នារីដ៏ស្រស់ស្អាតម្នាក់ដែលលក់ទឹកផ្លែឈើស្រស់ៗនៅផ្សាររាត្រីប្រទេសថៃល្បីល្បាញកន្លងមកនេះកំពុងល្បីពេញប្រព័ន្ធអ៊ីនធឺណិតប៉ុន្តែមិនមែនជារឿងល្អដូចពីមុននោះទេប្តូរពីមានអ្នកស្រលាញ់ចូលចិត្តត្រូវគេរិះគន់កប់ៗមាត់។ ការរិះគន់ទៅកាន់អ្នកលក់រូបស្រស់នេះដោយសារតែនាងបញ្ចេញអាកប្បករិយាមិនល្អមិនរួសរាយដូចជាពេលមុនដែលល្បី។.png)
អ្នកមកលេងបាងកកញឹកញាប់ប្រហែលជាធ្លាប់ឮពីអ្នកលក់ទឹកផ្លែឈើថៃដ៏ពេញនិយមមួយរូប ហើយតូបរបស់នាងមានទីតាំងនៅក្នុងផ្សាររាត្រីមួយកន្លែងនៅប្រទេសថៃ។ អ្នកលក់រូបនេះត្រូវបានគេដាក់ឈ្មោះថាជា«នារីទឹកផ្លែឈើដ៏ស្រស់ស្អាតបំផុត» ។ រូបនាងល្បីល្បាញឆ្នាំ ២០២២ ដោយទាក់ទាញចំណាប់អារម្មណ៍របស់អ្នកស្រុកមិនត្រឹមតែប៉ុណ្ណោះទេប៉ុន្តែថែមទាំងភ្ញៀវទេសចរដែលនឹងធ្វើដំណើរទៅផ្សាររាត្រីគឺចង់ឃើញនាង។ 
អ្នកលក់ស្រស់សោភារូបនេះបានបង្ហាញមុខនៅក្នុង vlogs និងមគ្គុទ្ទេសក៍ទេសចរណ៍ជាច្រើន ដោយមានរហស្សនាមថា «Watermelon Lady» បានធ្វើឱ្យកេរ្តិ៍ឈ្មោះរបស់នាងឡើងសន្ទុះខ្លាំងពេញប្រព័ន្ធផ្សព្វផ្សាយសង្គម។ យោងតាមរបាយការណ៍ នាងត្រូវជួលអង្គរក្ស ដែលពេលខ្លះឈរជើងនៅតូប ដើម្បីការពារនាងពីអ្នកគាំទ្រដ៏ក្លៀវក្លា ដោយសារតែប្រជាប្រិយភាពដ៏លើសលប់របស់នាង។
ទោះជាយ៉ាងណាក៏ដោយ អ្នកលក់រូបនេះ ថ្មីៗនេះបានទទួលរងការរិះគន់ចំពោះ «អាកប្បកិរិយាមិនល្អ» និង «មិនរួសរាយរាក់ទាក់» របស់នាងចំពោះអ្នកដើរផ្សាររាត្រី។.png)
យោងតាមការខឹងសម្បាររបស់អ្នកលេងអ៊ិនធឺណិតមួយចំនួន បានលើកឡើងថា អ្នកលក់ ទឹកផ្លែឈើរូបនេះ លែងអនុញ្ញាតឱ្យអតិថិជនដែលមិនទិញថតរូបនាងទៀតហើយ។ អ្នកដែលចង់ថតរូបនាងគឺតម្រូវឱ្យបង់ប្រាក់យ៉ាងតិច ១៥០ បាត (ជាង៤ដុល្លារ) សម្រាប់ទឹកមួយកែវ មុននឹងសុំរូបថត។ គេថានាងនឹងបង្វែរទៅរកអ្នកដែលមិនមែនជាអតិថិជន ប្រសិនបើនាងប្រទះឃើញពួកគេព្យាយាមលួចថតរូបនាង។ ក្នុងករណីខ្លះ ពួកគេក៏នឹងត្រូវបានអង្គរក្សរបស់នាងដេញចេញដែរ។ មនុស្សជាច្រើនបានបន្ថែមថា អាជីវកម្មរបស់តូបនេះលែងមានភាពអ៊ូអរដូចពីមុនទៀតហើយ ដោយមានអតិថិជនត្រឹមតែមួយជួរប៉ុណ្ណោះ។
អ្នកលេងបណ្តាញសង្គមបានចង្អុលបង្ហាញថា គេនៅទីនោះ១០នាទីប៉ុន្តែមិនបានឃើញនាងញញឹមម្តងឡើយ។ អ្នកខ្លះថា តម្លៃភេសជ្ជៈរបស់នាងទោះបីល្បីតាមបណ្តាញសង្គមតែ ថ្លៃពេក បើធៀបនឹងតូបផ្សេងទៀតដែលមិនសូវពេញនិយម។ អ្នកផ្សេងទៀតថានាងធ្វើគោលនយោបាយថតរូប ដោយមនុស្សជាច្រើននិយាយថានាងមិនស្វាគមន៍ និងរួសរាយរាក់ទាក់ដូចនាងពីមុនទេដោយសារតែភាពល្បីល្បាញបានឡើងដល់កម្រិតកំពូលពេក៕
