ហេង វិសាល ពោលពាក្យនេះឡើងក្រោយឃើញ វណ្ណដា ជ្រះថ្លានឹងព្រះធម៌

ថ្មីៗនេះទស្សនិកជនមានការចាប់អារម្មណ៍ទៅលើសកម្មភាពរបស់តារាចម្រៀងរ៉េប ម៉ាន់ វណ្ណដា រួមទាំងគ្រួសារនិងគូស្នេហ៍ មានសេចក្តីជ្រះថ្លាធ្វើបុណ្យស្តាប់ព្រះធម៌ បន្ទាប់ពីដកដៃពីការងារសិល្បៈ។ ឃើញរូបភាពនេះហើយលោក ហេង វិសាល បានស្ងើចសរសើរទង្វើរបស់ វណ្ណដា ពេញដោយអារម្មណ៍មោទនភាព។

នៅល្ងាចថ្ងៃទី២៧ ឧសភា នៅលើបណ្តាញសង្គមហ្វេកប៊ុកនិងទិកតុកបានចែករំលែកសកម្មភាពរបស់តារាចម្រៀងរ៉េប វណ្ណដា និងគ្រួសារបាននាំគ្នាទៅធ្វើបុណ្យនៅវត្តមួយកន្លែងប្រកបដោយសេចក្តីជ្រះថ្លាទទួលបាននូវចំណេះដឹងបន្ថែមទៀតពីព្រះពុទ្ធសាសនាឱ្យមនុស្សដើរទៅរកផ្លូវដែលរកសេចក្តីសុខទុកក្នុងខ្លួន។

សកម្មភាពរបស់ វណ្ណដា បន្ទាប់ពីដកឃ្លាពីការងារសិល្បៈនាំក្រុមគ្រួសារទៅធ្វើបុណ្យស្តាប់ព្រះធម៌ឱ្យចិត្តស្ងប់សុខនេះបានធ្វើឱ្យមនុស្សជាច្រើនស្ងើចសរសើរតារាចម្រៀងរ៉េបរូបនេះ។ មិនត្រឹមតែទស្សនិកជនទូទៅប៉ុណ្ណោះទេដែលពេញចិត្តចំពោះសកម្មភាពរបស់ វណ្ណដា នេះសូម្បីតែ ហេង វិសាល ដែលជា Infulencer ល្បីឈ្មោះមួយរូបដែលមានចិត្តជ្រះថ្លាជាមួយព្រះធម៌ដូចគ្នាក៏បានពោលសរសើរដល់តារាចម្រៀងរ៉េបរូបនេះផងដែរ។

ហេង វិសាល បានចែករំលែកការផ្សាយផ្ទាល់ពីសកម្មភាពរបស់ វណ្ណដា និងគ្រួសារធ្វើបុណ្យនិងស្តាប់ធម៌ទេសនានេះជាមួយនឹងពាក្យជាភាសាអង់គ្លេសដែលមានន័យថាលោកមានមោទនភាពដែលឃើញរូបភាពបែបនេះ។

កន្លងមកនេះ វណ្ណដា ត្រូវបានទស្សនិកជនឃើញថាបានចំណាយពេលទៅធ្វើបុណ្យនៅវត្តជាមួយឪពុកម្តាយជារឿយៗនិងបានចូលបច្ច័យសម្រាប់កសាងនានាក្នុងវត្តអារាមផងដែរ៕