Fan Bingbing ដែលត្រូវបានចាប់ខ្លួននៅក្នុងរឿងអាស្រូវគេចពន្ធក្នុងឆ្នាំ២០១៨ បានព្យាយាមស្ទាបស្ទង់ស្ថានភាពជាច្រើនដងប៉ុន្តែនៅតែមិនអាចវិលត្រឡប់មកឧស្សាហកម្មកម្សាន្តរបស់ចិនបានពេញលេញនោះទេ។ ថ្មីៗនេះ នាងបានលេចមុខលើក្របទស្សនាវដ្ដីចិនមួយ ហើយបានបង្ហោះរូបថតស្អាតៗជាច្រើនសន្លឹកនៅលើ Weibo ដោយសរសេរថា «អតីតកាល បច្ចុប្បន្នកាល អនាគត… បីជ្រុងក្នុងតែមួយ» ដល់ឧស្សាហកម្មកម្សាន្តចិន។
Fan Bingbing បានត្រឡប់មកទស្សនាវដ្តីចិនវិញដោយជោគជ័យហើយបានបង្ហាញខ្លួននៅលើក្របទស្សនាវដ្តី «Fashion Magazine» ខែសីហា ប៉ុន្តែនាងត្រូវបានគេចោទប្រកាន់ថាមិនសូវមានប្រជាប្រិយភាព និងលក់បានតិចជាង Dilraba ដែលបានបង្ហាញខ្លួនលើក្របទស្សនាវដ្ដី «Harper’s Bazaar»។ រូបភាពរបស់ Dilraba មានអ្នកចូលចិត្តរាយលាន ហើយថែមលក់បាន ២៩០,០០០Copy ក្នុងរយៈពេល ២៤ ម៉ោង។ Fan Bingbing ត្រូវគេនិយាយថា ចាញ់អ្នកជំនាន់ក្រោយតារាសម្តែង Dilraba Dilmurat។
Fan Bingbing បង្ហាញខ្លួនក្នុងឈុតសខ្មៅលើកនេះគឺសាមញ្ញនិងស្រស់ស្អាតអ្នកនិយមលេងអ៊ុនធឺណិតបានបន្សល់ទុកនូវសំណួរជាច្រើនទាំងការសម្តែងរបស់នាង និងមតិអវិជ្ជមានផងដែរ ។ ចំណងជើង អតីតកាល បច្ចុប្បន្នកាល អនាគត របស់នាងត្រូវបានអ្នកលេងអ៊ឺនធឺណិតវាយប្រហារនេះថា «អតីតកាល៖ កំពូលតារា បច្ចុប្បន្ន៖ កំពូលតារាកំពុងដេក អនាគត៖ កំពូលតារា។ អ្នកផ្សេងទៀតបាននិយាយថា៖ «ប្រសិនបើអ្នកមិនចូលរួមក្នុងក្រុមទេ អតីតកាល បច្ចុប្បន្នកាល និងអនាគតនឹងខុសគ្នា»។.png)
Fan Bingbing បច្ចុប្បន្នមានអាយុ ៤៣ឆ្នាំបានចាប់ផ្តើមអាជីពរបស់នាងនៅក្នុងវិស័យកម្សាន្តនៅអាយុ ១៧ ឆ្នាំ។ ចាប់តាំងពីពេលនោះមកនាងទទួលបានភាពល្បីល្បាញជាតារាសម្តែង តារាបង្ហាញម៉ូត ផលិតករទូរទស្សន៍ និងតារាចម្រៀង ហើយត្រូវបានទស្សនាវដ្តី Time ទទួលស្គាល់ថាជាបុគ្គលម្នាក់ក្នុងចំណោម ១០០ នាក់ដែលមានឥទ្ធិពលបំផុតក្នុងឆ្នាំ ២០១៧ ។ បន្ទាប់ពីត្រូវបានពិន័យចំនួន ១២៨ លានដុល្លារអាម៉េរិកសម្រាប់ការគេចពន្ធក្នុងឆ្នាំ ២០១៨ Fan Bingbing បានរក្សាទម្រង់សាធារណៈមិនញឹកញាប់ឡើយ៕
