ថ្ងៃនេះ TikTok ប្រកាសដាក់ឱ្យដំណើរការមុខងារថ្មីៗជាច្រើនពីវិធីដែល TikTok ជំរុញភាពច្នៃប្រឌិត និងនាំសេចក្តីរីករាយដល់អ្នកប្រើប្រាស់ជុំវិញពិភពលោក។ មុខងារថ្មីៗទាំងនេះ ជួយបង្កើនបទពិសោធន៍ល្អៗសម្រាប់ក្មេងជំទង់ និងគ្រួសារដែលស្វែងរកការកម្សាន្ត និងរៀនសូត្រនៅលើបណ្តាញសង្គម TikTok អ្នកបង្កើតមាតិកាដើម្បីចែករំលែកចំណេះដឹងផ្ទាល់ខ្លួន និងការអប់រំអំពីការអភិវឌ្ឍសហគមន៍ ក៏ដូចជាអ្នកប្រើប្រាស់ដទៃទៀតដែលនិយមស្វែងរកមាតិកា ពួកគេនៅតែចូលចិត្តប្រើប្រាស់បណ្តាញសង្គម TikTok របស់យើង។ ការគាំទ្ររបស់អ្នកប្រើប្រាស់ចំពោះ TikTok គឺកើតមានឡើងដោយសារការបន្តវិនិយោគរបស់យើងទៅលើផ្នែកសុវត្ថិភាព ឯកជនភាព និងសន្តិសុខ។
មុខងារសម្រាប់គ្រួសារ
មុខងារ និងការកំណត់ផ្សេងៗចំនួន៥០ សម្រាប់គណនីក្មេងជំទង់ ត្រូវបានរចនាឡើងដើម្បីឱ្យពួកគេបង្ហាញពីភាពច្នៃប្រឌិតរបស់ខ្លួនដោយសុវត្ថិភាព កសាងទំនាក់ទំនងជាមួយមិត្តភក្តិ និងរៀនសូត្រនៅលើ TikTok។ បន្ថែមពីលើការការពារទាំងនេះ TikTok ក៏មានមុខងារ Family Pairing ដែលអនុញ្ញាតឱ្យឪពុកម្តាយ និងអាណាព្យាបាល កំណត់មុខងារក្នុងគណនីកូនៗរបស់ខ្លួនដើម្បីឱ្យស្របទៅតាមតម្រូវការរបស់ពួកគាត់។ តាមរយៈកម្មវិធីអប់រំ “ភាពជាដៃគូសុវត្ថិភាពផ្នែកឌីជីថលសម្រាប់គ្រួសារ” យើងផ្ដល់ជម្រើសដល់គ្រួសារដើម្បីបន្តការសន្ទនាដោយបើកចំហអំពីបទពិសោធន៍របស់ពួកគាត់នៅលើប្រព័ន្ធអ៊ីនធឺណិត។
ដើម្បីបន្តការសន្ទនាទាំងនេះ TikTok កំពុងបង្ហាញមុខងារថ្មីនៃ Family Pairing ដែលអនុញ្ញាតឱ្យឪពុកម្តាយគ្រប់គ្រងគណនីកូនៗរបស់ពួកគាត់កាន់តែប្រសើរ។ មុខងារថ្មីនៃ Family Pairing រួមមាន៖
- ជូនដំណឹងដល់ឪពុកម្តាយដោយស្វ័យប្រវត្តិ នៅពេលដែលកូនៗរបស់ពួកគាត់បង្ហោះវីដេអូ រឿងផ្ទាល់ខ្លួន (story) ឬរូបថតជាសាធារណៈនៅលើ TikTok។ មុខងារនេះជួយឱ្យឪពុកម្តាយទទួលបានព័ត៌មានភ្លាមៗ និងចាប់ផ្តើមការសន្ទនាដោយបើកចំហអំពីអ្វីដែលកូនៗរបស់ពួកគាត់កំពុងបង្ហោះ ដោយមិនរំខានដល់ភាពច្នៃប្រឌិត ឬឯករាជ្យភាពរបស់ពួកគាត់ឡើយ។
- ផ្តល់ការយល់ដឹងសំខាន់ៗកាន់តែច្បាស់អំពីការកំណត់ឯកជនភាពដែលកូនៗរបស់ពួកគាត់បានជ្រើសរើស។ ឧទាហរណ៍៖ ឪពុកម្តាយនឹងដឹងថាតើកូនៗរបស់ពួកគាត់ (អាយុ ១៦-១៧ ឆ្នាំ) បានបើកមុខងារឱ្យអ្នកដទៃទាញយក (download) មាតិការបស់ពួកគាត់ ឬថាបញ្ជីអ្នកប្រើប្រាស់ TikTok ដែលគាត់តាមដាន ( following list) អាចមើលឃើញជាសាធារណៈនោះទេ។ ឪពុកម្តាយក៏អាចដឹងថាប្រធានបទណាខ្លះនៅក្នុងមុខងារ Manage Topics ដែលកូនៗរបស់ពួកគាត់បានជ្រើសរើសដើម្បីឱ្យស្របទៅតាម feed ដែលគាត់ចង់បាន។
ស្វែងយល់បន្ថែមអំពីមុខងារថ្មីៗសម្រាប់គ្រួសារដែលបានបង្ហាញនៅថ្ងៃនេះ
គាំទ្រសុខុមាលភាពសហគមន៍
TikTok ជឿជាក់ថាបទពិសោធន៍ឌីជីថលគួរតែនាំមកឱ្យយើងនូវភាពរីករាយ ការកម្សាន្ត ទំនាក់ទំនងល្អ និងចម្រុះភាព។ មុខងាររបស់ TikTok ដូចជាមុខងារគ្រប់គ្រងការចំណាយពេលវាលាលើអេក្រង់ (Screen Time Management) និងមុខងារគ្រប់គ្រងម៉ោងគេង ធ្វើឱ្យអ្នកប្រើប្រាស់កាន់តែមានភាពងាយស្រួលក្នុងការបង្កើតទម្លាប់ឌីជីថលមួយដែលមានតុល្យភាព។ យោងតាមអ្នកជំនាញ ការផ្លាស់ប្តូរវិជ្ជមានរយៈពេលវែង មិនមែនកើតចេញពីការរឹតបន្តឹងតែមួយមុខនោះទេ ប៉ុន្តែក៏កើតឡើងដោយសារការពង្រឹងទម្លាប់នៃការអនុវត្តជាវិជ្ជមានផងដែរ៖ ការកសាងទម្លាប់ល្អៗតាមរយៈការលើកទឹកចិត្ត ការអប់រំ និងការតាមដានអំពីវឌ្ឍនភាព។ យើងបានពឹងផ្អែកទៅលើការស្រាវជ្រាវដែលមានស្រាប់ គោលការណ៍ណែនាំពីក្រុមប្រឹក្សាយុវជនសកលរបស់យើង និងការពិគ្រោះយោបល់ជាមួយអ្នកជំនាញជាច្រើន ដូចជាអ្នកជំនាញមកពីមន្ទីរពិសោធន៍សុខភាពឌីជីថល (Digital Wellness Lab) នៃមន្ទីរពេទ្យកុមារ Boston ដើម្បីអភិវឌ្ឍន៍គោលគំនិតរបស់យើង។
នេះហើយជាមូលហេតុ ដែលជំរុញឱ្យយើងបង្ហាញមុខងារថ្មីមួយដែលមានឈ្មោះថា Well-being Missions នៅថ្ងៃនេះ។ Well-being Missions គឺជាស៊េរីបេសកកម្មខ្លីៗ និងទាក់ទាញត្រូវបានរចនាឡើងដើម្បីជួយអ្នកប្រើប្រាស់បង្កើតទម្លាប់ឌីជីថលដែលប្រកបដោយតុល្យភាពរយៈពេលវែង។ នៅពេលអ្នកប្រើប្រាស់បញ្ចប់បេសកកម្ម ពួកគាត់ទទួលបានផ្លាកសញ្ញា (badge) ដើម្បីជាការលើកទឹកចិត្ត និងពង្រឹងអាកប្បកិរិយាប្រកបដោយការទទួលខុសត្រូវ។
យើងក៏ព្យាយាមផ្តល់ជូនបទពិសោធន៍ថ្មីៗនៅក្នុងកម្មវិធី TikTok ផ្តោតលើការបង្កើនសុខុមាលភាពឌីជីថលតាមរយៈការបំពាក់មុខងារគាំទ្រការប្រើប្រាស់ និងសកម្មភាពជាច្រើន ដើម្បីឱ្យអ្នកប្រើប្រាស់កាន់តែងាយស្រួលក្នុងការប្រើប្រាស់។
ស្វែងយល់បន្ថែមអំពីមុខងារថ្មីៗសម្រាប់សុខុមាលភាពដែលបានបង្ហាញនៅថ្ងៃនេះ
គាំទ្រអ្នកបង្កើតមាតិកាជាមួយមុខងារថ្មីៗ
មាតិកាដ៏ល្អ គឺបង្កើតឡើងដោយអ្នកបង្កើតមាតិកាដ៏ពូកែ។ អ្នកបង្កើតមាតិកាដ៏ពូកែ ជួយជំរុញការរកឃើញ ការចូលរួម និងជាបេះដូងនៃសហគមន៍ដែលពួកគាត់កំពុងកសាង។ អ្នកបង្កើតមាតិកា នឹងមានកាន់តែច្រើន នៅពេលដែលពួកគាត់មានអារម្មណ៍ថាមានសុវត្ថិភាព។ នៅពេលអ្នកបង្កើតមាតិកាមានអារម្មណ៍ថាត្រូវបានការពារ ពួកគាត់នឹងហ៊ានបង្កើតមាតិកាដែលកាន់តែមានភាពច្នៃប្រឌិត ចែករំលែករឿងរ៉ាវដោយទូលំទូលាយ និងភ្ជាប់ទំនាក់ទំនងប្រកបដោយអត្ថន័យជាមួយទស្សនិកជនរបស់ខ្លួន។
ការដាក់ឱ្យដំណើរការមុខងារថ្មីៗ គឺជាផ្នែកមួយនៃការប្តេជ្ញាចិត្តរបស់យើងទៅលើអ្នកបង្កើតមាតិកា ដែលផ្ដល់ការការពារទៅលើអ្នកបង្កើតមាតិកានៅលើ TikTok ក៏ដូចជាគាំទ្រពួកគាត់ជាមួយមុខងារថ្មីៗក្នុងគោលបំណងជួយពួកគាត់ឱ្យទទួលបានជោគជ័យ។ ការធ្វើបែបនេះ ដើម្បីធ្វើឱ្យពួកគាត់អាចបន្តបង្កើតមាតិកាដែលទស្សនិកជនចូលចិត្ត។ មុខងារថ្មីៗទាំងនេះរួមមាន៖
- Creator Care Mode៖ ជួយអ្នកបង្កើតមាតិកាច្រោះចេញនូវមតិជេរប្រមាថ និងមតិមិនសមរម្យបានកាន់តែល្អ។
- មុខងារបិទសំឡេងថ្មីសម្រាប់ TikTok LIVE ដែលជួយអ្នកបង្កើតមាតិកាដែល LIVE ក្នុងការបិទពាក្យ ឃ្លា និង emojis បានទាំងអស់ក្នុងពេលតែមួយ។
- Content Check Lite៖ ដែលអនុញ្ញាតឱ្យអ្នកបង្កើតមាតិកាពិនិត្យជាមុនថាតើមាតិការបស់ពួកគាត់នឹងទំនងជាមិនសមស្របសម្រាប់ For You feed ឬយ៉ាងណាមុនពេលពួកគាត់បង្ហោះ។
- Creator Inbox៖ ប្រអប់ទទួលសារថ្មីប្រកបដោយវិជ្ជាជីវៈ ដែលត្រូវបានរចនាឡើងដើម្បីជួយអ្នកបង្កើតមាតិកាគ្រប់គ្រងសាររបស់ពួកគាត់ឱ្យកាន់តែមានប្រសិទ្ធភាព។
- Creator Chat Room៖ ដែលអនុញ្ញាតឱ្យអ្នកបង្កើតមាតិកាកសាងទំនាក់ទំនងដោយផ្ទាល់ជាមួយ អ្នកតាមដាននៅលើ TikTok ដែលបានកំណត់។
ស្វែងយល់បន្ថែមអំពីមុខងារថ្មីៗសម្រាប់អ្នកបង្កើតមាតិកាដែលបានបង្ហាញនៅថ្ងៃនេះ
###
