បច្ចុប្បន្ននេះកៅអីជ័រគឺមានប្រជាប្រិយភាពខ្លាំងណាស់ ដោយសារតម្លៃថោ.ក ប្រើប្រាស់បានយូរ មានពណ៌ច្រើនសម្បូរបែប និងងាយស្រួលក្នុងការថែទាំ។ ទោះជាយ៉ាងណាយើងសង្កេតឃើញថា គ្រប់កៅអីជ័រទាំងអស់សុទ្ធតែមានរន្ធនៅកណ្តាល តើមូលហេតុអ្វីបានជាគេចុះឱ្យមានរន្ធនៅកណ្តាលបែបនេះ? សម្រាប់មូលហេតុរួមមាន៖
១.មធ្យោបាយធ្វើដំណើរងាយស្រួល៖ ដូចដែលយើងដឹងហើយថា កៅអីនេះគឺមានទម្ងន់ស្រាលងាយស្រួលបន្លាស់ទី ដោយសារវាធ្វើពីសម្ភារៈប្លាស្ទិក។ បើកាលណាកៅអីគ្មានរន្ធនៅកណ្តាលវាពិបាកក្នុងការដឹងជញ្ជូន និងមានភាពរអាក់រអួល ខ្ជះខ្ជាយពេលវេលា។ 
ដូច្នេះទើបមនុស្សបង្កើតរន្ធតូចមួយ ដើម្បីសម្រួលដល់ចលនា ដោយដាក់កៅអីផ្លាស្ទិចជាប់គ្នា បន្ទាប់មកយកខ្សែពួរកាត់តាមរន្ធនៅកណ្តាល ដើម្បីចងកៅអីជ័រទាំងមូលឱ្យតឹង។ មិនថាអ្នកយកវាទៅឆ្ងាយប៉ុណ្ណាទេ វានឹងងាយស្រួលក្នុងការដឹកជញ្ជូន។
២.កែឥរិយាបថអង្គុយរបស់កុមារ៖ នៅពេលកូនរៀន ឬលេងនៅលើកៅអី ឪពុកម្តាយអាចបញ្ចូលដំបងចូលទៅក្នុងរន្ធនៅកណ្តាលកៅអីជ័រ ដោយដំបងនឹងទប់ខ្នងកុមារ ធ្វើឱ្យខ្នងកុមារត្រង់ ដើម្បីអាចអង្គុយក្នុងទីតាំងបានត្រឹមត្រូវ។ ដូច្នេះក្នុងរយៈពេលវែង កុមារអាចបង្កើតទម្លាប់នៃការតម្រង់ខ្នងរបស់ពួកគេឱ្យត្រង់ ជៀសវាងការអង្គុយកោងខ្នង និងជួយអភិវឌ្ឍរាងកាយ។
៣.រន្ធជាកន្លែងសម្រាប់ខ្យល់ចេញចូល៖ រន្ធគឺសម្រាប់ខ្យល់ចេញចូល ពួកវាការពារខ្នងរបស់អ្នកពីការបែកញើស ប្រសិនបើអ្នកអង្គុយនៅទីនោះយូរ។ ដូច្នេះគោលបំណងនៃរន្ធទាំងនេះគឺដើម្បីការពារដល់សុខភាពលោកអ្នក ងាយស្រួលក្នុងការធ្វើចលនា ដូចជាបន្ធូរបន្ថយសម្ពាធខ្យល់រន្ធជួយសម្រួលដល់ដំណើរការនៃការ unstacking ។ រន្ធទាំងនេះក៏ងាយស្រួលក្នុងការកាន់បន្លាស់ទីផងដែរ៕
