បទ «360» របស់ វណ្ណដា កំពុងត្រូវប៉ាន់នៅលើទិកតុកមានទាំងតារាជាតិនិងអន្តរជាតិចូលរួមលេង

បទចម្រៀងរបស់ វណ្ណដា មានចំណងជើងថា «360» កំពុងក្លាយជា Trend នៅលើបណ្តាញសង្គមទិកតុកមានការចូលរួមលេងយ៉ាងច្រើនពីទស្សនិកជន។ លើសពីនេះមានទាំងតារាកម្ពុជារួមទាំងតារាបរទេសក៏បានលេងបទនេះយ៉ាងផុសផុលផងដែរ។

បន្ទាប់ពីបញ្ចប់ការប្រគំតន្រ្តី «ត្រីវិស័យសុវណ្ណភូមិ» មកក្បាច់រាំរបស់បទ Baby mama របស់ វណ្ណដា មានការចាប់អារម្មណ៍យ៉ាងខ្លាំងជាពិសេសអ្នកដែលចូលចិត្តក្បាច់រាំជាអ្នក ស្រលាញ់វិស័យ K-pop។ មិនត្រឹមតែក្បាច់រាំបទនេះប៉ុណ្ណោះទេ បទចម្រៀង «360» នៅផ្នែកទី៣នៃអាល់ប៊ុមទី៣ របស់ វណ្ណដា ក៏ទទួលបាននូវការគាំទ្រមិនធម្មតាដូចគ្នា ដែលអាចទាក់ទាញតារាល្បីៗជាច្រើនមានទាំងនៅក្នុងស្រុកនិងក្រៅស្រុក។

កាលពីកន្លងមកថ្មីៗនេះ អ្នកគាំទ្រក៏បានឃើញ វណ្ណដា នាំឪពុកម្តាយរបស់ខ្លួន ចូលរួមលេងបទនេះផងដែរជា ហេតុធ្វើឱ្យមានការចាប់អារម្មណ៍ពីទស្សនិកជនយ៉ាងខ្លាំង។ លើសពីនេះទៅទៀត «360 បាននិងកំពុងទាក់ទាញការលេងយ៉ាងច្រើនដែលប្រមូលផ្តុំ ដោយតារាល្បីៗជាច្រើនដូចជា រ៉េត ស៊ូហ្សាណា ល្អហួស KingChi និងភរិយា អ្នកបង្កើតមាតិកា Mey Queen តារាសម្តែងថៃ Pinky Savika អ្នកបង្កើតមាតិកា ពេជ្រ ពិសី នរិទ្ធ រួមទាំងទស្សនិកជនជាច្រើនទៀត។

គួរឱ្យដឹងតារារ៉េប វណ្ណដា គឺជាសិល្បករមួយរូបដែលទស្សនិកជនទាំងក្នុងស្រុកនិងក្រៅស្រុកល្បី Trend បទចម្រៀងរបស់លោកដែលកន្លងមកមានដូចជា សង្ក្រាន្តស្គាល់ស្នេហ៍ ស្រណោះ រួមទាំងបទ 360 នេះជាដើម៕