កុំភ្លេចតាមដានសុខភាពខ្លួនឯងផង!​ បើមានអាការៈទាំងនេះអាចមានបញ្ហាខ្សោយតម្រងនោម

ធ្លាប់សង្កេតមើលខ្លួនឯងអត់ ប្រសិនបើលោកអ្នកមានទម្លាប់បែបនេះជារៀងរាល់ថ្ងៃ បញ្ជាក់ថា អ្នកគឺជាមនុស្សដែលមានជំងឺខ្សោយតម្រងនោមហើយ ដូច្នេះត្រូវទៅពិគ្រោះជាមួយវេជ្ជបណ្ឌិតជាបន្ទាន់បើទុកយូរអាចនឹងធ្ងន់ធ្ងរឡើងៗ។ ជំងឺខ្សោយតម្រងនោមដំណាក់កាលដំបូងគឺមិនមានរោគសញ្ញាច្រើននោះទេ ទោះជាយ៉ាងណាបើយោងតាមលោកវេជ្ជបណ្ឌិត Zhuang Zhen (ប្រធាននាយកដ្ឋានជំងឺប្រមាត់ និងប្រព័ន្ធទឹកនោម នៅមន្ទីរពេទ្យ Chang Gung ក្នុងទីក្រុងប៉េកាំង ប្រទេសចិន) បាននិយាយថា លោកតែងតែជួបអ្នកជំងឺវ័យក្មេងដែលមានជំងឺខ្សោយតម្រងនោមមុនពេលមកពិនិត្យ។

ជាអកុសល ពួកគេទាំងអស់គ្នានៅក្មេង ប៉ុន្តែមិនបានដឹងពីភាពធ្ងន់ធ្ងរនៃជំងឺតម្រងនោមនោះទេ។ ការត្រួតពិនិត្យសុខភាពជាទៀងទាត់អាចជួយរកឃើញជំងឺតម្រងនោមជាទូទៅនៅដំណាក់កាលដំបូង។ ដូច្នេះរោគសញ្ញារបស់វារួមមាន៖ ឈឺខ្នងផ្នែកខាងក្រោម, ផ្លាស់ប្តូរពណ៌ទឹកនោម, ហើមពោះ, ឈឺចង្កេះ និងជង្គង់ វិលមុខ អស់កម្លាំង, រួមទាំងមានអារម្មណ៍ក្អួតចង្អោរជាដើម។ ហេតុនេះដើម្បីឱ្យអ្នកដឹងកាន់តែច្បាស់អំពីជំងឺខ្សោយតម្រងនោមនោះ គឺទម្លាប់ប្រចាំថ្ងៃរបស់អ្នក តើអ្នកមានទម្លាប់បែបនេះទេ ប្រសិនបើមានច្បាស់ណាស់គឺអាចមានជំងឺខ្សោយតម្រងនោម ព្រោះមនុស្សខ្សោយតម្រងនោមភាគច្រើនតែងតែមានទម្លាប់ដូចខាងក្រោម៖

១.ចូលចិត្តញ៉ាំអាហារដែលមានជាតិប្រៃច្រើន
២.ចូលចិត្តញ៉ាំអាហារសមុទ្រ និងផឹកស្រាបៀរ
៣.ចូលចិត្តអង្គុយនៅកន្លែងមួយក្នុងរយៈពេលយូរ និងមិនចូលចិត្តដើរច្រើន
៤.មនុស្សដែលខ្ជិលផឹកទឹក ឬមិនចូលចិត្តទឹក
៥.មនុស្សដែលនោមច្រើនដង ឬនោមញឹកញាប់
៦.មនុស្សដែលតែងតែចូលគេងយឺត និងក្រោកពីគេងយូរ
៧.អ្នកដែលទទួលទានថ្នាំមួយចំនួនជាប្រចាំ ដូច្នេះប្រសិនបើលោកអ្នកមានគ្រប់ ៧ ចំណុចនេះគួរតែទៅព្យាបាលជំងឺខ្សោយតម្រងនោមឱ្យបានឆាប់តាមដែលអាចធ្វើទៅបាន៕