ជុំវិញរឿងអាស្រូវ ម៉ាច ដាវី បេក្ខភាព Miss Grand Cambodia 2024 តំណាងឱ្យខេត្តរតនៈគីរីបង្កឱ្យមានការចាប់អារម្មណ៍និងផ្ទុះកក្រើកយ៉ាងខ្លាំងក្នុងវិស័យបវរកញ្ញារយៈពេលប៉ុន្មានថ្ងៃមកនេះ។ ថ្មីៗនេះតាមរយៈសំឡេងរបស់ ម៉ាច ដាវី ដែលត្រូវបានចែកចាយលើបណ្តាញសង្គមបានចេញមកបញ្ជាក់ថារូបថតរៀបការនោះគ្រាន់តែជាការសម្តែងដែលមានហេតុផលនៅពីក្រោយទាក់ទងនឹងការងារផ្ទាល់ខ្លួន ខណៈតួលេខអាយុកាលពីប្រកួតបវរកញ្ញាឆ្នាំ២០២០មិត្តភក្តិរបស់នាងជាដាក់ឱ្យនោះទេនាងមិនបានចាប់អារម្មណ៍ឡើយ។
ម៉ាច ដាវី Miss Grand រតនៈគីរី បានចេញមកបដិសេធរឿងរ៉ាវដែលគេទម្លាយថានាងមានប្តីហើយតែមកប្រកួតបវរកញ្ញា ខណៈតួលេខអាយុខុសប្រក្រតីឆ្នាំ២០២០អាយុ២៥ឆ្នាំដល់ពេលឆ្នាំ២០២៤ អាយុ២៦ឆ្នាំ។ តាមរយៈសំឡេងរបស់ ម៉ាច ដាវី ដែលត្រូវបានចែកចាយលើបណ្តាញសង្គមទិកតុក នាងបានបកស្រាយថា «រូបថតរៀបការគ្រាន់តែជាការសម្តែងដែលមានហេតុផលពីក្រោយទាក់ទងនឹងការងារផ្ទាល់ខ្លួន»។
ចំពោះអាយុវិញ ស្រីស្អាតរូបនេះបានលើកឡើងថា កាលពីប្រកួតឆ្នាំ២០២០នាងមិនមែនជាអ្នកដាក់ពាក្យប្រកួតខ្លួនឯងទេគឺមិត្តភក្តិរបស់នាងជាអ្នកដាក់ពាក្យឱ្យជាអ្នកបំពេញពាក្យចូលរួមប្រកួតគ្រប់បែបយ៉ាងដោយមិនបានចាប់អារម្មណ៍ដល់ថ្ងៃគឺទៅប្រកួតតែម្តង។ កាលនោះនាងគ្មានគោលបំណងចង់ចូលរួមប្រកួតវិស័យបវរកញ្ញានោះទេហើយក៏មិនចាប់អារម្មណ៍ផង នឹកអត់ដល់ផង។ Miss Grand រតនៈគីរី បន្ថែមថា ក្រោយមកចង់បំពេញក្តីស្រមៃជាបវរកញ្ញានាងក៏សម្រេចចិត្តដាក់ពាក្យចូលរួមប្រកួត។.png)
ចុងក្រោយ ម៉ាច ដាវី បានពោលពាក្យសូមទោសដល់មហាជនដល់កំហុសមួយនេះជាកំហុសអចេតនាហើយនាងក៏មិនចង់ឱ្យមានរឿងនេះកើតឡើង។ ម៉ាច ដាវី សង្កត់ធ្ងន់ថា នាងសូមអះអាងថានាងមិនធ្លាប់ប្រកាសលិខិតរៀបអាពាហ៍ពិពាហ៍ មិនធ្លាប់ចុះអេតាស៊ីវិល ហើយក៏មិនធ្លាប់លែងលះពីមុនដែរ។.png)
គួរបញ្ជាក់ថា នៅល្ងាចថ្ងៃទី១០ មិថុនា ផេក Miss Grand Ratanakiri បានចេញមកបំភ្លឺជុំវិញព័ត៌មានរឿងអាស្រូវរបស់ ម៉ាច ដាវី ដែលត្រូវបានគណនីហ្វេកប៊ុកមួយឈ្មោះថា «Dariya Kun» ចេញមកបកអាក្រាតថាបេក្ខភាពរូបនេះធ្លាប់រៀបការកាលពីឆ្នាំ២០២២ និងតួលេខអាយុខុសប្រក្រតីថារឿងនេះជារឿងមិនពិត និងព្រមានធ្វើទៅតាមផ្លូវច្បាប់រាល់សកម្មភាពទាំងឡាយណាដែលនាំឱ្យប៉ះពាល់ដល់កិត្តិយសសេចក្តីថ្លៃថ្នូររបស់ ម៉ាច ដាវី៕
