មនុស្ស៥ថ្នាក់ ដែលអាចប្រើប្រាស់រថយន្តស៊ីរ៉ែន បើកផ្លូវនាំមុខ

អ្នកនាំពាក្យក្រសួងមហាផ្ទៃ បានចេញសារសំឡេងពិសេស ពន្យល់ពីការប្រើរថយន្តនាំមុខ (រថយន្តស៊ីរ៉ែន) ការប្រើភ្លើងសញ្ញាពិសេស សូរស័ព្ទពិសេស និងសិទ្ធិអាទិភាពក្នុងការធ្វើចរាចរណ៍។

បើតាមអនុក្រឹត្យរបស់រាជរដ្ឋាភិបាល ដែលចុះហត្ថលេខានៅឆ្នាំ២០០៩ ដោយសម្តេតេជោហ៊ុន សែន បានកំណត់ច្បាស់ៗថា៖”ការប្រើរថយន្តនាំមុខ(រថយន្តស៊ីរ៉ែន) ត្រូវប្រើតែសម្រាប់មនុស្ស៥ថ្នាក់ប៉ុណ្ណោះ ក្នុងនោះរួមមាន៖”

• • ហែរអមព្រះទីនាំងរបស់ព្រះករុណា ព្រះមហាក្សត្រ ព្រះទីនាំងសម្តេចព្រះមហាក្សត្រីយ៍
  • ហែរអមថ្នាក់ដឹកនាំជាន់ខ្ពស់
  • ហែរអមរថយន្តប្រធានព្រឹទ្ធសភា
  • ហែរអមរថយន្តប្រធានរដ្ឋសភា
  • ហែរអមរថយន្តនាយករដ្ឋមន្ត្រី

បន្ថែមពីនេះ រថយន្តស៊ីរ៉ែន ក៏អាចប្រើសម្រាប់ហែរអមគណៈប្រតិភូផ្លូវការអន្តរជាតិ ដែលមានឋានៈចាប់ពីថ្នាក់អនុរដ្ឋមន្ត្រីឡើងទៅ តាមសំណើរបស់ក្រសួងការបរទេស និងកិច្ចសហប្រតិបត្តិការអន្តរជាតិ។

ក្នុងករណីមិនបំពេញភារកិច្ច រថយន្តស៊ីរ៉ែន មិនមានសិទ្ធប្រើភ្លើងសញ្ញាពិសេស សូរស័ព្ទពិសេស និងសិទ្ធិអាទិភាពក្នុងការធ្វើចរាចរណ៍នោះទេ បើរកឃើញថាមានកំហុសនឹងត្រូវឃាត់ទុកយានយន្តធ្វើកំណត់ហេតុបញ្ជូនទៅតុលាការ៕