ខែនេះគឺជាខែចុងក្រោយនៃឆ្នាំ២០២៤ ដែលធ្វើឱ្យអ្នកសិល្បៈមួយចំនួនបានបង្ហាញពីភាពជោគជ័យលើអាជីពការងារ និងបានបង្ហាញពីអ្វីដែលខ្លួនបានធ្វើក្នុងរយៈពេល១ឆ្នាំមកនេះ។ ងាកមកតារាចម្រៀង ជី ដេវីត វិញ ក៏បានបង្ហាញដែរថាឆ្នាំ២០២៤ រូបលោកទទួលបានគ្រប់យ៉ាង ប៉ុន្តែបាត់តែម្យ៉ាងតែប៉ុណ្ណោះគឺជា «ទំនុកចិត្ត»។
នៅលើគណនីបណ្តាញសង្គមរបស់លោក ងួន ចាន់ដេវីត បានបង្ហោះសំណេរមួយនាយប់ថ្ងៃទី១០ ខែធ្នូ បង្កឱ្យមានការចាប់អារម្មណ៍ពីសំណាកហ្វេនៗ។ តារាចម្រៀងរូបនេះបានបង្ហោះថា «ឆ្នាំ ២០២៤ បានគ្រប់យ៉ាងតែបាត់របស់មួយគឺ ទំនុកចិត្ត តែរឿងនេះខ្ញុំមិនមែនអ្នកខាតទេ ប្រហែលអាចជាគេអ្នកខាតច្រើនជាង ជូនពរសំណាងល្អ»។ 
ទោះបីជានេះជាសំណេរខ្លីក៏ពិតមែន ប៉ុន្តែអ្នកគាំទ្រមួយចំនួនបានយល់ស្របនូវអ្វីដែល ជី ដេវីត បានលើកឡើងព្រោះថាពាក្យ ទំនុកចិត្ត កាលណាដែលបាត់បង់ហើយគឺពិបាកនឹហងស្រោចស្រង់ណាស់ ខណៈអ្នកមួយចំនួនមានភាពងឿងឆ្ងល់ថា ទំនុកចិត្ត ដែល ជី ដេវីត បាត់នេះគឺជារឿងអ្វីជាទំនាក់ទំនងការងារ ម្ចាស់ Sponsor ឬជាអ្វីផ្សេងរហូតធ្វើឱ្យលោកបង្ហោះយ៉ាងដូច្នេះ។
គេចាំបានថា កាលពីដើមខែតុលា នេះ ជី ដេវីត បានយកវេទិកាការប្រគំតន្រ្តី PS3 THE ALBUM CONCERT របស់ខ្លួនប្រកាសប្រាប់អ្នកគាំទ្រថានេះជា Solo Concert របស់លោកដែលអ្នកគាំទ្របានស្តាប់បទចម្រៀងជាច្រើនបទដោយមិនដឹងថាពេលណានឹងមាន Solo Concert ទៀតនោះទេ។ ក្នុងនោះ ជី ដេវីត បានបង្ហើបប្រាប់ថា ម៉ាស៊ីនឡានដែលឆ្ពោះទៅមុខតែងតែមានឧបសគ្គតិចតួចហើយដែលទំនងលោកមានបញ្ហាណាមួយ។
ទាក់ទិនជីវិតគូជាមួយតារាចម្រៀង ទេព បូព្រឹក្ស និងកូនប្រុសរបស់អ្នកទាំងពីរកាន់តែមានសុភមង្គលពីមួយថ្ងៃទៅមួយថ្ងៃ ព្រមទាំងបានបង្ហើបដែរថា ពួកគេនឹងចូលរោងជ័យនៅឆ្នាំ២០២៥៕
