្ទាប់ពីចេញបទ «ប្រាសាទតាទា» ទទួលបានការគាំទ្រខ្លាំងស្រាប់តែមានអ្នក Report ដាច់សំឡេងថែមទាំងដាច់ទិកតុកលោកថែមទៀត។.png)
ឈានចូលថ្ងៃទី១៤ សីហា ឆ្នាំ២០២៥ តារាចម្រៀង ទេព បូព្រឹក្ស បានទម្លាក់បទថ្មីមានចំណងជើងថា «យុទ្ធសង្គ្រាម» ដែលនិយាយអំពីផ្ទះលេខ២។ ក្នុងអត្ថន័យបទនេះគឺបានបង្ហាញច្បាស់ៗពីកលល្បិចរបស់ប្រទេសថៃជាប្រទេសចោរឈ្លានពានប្រាសាទតាមាន់ ជាប្រទេសចង់បានរបស់គេតជំនាន់ គ្មានមានអៀនខ្មាស។ បទចម្រៀងមួយបទនេះគឺបានក្តោបអត្ថន័យជាច្រើនជាពិសេសគឺសន្តានរបស់សៀម។
ទោះយ៉ាងណា បន្ទាប់ពីចេញបទចម្រៀងនេះរួចទំនងជាឈឺចិត្តស្អិតទ្រូង មិនចង់ឱ្យជាតិសាសន៍ដទៃដឹងពីសន្តានហើយទើបហ្វេកប៊ុករបស់តារាចម្រៀង ទេព បូព្រឹក្ស គឺរងហានិភ័យខ្លាំងអាចប្រឈមនឹងការបាត់តែម្តង។ ទោះជាយ៉ាងណា តារាចម្រៀង ទេព បូព្រឹក្ស បានបញ្ជាក់ថាប្រសិនជាបាត់ពិតមែន ខ្លួនអាចបង្កើតថ្មីវិញបានប៉ុន្តែគ្រាន់តែមិនចង់ឱ្យបាត់ពេលនេះព្រោះនាងនៅមានបទចម្រៀងមួយបទទៀតហើយទំនងធ្វើឡើងយ៉ាងពិសេសទៅកាន់គ្រួសារផ្ទះលេខ២។ គួរឱ្យដឹងថាផេករបស់តារាចម្រៀង ទេព បូព្រឹក្ស គឺមានអ្នកតាមដានរហូតដល់៣លាននាក់ឯណោះ។.png)
មិនត្រឹមតែតារាចម្រៀង ទេព បូព្រឹក្ស ត្រូវប្រឈមនឹងហានិភ័យបាត់ផេកបន្ទាប់ពីចេញចម្រៀងពីចោរសៀមប៉ុណ្ណោះទេ ងាកទៅកាន់តារារ៉េប Vanno វិញគឺត្រូវបានគេ report ដាច់ទិកតុក ដាច់ទាំងចម្រៀងរបស់លោកបន្ទាប់ពីបទ ប្រាសាទតាទា ទទួលបានការគាំទ្រខ្លាំង។.png)
ឈានចូលថ្ងៃទី១៩ ខែសីហា Vanno បានបង្ហោះនៅលើហ្វេកប៊ុកថា «បទប្រាសាទតាទា ត្រូវបានពួកមួយចំនួនដែលមិនមែនជាជនជាតិខ្មែរ បាន Report ឡើងដាច់ Sound ចម្រៀងហើយបងប្អូន Report ទាំង Acc tik tok ខ្ញុំទៀត អត់អីទេស្អែកចាំទទួល Version 3 ទៀតថាអ្នកជិតខាងគំរក់ ល្បិចគ្រប់សព្វ»។ គ្រាន់តែប្រកាសបែបនេះភ្លាមនៅព្រឹកថ្ងៃទី១៩ សីហា vanno គឺបានចេញចម្រៀងថ្មី Diss ទៅកាន់ផ្ទះលេខ២ថែមទៀត៕
