មហាជនជាហាក់មានការចាប់អារម្មណ៍យ៉ាងខ្លាំង ស្ទើរតែមិនគួរឲ្យជឿថា នៅក្នុងស្រុកចំការលើ ខេត្តកំពង់ចាម គេបានប្រទះឃើញថាមានភូមិដែលត្រូវបានគេបោះបង់ចោលមួយកន្លែងហ៊ុព័ទ្ធទៅដោយរុក្ខជាតិយ៉ាងក្រាស់ក្រាលដុះព័ទ្ធជុំវិញសំណង់ចាស់ៗដែលបន្សល់ទុកនៅទីនោះ។ យ៉ាងណាមិញ មនុស្សជាច្រើនក៏បានលើកឡើងជាចម្ងល់ថា ហេតុអ្វីបានជាគេបោះបង់ភូមិមួយនោះចោល?
យោងតាមការដាក់បង្ហោះដោយគេហទំព័រមួយដែលមានឈ្មោះថា ដានជើង បានបង្ហាញពីទិដ្ឋភាពនៅក្នុងភូមិដែលគេត្រូវបានបោះបង់ចោល និងដាច់ស្រយ៉ាល់មួយកន្លែងស្ថិតនៅយ៉ាងកណ្តោងកណ្តែង ខណៈពោរពេញដោយបរិយាកាសស្ងប់ស្ងាត់ គួរឲ្យព្រឺក្បាល។.jpg)
យោងតាមការបញ្ជាក់ពីគេហទំព័រខាងលើបានឲ្យដឹងទៀតថា ទីនោះត្រូវបានគេស្គាល់ថាជា ភូមិ32 ស្ថិតក្នុងឃុំតាអុង, ស្រុកចំការលើ, ខេត្តកំពង់ចាម។ ភូមិនោះទៀតសោត បច្ចុប្បន្ននេះគឺលែងមានមនុស្សរស់នៅហើយ ខណៈបានបន្សល់ទុកត្រឹមតែផ្ទះចាស់ៗ មន្ទីពេទ្យ និងសាលារៀនជាដើម ដែលជាតាក់តាងបញ្ជាក់ថានៅទីនោះគឺជាភូមិទំនើបមួយពីកាលជំនាន់នោះ។ ប៉ុន្តែយ៉ាងណាវិញ វាក៏ត្រូវគេបោះបង់ចោល ដោយមិនដឹងមូលហេតុច្បាស់លាស់យ៉ាងណានោះទេ។ ចំពោះសំណង់ខ្លះនៅទីនោះ ត្រូវបានគេដឹងថា បានបន្សល់ទុកមកពីសម័យបារាំង ខ្លះសង់នៅឆ្នាំ១៩៨៤ ។
យ៉ាងណាមិញ បើយោងតាមការឡើងពីមហាជនបានឲ្យដឹងថា «ពីមុនទីនោះគឺជាផ្ទះរបស់អ្នកជាជ័រកៅស៊ូ មានមនុស្សរស់នៅច្រើនបានជាបង្កើតមន្ទីរពេទ្យសាលារៀនទៅ តែយូរៗទៅក៏ក្រុមហ៊ុនគេទិញ ក៏ពួកគាត់ចេញម្ដងម្នាក់ៗរហូតលែងមានមនុស្សនៅ មន្ទីរពេទ្យក៏បិទអស់(ប៉ាខ្ញុំគាត់ទៅធ្វើការនៅទីនោះ គាត់ប្រាប់)»។
អ្នកខ្លះថា«ផ្ទះនេះគេសាងសង់សម្រាប់កម្មករបម្រើការអោយក្រុមហ៊ុនរបស់បារាំងដល់ចប់អាណាត់គេត្រូវប្តូរទីលំនៅ»។ ខណៈមតិមួយទៀតបានលើកឡើងថា«គេប្តូរដីចែកជាកម្មសិទ្ធអោយប្រជាកម្មករទៅនៅកន្លែងថ្មីអស់រយះពេលប្រហែល១០ឆ្នាំហើយ បានជាទុកកន្លែងនេះចោល គ្មានបញ្ហាអ្វីក្រៅពីនេះទេ»៕.jpg)
