បទ «១សីហា» វាលើសពីបទចម្រៀងទូទៅប៉ុន្តែបានបង្ហាញនូវភាពឈឺចាប់របស់ពលរដ្ឋខ្មែរទៅកាន់ពិភពលោក។ មិនតែទស្សនិកជនជាយុវវ័យដែលស្តាប់បទនេះហើយរំជួលចិត្តប៉ុណ្ណោះទេសូម្បីតែលោកតាម្នាក់ក៏ស្រក់ទឹកភ្នែកដូចគ្នាដោយសារតែបទចម្រៀងនេះដូចគ្នា។.png)
កាលពីថ្ងៃទី៨ សីហា មានគណនីហ្វេកប៊ុកមួយឈ្មោះថា «ឡេង គីមហេង» បានបង្ហោះវីដេអូជាមួយនឹងចំណងជើងថា «ទូតស្តាប់បទបងវណ្ណដាត្រូវចិត្ត»។ វីដេអូនេះបានបង្ហាញសកម្មភាពរបស់លោកដែលកំពុងអង្គុយក្នុងអង្រឹងដោយក្បែរនោះមានវិទ្យុមួយដែលកំពុងបន្លឺបទ «១សីហា» របស់ វណ្ណដា។
ទោះបីជារូបភាពមើលឃើញតែពីក្រោយខ្នងក្តីប៉ុន្តែហាក់ស្តែងឱ្យឃើញលោកតាមានទុក្ខព្រួយមិនខុសពីកូនៗចៅៗឡើយ ដែលកំពុងកង្វក់រឿងប្រទេសជាតិជួយទុក្ខសង្គ្រាម ឈឺចាប់នូវអ្វីដែលថៃធ្វើដាក់ខ្មែរព្រោះលោកតាក៏ធ្លាប់ឆ្លងកាត់ភ្លើងសង្គ្រាមក្នុងជីវិតមកហើយ។ ភាពរំជួលចិត្តរបស់លោកតាក៏បានដឹងឮដល់តារារ៉េប វណ្ណដា ផងដែរ។
នៅថ្ងៃទី៩ សីហា វណ្ណដា បានយកគណនីហ្វេកប៊ុកផ្ទាល់ខ្លួនចែករំលែកបន្តគណនីខាងលើជាមួយនឹងកាយវិការសំពះ ដែលបង្ហាញពីទឹកចិត្តការគោរពមកកាន់លោកតា។
គួរបញ្ជាក់ផងដែរថា បន្ទាប់ពីការចេញផ្សាយបទចម្រៀង ១សីហា មានការស្តាប់ជាង៤លានដងនៅលើយូធូប និង ជាង២២លានដងនៅលើហ្វេកប៊ុកគិតត្រឹមល្ងាចថ្ងៃទី៩ សីហា។ បទចម្រៀងដ៏មានអត្ថន័យរបស់ វណ្ណដា បានជ្រួលជ្រាបយ៉ាងខ្លាំងទៅកាន់ពិភពលោកដោយមានអ្នកធ្វើ Reaction បរទេសជាច្រើនបានយកបទនេះទៅធ្វើជាវីដេអូហើយបានបង្ហាញការអាណិតអាសូរមកកាន់ប្រទេសកម្ពុជាដោយសង្ឃឹមថានឹងទទួលបានសុខសន្តិភាពពេញលេញវិញ។
ផ្នែកបញ្ចេញមតិយោបល់លើយូធូបរបស់ វណ្ណដា មានប្រជាពលរដ្ឋដែលប្រើប្រាស់បណ្តាញសង្គមយូធូបមកពីប្រទេសជាច្រើនដូចជា អៀរឡង់ បារាំង វៀតណាម អាម៉េរិក អ៊ីតាលី អូស្តា្រលី ឡាវ ចិន ជប៉ុន ឥណ្ឌូនេស៊ី ស៊ុយអែត ម៉ាឡេស៊ី ហ្វីលីពីន ឥណ្ឌា រុស្សី និងមានប្រទេសជាច្រើនទៀតបង្ហាញគោលជំហរឈរជាមួយកម្ពុជា៕
