ភាពយន្តថៃមួយនេះជាប់ក្នុងបញ្ជីសម្រាំងសម្រាប់ការតែងតាំងពានរង្វាន់អូស្ការ២០២៥

ភាពយន្ត « How to Make Millions before Grandma Dies» ឬចំណងជើងជាភាសាខ្មែរ «ចៅយាយ» បានជាប់បញ្ជីសម្រាំងសម្រាប់ការតែងតាំងអូស្ការប្រកួតប្រជែងជាមួយនឹងស្នាដៃចំនួន ១៤ មកពីប្រទេសប្រេស៊ីល កាណាដា និងបារាំង ក្នុងពានរង្វាន់ Oscar 2025 Best International Film។

នាថ្ងៃទី១៧ ខែធ្នូ បណ្ឌិតសភាសិល្បៈ និងវិទ្យាសាស្ត្រភាពយន្តអាម៉េរិកបានប្រកាសបញ្ជីសម្រាំងនៃប្រភេទ Oscar ចំនួន ១០។ យោងតាមរបាយការបានធ្វើឱ្យមានការភ្ញាក់ផ្អើលបន្ទាប់ពីភាពយន្ត «ចៅយាយ» បានបង្ហាញខ្លួននៅក្នុងខ្សែភាពយន្តអន្តរជាតិល្អបំផុតទាំង ១៥ ។ ការងារនេះមិនបានចូលរួមនៅក្នុងមហោស្រពភាពយន្តធំៗទេ ប៉ុន្តែបានក្លាយជាបាតុភូតនិយាយផ្ទាល់មាត់នៅទូទាំងអាស៊ី ដោយរកចំណូលបានជាង ៥០លានដុល្លារនៅទូទាំងពិភពលោក។

គម្រោងនេះត្រូវបានដឹកនាំដោយលោក ប៉ាត ប៊ុននីតិផាត Pat Boonnitipat និពន្ធដោយ ធុដសាផន ធីបទិនណាខន Thodsapon Thiptinnakorn ខ្លឹមសារនិយាយអំពីបុរសអត់ការងារធ្វើម្នាក់ឈ្មោះ M (សម្តែងដោយ ប៊ីលគីន ពុទ្ធីផុង Billkin Putthipong) ចំណែកឯជីដូនមានជំងឺមហារីកដំណាក់កាលចុងក្រោយ។ ប្រធានបទសំខាន់នៃខ្សែភាពយន្តនេះរួមបញ្ចូលគ្នានូវរឿងរ៉ាវនៃមហិច្ឆតាផ្ទាល់ខ្លួន និងស្នេហាគ្រួសារ។ ដំបូងឡើយ នៅពេលដែល M មកមើលថែយាយរបស់ខ្លួន តួអង្គសំខាន់ទាំងពីរមិនស៊ីគ្នាចង្វាក់គ្នា និងការរស់នៅមិនស្របគ្នាទេ ដែលនាំឱ្យមានស្ថានភាពគួរឱ្យអស់សំណើច និងសោកសៅ។ រឿងនេះបានចេញផ្សាយដំបូងនៅប្រទេសថៃកាលពីដើមខែមេសា។

ពានរង្វាន់ប្រចាំឆ្នាំរបស់ American Academy of Motion Picture Arts and Sciences គឺជាព្រឹត្តិការណ៍ភាពយន្តដ៏ល្បី និងមានកិត្យានុភាពបំផុតមួយនៅក្នុងពិភពលោក។ ការបោះឆ្នោតសម្រាប់ការតែងតាំងពានរង្វាន់នៅឆ្នាំ២០២៥នឹងប្រព្រឹត្តទៅចាប់ពីថ្ងៃទី ៨ ដល់ថ្ងៃទី ១២ ខែមករា ឆ្នាំ ២០២៥។ កំពូលទាំង៥ នឹងត្រូវប្រកាសនៅថ្ងៃទី១៧ ខែមករា ឆ្នាំ២០២៥ ការបោះឆ្នោតចុងក្រោយនឹងប្រព្រឹត្តទៅចាប់ពីថ្ងៃទី ១១ ខែកុម្ភៈ ដល់ថ្ងៃទី ១៨ខែកុម្ភៈ ឆ្នាំ២០២៥៕