កាលពីដើមខែវិច្ឆិកា អ្នកលេងបណ្តាញសង្គមបានភ្ញាក់ផ្អើលយ៉ាងខ្លាំងចំពោះចំណងស្នេហ៍អ្នកលក់អនឡាញ ស៊ាន ធារី ប៊ុក ផាក និងអ្នកសិល្បៈ អូនបរមី ខណៈពេលនេះស្រាប់តែ ស្រីស្អាត បរមី បង្ហាញថាខ្លួន Single ដឹងធាតុពិតចិត្តមនុស្ស នាងឆ្អែតចិត្តខ្លាំងខណៈនាងដកចិត្តពីការស្រលាញ់បានហើយនិងបានលើកឡើងទៀតថាអាថ៌កំបាំងគ្មានទេលើលោក។
ថ្មីៗនេះនៅលើគណនីទិកតុករបស់តារាស្រីបរមី ដែលជាគូស្នេហ៍ថ្មីរបស់ ប៊ុន ផាក បានបង្ហោះវីដេអូខ្លីៗបញ្ជាក់ថានាងមិនមានម្ចាស់ចិត្តទៀតនោះទេដោយបានបង្ហើបពីរឿងឆ្អែតចិត្តដឹងសន្តោនមនុស្ស។ គួរឱ្យដឹងថារូបភាពដែល ប៊ុន ផាក បង្ហោះបង្ហាញជាសាធារណៈថា បរមី គឺជាគូស្នេហ៍ក៏បានបាត់ចេញពីបណ្តាញសង្គមហ្វេកប៊ុកផងដែរ។ ក្នុងវីដេអូទិកតុកដែល បរមី បង្ហោះនាងបាននិយាយថា «ដំបូងបែកគ្នាដោយនៅតែស្រលាញ់តែពេលនេះបែកគ្នាទាំងស្នាមញញឹមហើយហួសចិត្តបំផុត» ។ ជាមួយនឹងអក្សរនៅលើវីដេអូ បរមី បាននិយាយថានាងសប្បាយចិត្តពេលដែលដឹងធាតុពិតរបស់មនុស្សដកចិត្តបានហើយនាងគឺ Single។
វីដេអូមួយទៀត បរមី និយាយថា ពេលនេះនាងដោះលែងខ្លួនឯងបានហើយមិនមែនអស់ចិត្តធម្មតាគឺឆ្អែតចិត្តខ្លាំងមែនទែនហើយពេលនេះនាងកំពុងតែអាណិតខ្លួនឯង មានរឿងអាក្រក់ជាច្រើនដែលនាងដឹង និងថា អាថ៌កំបាំងគ្មានទេនៅលើលោក។ បរមី ថាដើមឡើយនាងគិតថាខ្លួនឯងមិនល្អគ្រប់គ្រាន់ តែពេលនេះនាងដឹងថាមិនមែនហើយធ្វើឱ្យនាងឆ្អែតចិត្តដឹងសន្តាន ធាតុពិត ហើយពិតជាសាហាវ។
កាលពីថ្ងៃទី៦ វិច្ឆិកា អ្នកនាង ស៊ាន ធារី បានចេញមកបកអាក្រាតពីភាពស្អុយរលួយរបស់ប៊ុក ផាក ថាមានតែសំបកខ្លួនហើយគ្មានអ្វីក្រៅតែពីតោងមនុស្សនិងបានផ្តាំផ្ញើទៅកាន់មនុស្សស្រីដទៃទៀតកុំឱ្យចាញ់បោកបុគ្គលជោគជ័យនេះ។
ការចោទប្រកាន់នេះលោក ប៊ុន ផាក វិញបានទម្លាយថាលោកនិង ស៊ាន ធារី បានបែកគ្នាមួយរយៈធំហើយនិងបានបង្ហាញមុខមាត់គូស្នេហ៍ថ្មីជានារីស្រស់ស្អាតគឺជា បរមី ខណៈនាងបានបង្ហាញដែរថា «ពេលវេលានឹងដកពិសោធន៍ថានាងគ្មានអ្វីឱ្យ ប៊ុន ផាក បោក នោះទេ ខណៈតារាស្រីរូបនេះបានចេញវីដេអូយំសស្រាក់ចំពោះការបង្ហាញរបស់ ស៊ាន ធារី ដែលចោទថានាងជាស្រីរបស់ ប៊ុក ផាក ទាំងនាងគឺជាគូស្នេហ៍ថ្មី៕
