យោងតាមអនុក្រឹត្យ ចុះដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅថ្ងៃទី២៨ ខែសីហា ឆ្នាំ២០២៤ បានសម្រេច “ក្រុងកំពង់សោម នៃខេត្តព្រះសីហនុ”ដោយកាត់យកឃុំចំនួន ៥ ពីស្រុកព្រៃនប់ គឺឃុំរាម ឃុំបិតត្រាំង ឃុំអូរឧកញ៉ាហេង ឃុំបឹងតាព្រហ្ម និងឃុំអូជ្រៅ។
ក្រុងកំពង់សោម មានសង្កាត់ចំនួន ០៥ គឺ សង្កាត់រាម សង្កាត់បិតត្រាំង សង្កាត់អូរឧកញ៉ាហេង សង្កាត់បឹងតាព្រហ្ម និងសង្កាត់អូរជ្រៅ។ ទីតាំងរដ្ឋបាល ក្រុងកំពង់សោម ស្ថិតនៅក្នុងសង្កាត់រាម។
ការបង្កើតក្រុងថ្មីនេះ បានធ្វើឱ្យខេត្តព្រះសីហនុ ជាខេត្តទី២បន្ទាប់ពីខេត្តកណ្តាលដែលមានក្រុង៣ គឺក្រុងព្រះសីហនុ ក្រុងកោះរ៉ុង និងក្រុងកំពង់សោម។
ដោយឡែកចំពោះខេត្តកណ្តាលមានក្រុង៣ដែរគឺ
• ក្រុងតាខ្មៅ
• ក្រុងអរិយក្សត្រ
• ក្រុងសំពៅពូន
