តារាសម្តែង មាន សូនីតា ឬហៅថារាជិនីក្រមា បានបង្ហោះវីដេអូមួយនៅលើបណ្តាញសង្គមទិកតុកពីបទពិសោធន៍របស់ខ្លួនធ្លាប់រស់នៅប៉ះអ្នកជិតខាងមហាសែនអាក្រក់ទាំងនាងចំណាយលុយធ្វើផ្លូវចាក់បេតុងដើម្បីឱ្យការធ្វើដំណើរស្រួលបើជាចាក់ខឿនមិនអាចឱ្យបើកឡានចូលបាន។ តារាសម្តែងរូបនេះថាជម្រើសដ៏ល្អគឺនាងរើចេញពីទីនោះទៅរកកន្លែងណាមានសន្តិភាព។
រយៈពេលចុងក្រោយនេះជម្លោះអ្នកជិតខាងដែលមិនចេះយោគយល់គ្នាព្រោះតែបញ្ហាបន្តិចបន្តួចបានធ្វើឱ្យកក្រើកយ៉ាងខ្លាំងស្របពេលមានការលើកឡើងដែរថាការរស់នៅប៉ះអ្នកជិតខាងល្អគឺចាត់ទុកថាមានសំណាង។ ជាមួយគ្នានេះដែរ តារាសម្តែង មាន សូនីតា បានចែករំលែកពីបទពិសោធន៍ផ្ទាល់ខ្លួនធ្លាប់រស់នៅប៉ះអ្នកជិតខាងចិត្តអាក្រក់ធ្វើយ៉ាងណាឱ្យខ្លួនឯងមានសន្តិភាពផ្លូវចិត្ត។
ក្នុងវីដេអូដែលមានរយៈពេល៤នាទី មាន សូនីតា បាននិយាយថា រឿងធំធ្វើឱ្យទៅជារឿងតូច រឿងតូចធ្វើឱ្យទៅជាគ្មានរឿង នាងមានបទពិសោធន៍មួយពេលនៅផ្ទះចាស់កាលមុនគឺមានអ្នកជិតខាងមួយអាក្រក់មែនទែនហើយមិនដឹងថាអ្នកជិតខាងនោះបានមើលវីដេអូនេះឬអត់ទេ។ អ្នកជិតខាងនោះសែនអាក្រក់ដោយនាងបានរៀបរាប់ថាផ្លូវផ្ទះនាងកាលមុនតូចផ្លូវបើកឡានបានតែមួយឡានហើយផ្ទះរបស់នាងគឺចុងផ្លូវតែម្តងដូចជាបិទផ្លូវហើយអ្នកជិតខាងនោះអត់សប្បាយចិត្តជាមួយផ្ទះនាងហើយផ្ទះនៅជិតគ្នាហើយធ្វើខឿនលើដីដើម្បីកុំឱ្យឡានចូលរួច ដោយនាងមិនបានមាត់កអ្វីទាំងអស់។ នាងខំចាក់ផ្លូវបេតុងធ្វើផ្លូវឱ្យងាយស្រួលធ្វើដំណើរប៉ុន្តែ អ្នកជិតខាងនោះបង្ហាញថាមិនពេញចិត្តនាងតែម្តងធ្វើដាក់នាងបែបនេះទៅវិញ។ ជម្រើសដែរល្អ មាន សូនីតា ថានាងសុខចិត្តរើចេញពីកន្លែងនោះតែម្តងព្រោះតែការរស់នៅគ្មានសន្តិភាព រស់ ធ្វើឱ្យយើងក្តៅក្រហាយ ចឹងចាកចេញពីកន្លែងនោះទៅឱ្យចិត្តយើងស្រួលស្ងប់ស្ងាត់ មានអារម្មណ៍ល្អមកដល់ផ្ទះ មានអារម្មណ៍សុវត្ថិភាព។
បទពិសោធន៍នេះ ជំរុញឱ្យ មាន សូនីតា លើកឡើងដែរថានាងផ្ទាល់ប្រសិនជាមានរឿងធំគឺធ្វើឱ្យមានរឿងតូច បើសិនជាមានរឿងតូចយើងលុបចោលឱ្យក្លាយជារឿងសូន្យកុំឱ្យមានរឿងធ្វើឱ្យខ្លួនយើងសប្បាយចិត្ត ព្រោះមិនចង់ឱ្យមានបញ្ហាកើតឡើងបើយើងនៅតែឱបភ្លើង ចង់ឈ្នះ រកវិធីអីកម្ចាត់គេគឺបាបខ្លួនឯង៕
