សមាជិក BLACKPINK ដែលមានជាងគេក្នុងឆ្នាំ២០២៤ មានទ្រព្យសម្បត្តិសុទ្ធ២៥លានដុល្លារ

ក្រុម K-pop ដ៏ល្បីល្បាញ BLACKPINK ដែលមានសមាជិក Lisa, Rosé, Jennie និង Jisoo នៅតែជាតារាចម្រៀងលេចធ្លោនៅក្នុងតន្ត្រីសកលក្នុងនោះក៏មានគម្រោងផ្ទាល់ខ្លួនរបស់ពួកគេកំពុងវាយលុកទីផ្សារនិងទទួលបានការចាប់អារម្មណ៍យ៉ាងខ្លាំង។ ជាមួយគ្នានេះ អ្នកគាំទ្រ ឬ BLINKs រំពឹងយ៉ាងអន្ទះសារចំពោះការត្រឡប់មកវិញរបស់ក្រុមនៅឆ្នាំ ២០២៥ រួមជាមួយនឹងដំណើរទេសចរណ៍ជុំវិញពិភពលោក ដែលត្រូវបានបញ្ជាក់ដោយ YG ។ ដំណើរទេសចរណ៍រួមចុងក្រោយរបស់ពួកគេគឺការប្រគំតន្រ្តី «Born Pink» គឺនៅខែតុលា ឆ្នាំ២០២២ ដល់ខែកញ្ញា ឆ្នាំ២០២៣ ។

ទោះបីជា សមាជិកទាំង៤បានបន្តសកម្មភាពទោលរៀងៗខ្លួនក៏ដោយ ឥទ្ធិពលរួម និងទ្រព្យសម្បត្តិរបស់ពួកគេនៅតែបន្តកើនឡើង។ យោងតាម Celebrity Net Worth Lisa ដែលជាតារារ៉េប និងតារាបង្ហាញម៉ូតរបស់ក្រុម បានក្លាយទៅជាសមាជិកក្រុម BLACKPINK ដែលមានទ្រព្យសម្បត្តិច្រើនជាងគេក្នុងឆ្នាំ២០២៤ជាមួយនឹងទ្រព្យសម្បត្តិសរុបប៉ាន់ស្មានចំនួន ២៥ លានដុល្លារ ។ ភាពជោគជ័យរបស់នាងគឺបានមកពីអាជីពទោលរបស់នាងជាមួយនឹង ការពេញនិយមដូចបទ Money និង Lalisa’ រួមជាមួយនឹងភាពជាដៃគូម៉ាកយីហោជាមួយស្លាកយីហោប្រណីតដូចជា Louis Vuitton និង Bulgari ។ លើសពីនេះ Lisa នឹងបង្ហាញខ្លួនជាលើកដំបូងក្នុងរឿង «The White Lotus» រដូវកាលទី ៣ ដែលមានការរំពឹងទុកយ៉ាងខ្លាំងនៅក្នុងប្រទេសថៃ ដែលចាក់បញ្ចាំងនៅថ្ងៃទី១៦ ខែកុម្ភៈ ឆ្នាំ២០២៥ ។

សមាជិក Rosé, Jennie, និង Jisoo បានតាមពីក្រោយជិតស្និទ្ធដែលម្នាក់ៗមានទ្រព្យសម្បត្តិចំនួន ២០ លានដុល្លារ ។ Rosé ជោគជ័យខ្លាំងទៅលើបទទោលរបស់នាង «APT» ជាមួយ Bruno Mars, Jennie សម្រាប់បទដូចជា «Solo» និង Jisoo សម្រាប់បទចម្រៀងទោលរបស់នាង «Flower» និងការបណ្តាក់ទុនសម្ដែង ទាំងអស់បន្តពង្រីកទ្រព្យផ្ទាល់ខ្លួនរបស់ពួកគេ។ ជាពិសេស Jisoo ក៏បានបង្កើតឈ្មោះសម្រាប់ខ្លួននាងនៅក្នុងពិភពសម្ដែងផងដែរ ដោយបានសម្តែងក្នុងរឿង «Snowdrop» និងគម្រោងនាពេលខាងមុខជាដើម។

គិតត្រឹមឆ្នាំ ២០២៤ ទ្រព្យសម្បត្តិរួមរបស់ BLACKPINK មានចំនួន ៨៥ លានដុល្លារ ដែលពង្រឹងឋានៈរបស់ពួកគេជារូបតំណាងសកលទាំងផ្នែកតន្ត្រី និងការផ្សាយពាណិជ្ជកម្ម៕