នារីហៃសូថៃ សម្រស់ស្រស់ស្អាតមួយរូប កំពុងតែផ្ទុះនៅការចាប់អារម្មណ៍ខ្លាំងនៅលើបណ្តាញសង្គម Tik Tok តាមរយៈពាក្យថា«Thank You» ដែលជាពាក្យសុវជីធម៌នាងតែងនិយាយទៅកាន់មនុស្សជុំវិញខ្លួន រហូតដល់មានអ្នកធ្វើតាម Trend «Thank You» របស់នាងពាសពេញពិភពលោក។
នារីស្រស់ស្អាតរូបនេះ ត្រូវបានគេស្គាល់ថាជាកញ្ញា Aon Somrutai ជាម្ចាស់ហាងកាបូបប្រេនល្បីឈ្មោះមួយកន្លែងក្នុងប្រទេសថៃ គឺហាង Perrine Porter។ ក្នុងនាមជាស្ថាបនិកហាងកាបូបមួយរូប ដែលស្រលាញ់ខាង Fashion និងម៉ូឌែលផងនោះ ខណៈវីដេអូបង្ហាញពីជីវិតដ៏ហៃសូ ស៊ីវិល័យរបស់នាងបានផុសចេញមកជាបន្តបន្ទាប់ និងទទួលបានអ្នកទស្សនារហូតដល់ទៅរាប់លានដង។
តាមរយៈវីដេអូនាង គឺតែងបង្ហាញពីភាពស្រស់ស្អាត ភាពជាហៃសូនៅក្នុងសង្គមថៃ ជីវិតជាកូនអភិជន ដើរទិញរបស់របរប្រេនៗ ឡានទំនើបៗ មានអ្នកបម្រើនិងអង្គរក្សឆ្វេងស្តាំតាមទៅជាមួយគ្រប់ទីកន្លែង។ ខណៈគ្រប់វីដេអូទាំងអស់របស់នាង គឺតែងនិយាយពាក្យថា «Thank You» សំនៀងជាភាសាអង់គ្លេស ទៅកាន់មនុស្សគ្រប់គ្នា ដែលជាគឺឆ្លុះបញ្ចាំងពីភាពថ្លៃថ្នូរបស់ស្រ្តីជនជាតិថៃរូបនេះ។
យ៉ាងណាមិញ មិនយូរប៉ុន្មាន វីដេអូរបស់នាងក៏បានរីកសាយភាយជុំវិញពិភពលោក ខណៈក៏ផ្ទុះនូវគាំទ្រជាខ្លាំងទាក់ទងនឹង Content ថ្មីនេះ រហូតដល់មានអ្នកធ្វើតាមស្តាយ៍របស់នាងជាហូរហែរ។ ខណៈថ្មីៗនៅលើបណ្តាញសង្គមរបស់លោកជំទាវ ទ្រី ដាណា ក៏បានបង្ហោះវីដេអូ ដោយនិយាយពាក្យថា «Thank You» នេះ និងបានបង្កឲ្យមានការចាប់អារម្មណ៍ជាខ្លាំងម្តងទៀតក្នុងចំណោមមហាជនខ្មែរផងដែរ៕
