ជាទូទៅផ្សិតគឺមានជាច្រើនប្រភេទ ខណៈដែលមនុស្សមួយចំនួននូវតែមិនទាន់ស្គាល់ពួកវាអស់នៅឡើយនោះទេ។ ជាមួយគ្នានោះ ដោយសង្កេតឃើញថាបច្ចុប្បន្ននេះ ផ្សិតមួយចំនួនហាក់មានតម្លៃខ្ពស់ខ្លាំង ព្រោះតែភាពកម្រនិងវិសេសរបស់វា តួយ៉ាងដូចជាផ្សិតកែវ ផ្សិតប៉ក់ ផ្សិតការចូ ផ្សិតក្ងោក ផ្សិតដំបូកឬផ្សិតខ្មៅជាដើម។ 
បើនិយាយតែចំពោះផ្សិតដំបូក ដែលត្រូវបានគេស្គាល់ថាជាផ្សិតខ្មៅ សព្វថ្ងៃនេះគឺកំពុងតែត្រូវប៉ាន់យ៉ាងខ្លាំង ដោយឈ្មួញកណ្តាលខ្មែរដើរប្រមូលទិញពីពលរដ្ឋមកពីគ្រប់ទិសទី ដើម្បីបញ្ជូនបន្តទៅកាន់ឈ្មួញកណ្តាលថៃ។ ផ្សិតដំបូកក្នុង១គីឡូក្រាមនៅក្នុងប្រទេសកម្ពុជា ត្រូវបានគេដឹងថាមានតម្លៃរហូតដល់ទៅ២០ម៉ឺនរៀល ខណៈតម្លៃនៅក្រៅប្រទេសគឺគុណនឹង២ឬ៣ ឯណ្ណោះ។.jpg)
ផ្សិតដំបូកឬផ្សិតខ្មៅ ដែលមានឈ្មោះជាភាសាអង់គ្លេស ហៅថាXylaria Nigriopes។ គេដាក់ឈ្មោះវាបែបនេះ ដោយសារតែភាគច្រើនវាតែងដុះតែនៅក្នុងដំបូក ជាពិសេសគឺដំបូកដែលមានសំបុកស្រមោចនិងកណ្តៀរប៉ុណ្ណោះ។ ផ្សិតដំបូក គឺមានរូបរាងខាងក្រៅពណ៌ខ្មៅ តែសាច់ខាងក្នុងពណ៌សរ។ 
មូលហេតុដែលផ្សិតខ្មៅឬផ្សិតដំបូកមានតម្លៃថ្លៃបែបនេះ ដោយសារតែវាជារបស់ដ៏កម្រនិងជាឱសថបុរាណដ៏វិសេសនៅក្នុងក្បួនវេជ្ជសាស្រ្តចិន។ សម្រាប់គុណសម្បត្តិនៃផ្សិតប្រភេទនេះវិញ គឺត្រូវគេបានយកទៅប្រើប្រាស់យ៉ាងមានប្រសិទ្ធភាពទៅលើរោគសញ្ញាជាច្រើន ដូចជាការគេងមិនលក់ របួស បំបាត់ការឈឺចុកចាប់ ជម្ងឺប្រាសាទ ពង្រឹងប្រព័ន្ធភាពស៊ាំ ប្រឆាំងនឹងការរលាក ជំនួខួរក្បាល ហើយក៏ជាថ្នាំប៉ូវកម្លាំងដ៏វិសេសផងដែរ៕
