(ភ្នំពេញ៖) ករណីប្រជាពលរដ្ឋប្រទះឃើញស-ពនារីម្នាក់កប់ក្នុងដីខ្សាច់នៅតាមបណ្ដោយផ្លូវ60ម៉ែត្រជិតផ្សារអុីអន3 កាលពីថ្ងៃទី០១ ខែមិនា ឆ្នាំ២០២៥ និងត្រូវបានសមត្ថកិច្ចកំណត់ថាជាអំពើឃា-តកម្មនោះ ពេលនេះជនសង្ស័យចំនួន២នាក់ ត្រូវបានកម្លាំងនាយកដ្ឋាននគរបាលព្រហ្មទណ្ឌ ដឹកនាំកម្លាំងសហការស្រាវជ្រាវចាប់ខ្លួននៅថ្ងៃទី៣ ខែមីនា ឆ្នាំ២០២៥នេះ ខណៈនៅសល់មេក្លោងម្នាក់កំពុងបន្តរត់គេចខ្លួន។
បន្ទាប់ពីទទួលបានពាក្យបណ្ដឹងរបស់ឈ្មោះ ទឹម សុភី អាយុ៤៥ឆ្នាំ ពាក់ព័ន្ធនឹងករណីបាត់កូនស្រីឈ្មោះ ហេង សៀវលី អាយុ18ឆ្នាំ ក្នុងថ្ងៃទី០១ ខែមិនា ឆ្នាំ២០២៥រួចមក នាយកដ្ឋាននគរបាលព្រហ្មទណ្ឌបានដឹកនាំកម្លាំងជំនាញធ្វើការស្រាវជ្រាវតាមនីតិវិធីរហូតប្រទះឃើញស-ពរបស់នារីដែលមានភិនភាគដូចខាងលើ សង្ស័យថាជាករណីឃា-តម្មត្រូវបានគេកប់ដីខ្សាច់ក្បែរផ្សារទំនើប Aeon3 ស្ថិតក្នុងសង្កាត់ជើងឯក ខណ្ឌដង្កោ រាជធានីភ្នំពេញ។
សូមជម្រាបថា៖ កម្លាំងជំនាញបានខិតខំស៊ើបអង្កេត និងឈានទៅដល់ការឃាត់ខ្លួនជនសង្ស័យជាជនជាតិចិន2នាក់។
ទី១ មានឈ្មោះថា CHEN CONG អាយុ៣០ឆ្នាំ (ជាសង្សានារីរងគ្រោះ) ត្រូវបានសមត្ថកិច្ចចាប់ខ្លួនត្រង់ចំណុច អាគារព្រីនស៍ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ និងទី២ឈ្មោះ LI HAOHAO ភេទប្រុស ជនជាតិចិន អាយុ៣៤ឆ្នាំ ឃាត់ខ្លួនត្រង់ស្ពានអាកាសសង្កាត់ចង្រែលើ ខណ្ឌមានជ័យ។
ក្រោយការសួរចម្លើយ ជនសង្ស័យទាំង២បានសារភាពថាពួកខ្លួនពិតជាបានចូលរួមក្នុងសកម្មភាពស-ម្លា-ប់នារីជនរងគ្រោះខាងលើមែន កាលពីយប់ថ្ងៃទី២៧ ខែកុម្ភៈ ឆ្នាំ២០២៥ ដោយមានឈ្មោះ YANG KAIXIN ភេទប្រុស អាយុ២៦ឆ្នាំ ជានជាតិចិន ជាអ្នករៀបចំគម្រោងសម្លាប់នារីជនរគ្រោះ និងពេលនេះកំពុងរត់គេចខ្លួន។ ចំពោះមូលហេតុដែលបណ្ដាលអោយមានករណីឃា-តកម្មខាងលើ គឺដោយសារនារីរងគ្រោះបានដឹងរឿងសម្ងាត់របស់ពួកខ្លួន។ 
ប្រតិបត្តិការនេះធ្វើឡើងដោយមានកិច្ចសហការជាមួយស្នងការដ្ឋាននគ របាលរាជធានីភ្នំពេញ និងស្នងការដ្ឋាននគរបាលខេត្តស្វាយរៀង។ បច្ចុប្បន្នជនសង្ស័យទាំង២ និងវត្ថុតាង ដែលដកហូតបាន ត្រូវបាននាយកដ្ឋានបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕
