Zhang Ruonan លុបរូបភាពចោលភ្លាមៗបន្ទាប់ពីពាក់អាវដូចគ្នានឹង Bai Jingting

ថ្មីៗនេះតារាសម្តែង Zhang Ruonan បានលុបរូបភាពរបស់ខ្លួនភ្លាមៗបន្ទាប់ពីបង្ហោះ រូបនៅលើ Weibo ហើយបានពាក់អាវដូចគ្នាទៅនឹងតារាសម្តែង Bai Jingting ខណៈអ្នកទាំងពីរធ្លាប់មានពាក្យចចាមអារ៉ាមស្នេហាជាមួយគ្នា។ ការលុបរូបភាពរបស់ Zhang Ruonan ត្រូវបានគេនិយាយថានាងមិនចង់ឱ្យមានសង្គ្រាមពាក្យ សម្តីពីអ្នកគាំទ្ររបស់តារាសម្តែង Song Yi ដែលមានទំនាក់ទំនងស្និទ្ធស្នាលជាមួយ Bai Jingting។

កាលពីប៉ុន្មានថ្ងៃមុន Zhang Ruonan បានបង្ហោះរូប Selfie ពាក់អាវយឺតពណ៌ខៀវ ហើយអ្នកគាំទ្រភ្នែកមុតស្រួចបានដឹងថាវាជាអាវតែមួយដែល Bai Jingting ពាក់។ នាងបានបង្ហោះរូបថតនោះ ហើយលុបវាចោលក្នុងរយៈពេលតែប៉ុន្មានវិនាទីប៉ុណ្ណោះ ហើយ អ្នកនិយមលេងអ៊ុនធឺណិតបានប៉ាន់ស្មានថាវាមានជាប់ពាក់ព័ន្ធនឹងការវាយប្រហារដោយអ្នកគាំទ្ររបស់ Song Yi ។

អ្នកនិយមលេងអ៊ីនធឺណិតដែលមានភ្នែកមុតស្រួចបានរកឃើញថាវាជាអាវយឺតដូចគ្នាដែល Bai Jingting បានពាក់ពីមុនហើយពួកគេថែមទាំងទទួលស្គាល់ថាអាវយឺតនេះ គឺមកពីម៉ាកម៉ូតសម្លៀកបំពាក់របស់ Bai Jingting ផ្ទាល់របស់ Goodbai ។ វាត្រូវបានគេនិយាយថា Zhang Ruonan បាន ពាក់អាវយឺតនេះនៅពេលនាងថតវីដេអូ ជាមួយ Bai Jingting ។ ប៉ុន្តែអ្នកគាំទ្រ បានរកឃើញថាអាវយឺតពណ៌ខៀវ Zhang Ruonan ពាក់នៅ Chongqing មានខ្សែស្មាទាប និង ស្ទីលធំទូលាយជាងអាវដែលនាង ពាក់ក្នុងការថតវីដេអូ ហើយវាត្រូវបានគេសង្ស័យថាអាវរបស់បុរស។

យ៉ាងណាមិញ រូបថតនោះត្រូវបាន Zhang Ruonan លុបចេញភ្លាមៗ បន្ទាប់ពីបង្ហោះ ហើយរូបថតដែលមានស្ទីលដូចគ្នានេះ ត្រូវបានរក្សាទុកតែនៅលើ IG របស់នាងប៉ុណ្ណោះ។ ទង្វើនេះ បានធ្វើឱ្យអ្នកនិយមលេងអ៊ីនធឺណិតស្មានថានាងមិនចង់ត្រូវបានអ្នកគាំទ្រ របស់មិត្តស្រីរបស់ Bai Jingting ឡោមព័ទ្ធម្តងទៀតទេ ដូច្នេះហើយទើបនាងជ្រើសរើស ដោះស្រាយវាក្នុងលក្ខណៈបែបនេះ ដើម្បីជៀសវាងសង្រ្គាមពាក្យសម្តី។

Zhang Ruonan និង Bai Jingting ទទួលបាននូវប្រជាប្រិយភាពយ៉ាងខ្លាំងបន្ទាប់ពី អ្នកទាំងពីរបានគ្រងតំណែងជាតួឯកក្នុងរឿង The First Frost ដែលបានចាក់ផ្សាយ ក្នុងឆ្នាំ២០២៥នេះ៕