ម្ចាស់បុរី ម៉ន ដានី ត្រូវសមត្ថកិច្ចឃាត់ខ្លួន នៅជិតព្រំដែនខេត្តឧត្ដរមានជ័យ

លោកស្រី ម៉ន ដានី ម្ចាស់ក្រុមហ៊ុនបុរី KP MORN DANY Land & House ត្រូវបានសមត្ថកិច្ចនគរបាលនាយកដ្ឋានព្រហ្មទណ្ឌក្រសួងមហាផ្ទៃ ធ្វើការឃាត់ខ្លួននៅយប់ថ្ងៃទី១៦ ខែមករា ឆ្នាំ២០២៤ នៅច្រកព្រំដែន អូរស្មាច់ ខេត្តឧត្ដរមានជ័យ។

ការឃាត់ខ្លួននេះ ធ្វើឡើងតាមដីកាបង្គាប់ឱ្យចាប់ខ្លួនរបស់តុលាការ ក្រោយពីលោកស្រី ម៉ន ដានី បានជាប់ពាក់ព័ន្ធនឹងការចេញសែកស្អុយ គ្មានប្រាក់ជាង ៦០ម៉ឺនដុល្លារ។

តុលារការ បានចេញដីការកោះហៅលោកស្រី ម៉ន ដានី ចំនួន៣លើករួចមកហើយ ដោយលោកស្រីមិនចូលខ្លួន តាមការកោះហៅ ហេតុដូច្នេះទើបតុលាការ សហការជាមួយកងកម្លាំងតាមចាប់ខ្លួនលោកស្រីតែម្តង។

គួរបញ្ជាក់ថា លោកស្រី ម៉ន ដានី ជាអ្នកជំនួញដីឡូតិ៍ដ៏ល្បីម្នាក់ ដែលធ្លាប់មានរឿងអាស្រូវលក់ដីឡូត៍គ្មានច្បាប់អនុញ្ញាតនៅផ្លូវជាតិលេខ៣ និងនៅខេត្តបន្ទាយមានជ័យ៕