ប៊ី សុធារី Miss Grand Cambodia 2024 បានបង្ហាញអារម្មណ៍រំភើបចិត្តយ៉ាងខ្លាំងបន្ទាប់ពីTeam អ្នកគាំទ្ររបស់នាងដើរផ្សព្វផ្សាយតាមទីសាធារណៈជួយឱ្យបណ្តាញសង្គម Instagram របស់នាងមានអ្នក Follow ឱ្យកាន់តែច្រើនតាមដែលអាចធ្វើទៅបានមុននឹងទៅប្រកួតនៅលើឆាកអន្តរជាតិ។ មិនត្រឹមតែប៉ុណ្ណោះ មានហាងកាហ្វេមួយនឹងបញ្ចុះតម្លៃថែមទៀតប្រសិនជាបាន Follow IG ប៊ី សុធារី។ ការបង្ហាញទង្វើនេះគឺជាឆ្លុះបញ្ចាំងឱ្យឃើញថាខ្មែរពិតជាសាមគ្គីគ្នាបានល្អ ដូច្នេះលទ្ធផលដែលទទួលបានច្បាស់ជាល្អមិនខាន។
ប៊ី សុធារី បានបង្ហោះវីដេអូ Story កាលពីពេលថ្មីៗនេះដោយអារម្មណ៍សប្បាយព្រោះឃើញអ្នកគាំទ្ររបស់នាងស្រុះដៃគ្នាជួយនាង។ Miss Grand Cambodia 2024 បាននិយាយថា នាងពិតជាអរគុណមែនទែនទៅដល់អ្នកគាំទ្រកម្ពុជាបន្ទាប់ពីបានឃើញវីដេអូរបស់អ្នកគាំទ្របានដើរទៅខាងក្រៅសុំឱ្យគេ Follow IG នាងដើម្បីប្រម៉ូត IG ឱ្យបាន Followខ្ពស់ក្នុងការដែលយើងវាយលុកចូលTOPណាមួយក្នុងវគ្គការប្រកួត Miss Grand International។
ប៊ី សុធារី ថានាងពិតជាអរគុណមែនទែនហើយក៏មិននឹកស្មានថាទទួលបានក្តីស្រលាញ់គាំទ្រខ្លាំងដល់ថ្នាក់នេះនោះទេ។ តបទៅនឹងទង្វើនេះ ប៊ី សុធារី ថានាងនឹងព្យាយាម Update អ្វីដែលថ្មីៗដូចជារូបថត វីដេអូ ដើម្បីឱ្យអ្នកគាំទ្រតាមដានក៏ដូចជាគាំទ្រមកកាន់នាង។កញ្ញាឯកដ៏អស្ចារ្យកម្ពុជាឆ្នាំ២០២៤ រូបនេះបង្ហាញនូវក្តីរំភើបចិត្តឥតឧបមាសម្រាប់ការងារយ៉ាងសកម្មរបស់អ្នកគាំទ្រនេះសឹងតែរកពាក្យអ្វីមកថ្លែងពុំបាន។ មិនត្រឹមតែប៉ុណ្ណោះ ហាងមួយមានឈ្មោះថា D Black house café ក៏បានប្រកាសបញ្ចុះតម្លៃ២០%ផងដែរប្រសិនជាបានចុច Follow ប៊ី សុធារី។ បច្ចុប្បន្ន Follower របស់ ប៊ី សុធារី នៅលើគណនី Instagram បន្តកើនឡើងឥតឈប់ឈរដែលពេលនេះមានចំនួនជាង១២២ K ហើយ។
ប៊ី សុធារី បានគ្រងតំណែងជាMiss Grand Cambodia 2024 កាលពីរាត្រីថ្ងៃទី១២ ខែកក្កដា ដែលតំណាងឱ្យខេត្តកំពង់ឆ្នាំង។ នាងនឹងក្លាយជាស្រ្តីទី១១ របស់កម្ពុជាដែលចូលរួមប្រកួតនៅលើឆាក Miss Grand International នឹងស្រែកឈ្មោះ Cambodia ប្រកប ដោយឥទ្ធិពល៕
