បរទេស៖ ម៉ូតូអគ្គិសនីកង់មួយដែលមានតែមួយគត់នៅក្នុងប្រទេសក្រិក រចនាដោយវិស្វករជនជាតិក្រិចពីរនាក់បានទទួលការចាប់អារម្មណ៍យ៉ាងខ្លាំងនៅក្នុងបណ្តាញសង្គម បន្ទាប់ពីអ្នកទាំងពីរបានបង្ហោះវានៅលើ YouTube។
យោងតាមគេហទំព័រ Design Boom ម៉ូតូអគ្គិសនីកង់មួយនេះមានឈ្មោះថា Make It Extreme អាចផ្តល់នូវបទពិសោធន៍យ៉ាងពិសេសនៅលើផ្លូវសម្រាប់អ្នកជិះរបស់វា។ Make It Extreme ដំណើរការផលិតមិនពិបាកពេកទេ ព្រោះពួកគេបានស្ទាត់ជំនាញក្នុងការផលិតគ្រឿងបន្លាស់ ដោយជំនួសឱ្យការប្រើប្រាស់ម៉ាស៊ីនចំហេះខាងក្នុង ក្រុមអ្នករចនាក៏បានបង្កើតម៉ូតូអគ្គិសនីដែលមានកង់មួយតែម្តង។
ដំបូងអ្នករចនាបានបង្កើតស៊ុមដែកដ៏ធំមួយ ហើយពួកគេបានកែស៊ុមជារង្វង់ដ៏ល្អឥតខ្ចោះ ដែលមើលទៅដូចជាកង់ដែលប្រើក្នុងសៀកមានអង្កត់ផ្ចិត ១៤៥ សង់ទីម៉ែត្រ។ ជំហានបន្ទាប់គឺការប្រមូលផ្តុំសំបកកង់ ដោយសារសំបកកង់មិនមានទំហំត្រឹមត្រូវ ក្រុមវិស្វករត្រូវកាត់ និងកែច្នៃសំបកកង់ចំនួន ៣ ដែលយកចេញពីម៉ូតូ និងរថយន្ត Go-kart រួចពួកគេក៏បានភ្ជាប់សំបកកង់ទាំងនេះជាមួយគ្នា ហើយដំឡើងវាជុំវិញកង់ដែក បន្ទាប់មកបន្តជាមួយនឹងតួ។
ពួកគេប្រើរមូរចំនួន ៣ និងសម្ភារៈផ្លាស្ទិកខ្មៅដើម្បីជួយឱ្យកង់វិល រួចក៏បានយកសម្ភារៈពីកង់ឡានទៅកាន់កង់ថាមពលហើយធ្វើជាសំបកកង់ម៉ូតូ។ ដូច្នេះកង់នឹងអាចបើកទៅមុខ ក៏ដូចជាផ្លាស់ទីបានយ៉ាងលឿនដោយសារម៉ូទ័រពីរដែលភ្ជាប់ទៅនឹងសំបកកង់។ នេះជួយឱ្យសម្រេចបាននូវការក្តាប់ល្អ ខណៈពេលដែលយើងបើកបរវា និងបញ្ជូនថាមពលទៅកាន់កង់ធំ។ នោះក៏ដោយសារតែសំបកកង់ Go-kart ត្រូវបានផលិតឡើងពីវត្ថុធាតុមិនរអិល។ ហេតុនេះម៉ូទ័រដំណើរការបានល្អគឺដោយសារឧបករណ៍បញ្ជាពីរដែលធ្វើឱ្យវាខ្លាំងភ្ជាប់ទៅនឹងកម្មវិធីបិទបើក។
ការរៀបចំខាងលើអនុញ្ញាតឱ្យយានជំនិះកង់មួយវិលបានស្មើៗគ្នា ទោះបីជាការបើកបរមានគ្រោះថ្នាក់ខ្លាំងប៉ុណ្ណាក៏ដោយ វាក៏នៅតែជាបទពិសោធន៍ដ៏អស្ចារ្យមួយ។ លក្ខណៈពិសេសមួយទៀតដែលធ្វើឱ្យ unicycles អគ្គិសនីកាន់តែពិសេសគឺកម្លាំងបង្វិលនៃប្រព័ន្ធ ដោយម៉ូដែលថ្មីនេះគឺមានម៉ូទ័រខ្លាំងជាងមុន និងដំណើរការលឿនជាងជំនាន់មុនៗ៕
