Jin បង្កើតការឱបដែលលាតត្រដាងរឿងអាស្រូវអតីត CEO នៃក្រុមហ៊ុនបច្ចេកវិទ្យា

Jin សមាជិក BTS បានបង្កឱ្យមានព្យុះនៅលើអ៊ីនធឺណិតនៅពេលដែលតារាចម្រៀង រូបនេះបានបង្កើតការឱបដែលលាតត្រដាងរឿងអាស្រូវផិតក្បត់របស់អតីតនាយកប្រតិបត្តិនៃក្រុមហ៊ុននៅឯការប្រគំតន្ត្រី Coldplay ។

ការប្រគំតន្ត្រីថ្មីៗនេះដោយក្រុមតន្រ្តីរ៉ុកអង់គ្លេស Coldplay បានក្លាយជាប្រធានបទ ដ៏ក្តៅគគុកបន្ទាប់ពីលោក Andy Byron ដែលជានាយកប្រតិបត្តិនៃក្រុមហ៊ុនបច្ចេកវិទ្យា Astronomer និងអ្នកស្រី Kristin Cabot នាយកធនធានមនុស្សត្រូវបានលាតត្រដាង ថាមាន ទំនាក់ទំនងស្នេហាបន្ទាប់ពីលេចមុខកាមេរ៉ាចៃដន្យនៅឯការប្រគំតន្ត្រីនោះ។
នៅក្នុងវីដេអូដែលបានរីករាលដាលកាមេរ៉ានៅឯការប្រគំតន្ត្រីបានចាប់យកពេលដែលនាយកប្រតិបត្តិ Andy Byron ឱប Kristin Cabot ពីខាងក្រោយយ៉ាងរំភើប។ នៅពេលពួក គេឃើញខ្លួនឯងនៅលើ Screen ធំ គូស្នេហ៍នេះបានភ័យស្លន់ស្លោហើយលាក់ខ្លួន ពីកាមេរ៉ាហើយព្យាយាមគេចចេញពីគ្នា។ ប្រឈមមុខនឹងរលកនៃការរិះគន់ លោក Andy ត្រូវលាលែងពីតំណែងជា CEO ប៉ុន្មានថ្ងៃបន្ទាប់ពីឧបទ្ទវហេតុនេះ។

ការឱបដ៏ល្បីរបស់ Andy Byron នៅតែត្រូវបានគេចំអកនៅក្នុងប្រព័ន្ធផ្សព្វផ្សាយ និងបណ្ដាញសង្គម។ សូម្បីតែតារាល្បីមួយចំនួនក៏បង្ហាញការចាប់អារម្មណ៍ចំពោះរឿងអាស្រូវនេះដែរ។
យោងតាម Koreaboo នៅឯការប្រគំតន្ត្រី «Run Seokjin Ep Tour» នៅទីក្រុង Los Angeles សហរដ្ឋអាម៉េរិក Jin សមាជិក BTS បានបង្កើតឡើងវិញនូវគ្រាដ៏ចម្រូង ចម្រាសខាងលើនេះ។
នៅក្នុងហ្គេមមួយ Jin ត្រូវបញ្ចេញពាក្យគន្លឹះដែលផ្តល់ឱ្យដោយអ្នករៀបចំ ហើយអ្នកគាំទ្រនឹងទាយថាវាជាអ្វី។ នៅពេលដែលពាក្យគន្លឹះត្រូវបានផ្តល់ជា ” Coldplay ” Jin បានយកតម្រាប់តាមការឱបរវាង Andy Byron និងបុគ្គលិកស្រីដែលធ្វើឱ្យទស្សនិកជនសើច។
តារាចម្រៀង Jin ក៏បានបង្កើតឡើងវិញយ៉ាងប្រយ័ត្នប្រយែងនូវសកម្មភាពរបស់អតីតនាយកប្រតិបត្តិដែលក្រាបចុះក្រោមដើម្បីគេចពីកាមេរ៉ា។

អ្នកនិយមលេងអ៊ីនធឺណិតបានសរសើរពីភាពឆ្លាតវៃរបស់ Jin និងការចាប់អារម្មណ៍យ៉ាងរហ័សចំពោះបញ្ហាក្ដៅគគុក។ មតិមួយចំនួនទៀតបានចោទសួរថា ហេតុអ្វីបានជាអ្នករៀបចំការប្រគំតន្ត្រីដាក់ពាក្យគន្លឹះ «Coldplay» ទៅក្នុងហ្គេម។ តើនេះជាការប៉ុនប៉ងដោយចេតនាដើម្បី «តាម Trend» ទេ?
ទោះជាយ៉ាងណាក៏ដោយ យោងទៅតាមអ្នកគាំទ្រ ហ្គេមនេះមានពាក្យគន្លឹះទាក់ទងនឹង Jin និង BTS ខណៈដែល Coldplay គឺជាក្រុមដែលបានសហការជាមួយ BTS លើបទចម្រៀងល្បី «My Universe» ។
ដូច្នេះ ប្រហែលជានេះគ្រាន់តែជាពាក្យចៃដន្យប៉ុណ្ណោះ ប៉ុន្តែព្រឹត្តិការណ៍របស់ Jin បានកើតឡើងដោយចៃដន្យដែលត្រូវបានធ្វើឡើងនៅចំពេលនៃរឿងអាស្រូវការប្រគំតន្ត្រី Coldplay ។

បន្ទាប់ពី Jin រូបភាពរបស់ Lisa ឱប Rosé ពីខាងក្រោយនៅឯការប្រគំតន្ត្រីរបស់ Blackpink នៅទីក្រុង Chicago សហរដ្ឋអាម៉េរិក) ក៏ត្រូវបានគេប្រៀបធៀបទៅនឹងពេលវេលាដ៏អាស្រូវរបស់ Andy Byron ផងដែរបើទោះបីនេះសកម្មភាពធម្មតារវាងសមាជិកក្រុម Blackpink ដោយមិនចំអករឿងអាស្រូវ របស់អតីត CEO ក្រុមហ៊ុនបច្ចេកវិទ្យានោះទេ៕