ប៉ុន្មានថ្ងៃចុងក្រោយនេះនៅក្នុងវិស័យសិល្បៈថៃបង្កឱ្យមានការពិភាក្សាគ្នាយ៉ាងក្តៅគគុកចំពោះការផិតក្បត់របស់តារាសម្តែងនិងចម្រៀងពោះម៉ាយ Tono លួចមានទំនាក់ទំនងជាមួយនឹងជំនួយការក្បត់ចិត្តស្នេហា៧ឆ្នាំរបស់តារាសម្តែង Nychaa ។ លើសពីនេះទៅទៀតជំនួយការថ្មីរបស់ Tono ថែមទាំងនិយាយអះអាងថា Tono ចាត់ទុក Nychaa គឺជាប្អូនស្រី។
.png)
ថ្មីៗនេះមហាជនកំពុងតែមានការភ្ញាក់ផ្អើលជាមួយនឹងព័ត៌មានថាតារាចម្រៀងប្រុស Tono ក្បត់ចិត្តមិត្តស្រីយូរមកហើយ ដើម្បីមានទំនាក់ទំនងស្នេហាជាមួយជំនួយការរបស់ខ្លួន។ ក្រោយរឿងអាស្រូវនេះ តារាចម្រៀងប្រុសបានសារភាពកំហុសរបស់ខ្លួន និងសុំការអភ័យទោសពីមិត្តស្រីខណៈអ្នកគាំទ្របានរិះគន់យ៉ាងខ្លាំងក្លាទៅកាន់ Tono ។ រឿងអាស្រូវនេះបានផ្ទុះឡើងបន្ទាប់ពីមានការថតរឿង Tono ត្អូញត្អែរពីការមិនសប្បាយចិត្តក្នុងទំនាក់ទំនងបច្ចុប្បន្ន និងបង្ហាញពីក្តីស្រលាញ់ចំពោះជំនួយការស្រីរបស់ខ្លួនត្រូវបានផ្សព្វផ្សាយពេញបណ្តាញសង្គម។.png)
Tono ត្រូវបានគេទម្លាយថាបានលួចទាក់ទងនឹងជំនួយការជិតស្និទ្ធរបស់លោកជាសម្ងាត់អំឡុងពេលលោកនៅឆ្ងាយពី Nychaa។ ទង្វើរបស់ Tono មានទំនាក់ទំនងខុសច្បាប់នៅពីក្រោយខ្នងមិត្តស្រីធ្វើឱ្យមហាជនភ្ញាក់ផ្អើល និងខឹងសម្បារ។ អ្វីដែលកាន់តែគួរឱ្យសោកស្តាយចំពោះ Nychaa រឿងអាស្រូវស្នេហារបស់មិត្តប្រុសរបស់នាងត្រូវបានលាតត្រដាងនៅថ្ងៃខួបកំណើតអាយុ ២៩ ឆ្នាំរបស់នាងនៅថ្ងៃទី១២ ខែមេសា។
ប្រឈមមុខនឹងការរិះគន់យ៉ាងចាស់ដៃពីសំណាក់មហាជនអ្នកគ្រប់គ្រង Tono បានបញ្ជាក់ថា តារាចម្រៀងប្រុសរូបនេះបានណាត់ជួបជាមួយជំនួយការផ្ទាល់ខ្លួនកាលពី២សប្តាហ៍មុន។ នៅពេលនោះ Tono និង Nychaa បានបង្ហាញពីការបែកបាក់។ ស្ត្រីក្នុងរឿងអាស្រូវជាជំនួយការបណ្ដោះអាសន្ន។ ទោះជាយ៉ាងណាក៏ដោយ មិនយូរប៉ុន្មាន Tono បានបញ្ចប់ទំនាក់ទំនងមិនសមរម្យជាមួយជំនួយការរបស់ខ្លួន ដោយសារតែគេដឹងថានារីម្នាក់នោះមានមិត្តប្រុសរួចហើយ។.png)
ការផ្លាស់ប្តូរពី Nychaa និងគ្រួសាររបស់នាង បញ្ជាក់បន្ថែមពីការសង្ស័យនៃការបែកគ្នារបស់ពួកគេ។ នៅថ្ងៃខួបកំណើតរបស់នាងកាលពីថ្ងៃទី ១២ ខែមេសា Nychaa បានចែករំលែករូបថតមេឃពណ៌ទឹកក្រូចនៅលើ Instagram ជាមួយនឹងចំណងជើងថា «មេឃពិតជាស្រស់ស្អាតណាស់ថ្ងៃនេះ» ។ ម្តាយរបស់នាងក៏បាន Unfollow Tono នៅលើបណ្តាញសង្គមដោយសរសេរថា «ចាប់ពីពេលនេះទៅមេឃរបស់កូនស្រីខ្ញុំកាន់តែភ្លឺ» ។
ក្នុងការបង្ហាញខ្លួនលើកដំបូងនៅចំពោះមុខប្រព័ន្ធផ្សព្វផ្សាយក្នុងកម្មវិធីតន្ត្រី Tono បានសារភាពថាបានក្បត់មិត្តស្រីជាយូរមកហើយបានសូមទោស Nychaa និងសុំឱ្យនាងអភ័យទោស។
នៅលើបណ្ដាញសង្គម មហាជនមានការខឹងសម្បារចំពោះការសូមទោសរបស់ Tono ។ ជាពិសេសការអំពាវនាវរបស់ Tono ឱ្យទស្សនិកជនលើកទឹកចិត្ត Nychaa ដែលកំពុងទទួលរងនូវការក្បត់ចិត្តបណ្តាលឱ្យមានការផ្ទុះកំហឹងយ៉ាងខ្លាំង។ តារាចម្រៀងប្រុសរូបនេះត្រូវបានគេចោទថាលេងសើចពីការឈឺចាប់របស់មិត្តស្រី ហើយមិនប្រកាន់យកកំហុសខ្លួនធ្ងន់ធ្ងរ។ Tono និង Nychaa ចាប់ផ្ដើមទាក់ទងគ្នាបន្ទាប់ពីសម្តែងរឿងជាមួយគ្នាក្នុងឆ្នាំ២០១៧។ ទំនាក់ទំនងរបស់ពួកគេមានរយៈពេលជិតប្រាំបីឆ្នាំ។ ទស្សនិកជនគិតថាអ្នកទាំងពីរនឹងមានសុភមង្គលហើយ ប៉ុន្តែមិននឹកស្មានដល់ Tono លួចមានទំនាក់ទំនងផិតក្បត់រហូតដល់បែករឿងស្នេហា។ 
Tono គឺជាតារាចម្រៀង តារាសម្តែង និងជាកីឡាករបាល់ទាត់ កើតនៅឆ្នាំ១៩៨៦ លោកបានចូលប្រឡូកក្នុងវិស័យសិល្បៈ បន្ទាប់ពីបានឈ្នះតំណែងជើងឯករងក្នុងកម្មវិធីប្រលង The Star រដូវកាលទី៦ ក្នុងឆ្នាំ ២០១០។ ក្រៅពីតួនាទីជាអ្នកសិល្បៈ Tono ក៏ល្បីខាងទំនួលខុសត្រូវសង្គម ជាពិសេសយុទ្ធនាការហែលទឹកទន្លេមេគង្គឆ្នាំ ២០២២ ដើម្បីរៃអង្គាសថវិកាព្យាបាល។ ចាប់តាំងពីឆ្នាំ ២០២១ តារាប្រុសរូបនេះបានបន្តអាជីពបាល់ទាត់ដោយលេងឱ្យក្លឹបជាច្រើននៅក្នុង Thai League៕
