មាន់គឺជាមុខម្ហូបដ៏ឈ្ងុយឆ្ងាញ់ និងពេញនិយមបំផុតមួយនាពេលបច្ចុប្បន្ននេះ ជាមួយនឹងតម្លៃសមរម្យ មិនថ្លៃពេក និងមានវិធីចម្រុះជាច្រើនក្នុងការរៀបចំលើតុបរិភោគអាហារ។ ប៉ុន្តែតើអ្នកដឹងទេថា ផ្នែកណាខ្លះនៃមាន់ដែលមានប៉ារ៉ាស៊ីតលាក់ខ្លួនច្រើនជាងគេ? ប្រសិនបើអ្នកញ៉ាំផ្នែកទាំងនេះញឹកញាប់ពេក និងបង្កគ្រោះថ្នាក់ដល់រាងកាយរបស់អ្នកដូចជា បណ្តាឱ្យមានជំងឺសរសៃឈាមបេះដូង ជំងឺខ្លាញ់ក្នុងឈាម ធ្វើឱ្យស្បែករបស់អ្នកស្រអាប់ និងប៉ះពាល់ដល់ប្រព័ន្ធដង្ហើមជាដើម។ ដូច្នេះអ្នកត្រូវប្រុងប្រយ័ត្ន និងជៀសវាងការញ៉ាំផ្នែកទាំង ៣ នេះ៖
១.ក្បាលមាន់៖ យោងតាមការសិក្សា ក្បាលមាន់គឺជាកន្លែងដែលសារធាតុពុលជាច្រើនប្រមូលផ្តុំ ហើយមិនគួរទទួលទានជាប្រចាំឡើយ។ ក្បាលមាន់មានផ្ទុកកូលេស្តេរ៉ុលច្រើនដែលអាចបង្កើនហានិភ័យនៃជំងឺសរសៃឈាមបេះដូង។ លើសពីនេះក្បាលមាន់ក៏មានផ្ទុកបាក់តេរី និងមេរោគជាច្រើនផងដែរ ដែលមិនល្អសម្រាប់សុខភាពនោះទេ។
២.ស្បែកមាន់៖ មនុស្សជាច្រើនជឿថា ស្បែកមាន់សម្បូរទៅដោយសារធាតុ Collagen ដូច្នេះការទទួលទានវាអាចធ្វើឱ្យស្បែករបស់អ្នកកាន់តែស្រស់ស្អាត។ ប៉ុន្តែតាមពិតទៅ បើយោងតាមការសិក្សា ខូឡាជែននៅក្នុងស្បែកមាន់មានតិចតួចណាស់ ព្រោះនេះជាផ្នែកដែលមានជាតិខ្លាញ់ច្រើនបំផុតនៅក្នុងសាច់មាន់ ដូច្នេះស្បែកមាន់គឺមានផ្ទុកប៉ារ៉ាស៊ីត និងបាក់តេរីជាច្រើន អាចប៉ះពាល់ដល់សុខភាពស្បែកទៅវិញទេ ហេតុនេះការញ៉ាំស្បែកមាន់ច្រើនពេកគឺមិនល្អសម្រាប់រាងកាយឡើយ។.png)
៣.សួតមាន់៖ សួតមាន់មានផ្ទុកប៉ារ៉ាស៊ីត និងបាក់តេរីជាច្រើន ទោះបីជាវាត្រូវបានចម្អិននៅសីតុណ្ហភាពខ្ពស់ក៏ដោយ ក៏វាអាចបង្កផលប៉ះពាល់ដល់សុខភាពរាងកាយយើងផងដែរ។ ដោយសារតែផ្នែកនេះជាកម្មសិទ្ធិរបស់ប្រព័ន្ធដង្ហើមមាន់ វាមានជាតិពុល និងបាក់តេរីបង្កជំងឺផ្សេងៗគ្នាជាច្រើន អាស្រ័យលើស្ថានភាពរស់នៅរបស់វា។ ដូច្នេះយកល្អអ្នកគួរតែដកផ្នែកនេះចេញពេលទទួលទានដើម្បីការពារហានិភ័យសុខភាពមិនល្អ៕
