មានការភ្ញាក់ផ្អើលយ៉ាងខ្លាំងពីសាធារណជនបន្ទាប់ពីអ្នកនាង គឹម លីហ្សា បានបង្ហោះវីដេអូមួយដោយបានប្រាប់ថាព្រលឹងលោក កៅ សីហា ចូលទៅក្នុងខ្លួនស្រ្តីម្នាក់ស្រែកទ្រហោយំនិងនិយាយខ្លាំងៗថាហេតុអ្វីយកលោកទៅចំពេលបូជាសពលោក កៅ សីហា ។ វីដេអូនេះអ្នកខ្លះក៏ជឿ អ្នកខ្លះក៏មិនជឿ ខណៈអ្នកខ្លះថាបើមិនជឿកុំប្រមាថព្រោះគេធ្លាប់ជួបជាក់ស្តែង។
រសៀលថ្ងៃទី២៣ ខែតុលា ឆ្នាំ២០២៤ អ្នកក្នុងចង្កោមសិល្បៈជាច្រើន សាច់ញាតិ បងប្អូនក្រុមគ្រួសាររបស់លោក កៅ សីហា បានមកជូនដំណើរលោកចុងក្រោយនៅឯវត្តព្រែកឯក។ ការចាកចេញរបស់អ្នកដឹកនាំរឿងរូបនេះបន្សល់នូវសេចក្តីអាឡោះអាល័យជាទីបំផុតពីអ្នកសិល្បៈច្រើនរូប។
ជាមួយគ្នានេះទស្សនិកជនមានការភ្ញាក់ផ្អើលយ៉ាងខ្លាំងបន្ទាប់ពីអ្នកនាង គឹម លីហ្សា បានបង្ហោះវីដេអូមួយនៅលើបណ្តាញសង្គមរបស់ខ្លួននាល្ងាចថ្ងៃទី២៣ បានបង្ហាញថាព្រលឹងលោក កៅ សីហា ចូលចំពេលបូជា ដោយនិយាយថា ហេតុអីបានយកគាត់ទៅ?។ ក្នុងវីដេអូដែលបង្ហោះនេះគឺជាសំឡេងរបស់ស្រ្តីម្នាក់ដែលស្រែកបែបនេះដោយសេចក្តីទួញយំមិនអស់អាឡោះអាល័យ។
ការដែលបង្ហាញថា ព្រលឹងលោក កៅ សីហា ចូលចំពេលបូជានេះបានធ្វើឱ្យអ្នកខ្លះបញ្ចេញមតិអាណិតអាសូរដោយបន់ស្រន់សូមឱ្យលោក កៅ សីហា ទៅឱ្យស្ងប់សុខ។ អ្នកខ្លះក៏បង្ហាញថាពួកគេជឿចំពោះរឿងនេះព្រោះធ្លាប់ឆ្លងកាត់រួចមកហើយដែរ។ អ្នកខ្លះក៏ខម្មិនថាឃើញបែបនេះព្រឺសម្បុរតែម្តងនិងមានការលើកឡើងទៀតថាបើមិនជឿកុំប្រមាថ។.png)
ទោះយ៉ាងណា ជាមួយនឹងអ្នកមួយចំនួនថាមានព្រលឹងចូលនេះ អ្នកខ្លះមិនជឿថាមានរឿងនេះកើតឡើងនោះទេព្រោះគេថាព្រលឹង៧ថ្ងៃបានដឹងខ្លួន នេះគ្រាន់តែជាអ័ក្សវិញ្ញាណក្លែងក្លាយ។ ការលើកឡើងនេះអ្នកនាង គឹម លីហ្សា បានបញ្ជាក់ថាមុនដំបូងអ្នកមានវត្តមាននៅទីនោះគិតចឹងដូចគ្នាតែការនិយាយស្តី ហៅមិត្តបងប្អូនគឺជាលោក កៅ សីហា ពិតមែន។ 
គួរបញ្ជាក់ថា លោក កៅ សីហា ផលិតករអ្នកដឹកនាំរឿងដ៏មានប្រជាប្រិយភាពមួយរូបរបស់ផលិតកម្មហង្សមាសបានទទួលមរណភាពកាលពីថ្ងៃទី២០ ខែតុលា ឆ្នាំ២០២៤ ក្នុងវ័យ៤២ឆ្នាំដោយសារតែដាច់សរសៃឈាមខួរក្បាល មុនពេលបញ្ជូលទៅព្យាបាលនៅវៀតណាម៕
