បទថ្មីរបស់តារាចម្រៀង ទេព ពិសិដ្ឋ មានចំណងជើងថា «យប់ស្ងាត់» កំពុងតែមានសន្ទុះគាំទ្រយ៉ាងខ្លាំងពីសំណាកមិត្តយុវជនខណៈដែលចំនួនការស្តាប់នៅលើបណ្តាញសង្គមហ្វេកប៊ុកមានចំនួនរហូតដល់ជាង២លានដង។
នៅល្ងាចថ្ងៃទី២៨ ខែមិថុនា តារាចម្រៀង ទេព ពិសិដ្ឋ បានទម្លាក់បទថ្មីរបស់ខ្លួនមានចំណងជើងថា «យប់ស្ងាត់» ខណៈមុននឹងទម្លាក់ជាផ្លូវការបទនេះទទួលបានការគាំទ្រយ៉ាងច្រើននៅលើបណ្តាញសង្គមទិកតុក។ ក្រោយចេញបទនេះជាផ្លូវការ ឃើញថាមិនទាន់បានប៉ុន្មានផងប្រជាប្រិយភាពបទនេះកំពុងមានសន្ទុះគាំទ្រខ្លាំងមិនធម្មតា។ .png)
គិតត្រឹមរសៀលថ្ងៃទី៣០ មិថុនា ឆ្នាំ២០២៥ បទថ្មីរបស់ ទេព ពិសិដ្ឋ ឈរនៅចំណាត់ថ្នាក់លេខ៥ Trending Music នៅលើឆាណែលយូធូបប្រទេសកម្ពុជាខណៈចំនួនអ្នកទស្សនានៅលើបណ្តាញសង្គមហ្វេកប៊ុកមានរហូតដល់ជាង២.៣លានដង ហើយការចុច Like កើនដល់ជាង១០០ K ចាយពេលត្រឹមតែរយៈពេលខ្លីប៉ុណ្ណោះ។
បទថ្មីមួយបទនេះ ទេព ពិសិដ្ឋ ក៏ទទួលបានមតិវិជ្ជមានច្រើនផងដែរ ខណៈទស្សនិកជនក៏ភ្លេចសរសើររបស់ ទេព ពិសិដ្ឋ ថាម្ចាស់ពានរូបនេះរកពណ៌ខ្លួនឯងឃើញហើយបទមួយៗរបស់ទេព ពិសិដ្ឋ គឺមានភាពល្បីល្បាញ ទទួលបានការគាំទ្រ។.png)
គួរបញ្ជាក់ផងដែរថារយៈពេលចុងក្រោយនេះ ទេព ពិសិដ្ឋ បានសាងប្រជាប្រិយភាពឥតឈប់ឈររបស់ខ្លួនតាមរយៈបទចម្រៀងជាបន្តបន្ទាប់ដែលមានដូចជា «ភក្តីស្នេហ៍» «ឱក្រមុំៗបងអើយ» និងចុងក្រោយនេះគឺបទ «យប់ស្ងាត់»៕
