នៅក្នុងការរស់នៅប្រចាំថ្ងៃមនុស្សម្នាក់ៗ មានទម្លាប់ខុសគ្នាដែលអ្នកខ្លះមានទម្លាប់ការរស់ប្រចាំថ្ងៃបានល្អ និងត្រឹមត្រូវ រីឯអ្នកខ្លះទៀតក៏មានទម្លាប់រស់នៅខុសឆ្គងរហូតអាចបណ្តាលឱ្យមានជាជម្ងឺធ្ងន់ធ្ងរជាច្រើន។ ក្នុងនោះក៏មានទម្លាប់អាក្រក់ប្រចាំថ្ងៃ ៤ យ៉ាងដែលធ្វើឱ្យអ្នកងាយនឹងដាច់សរសៃឈាមខួរក្បាលដោយមិនដឹងខ្លួន៖
១.ញ៉ាំអាហារមិនទៀងទាត់៖ ការញុំាអាហារជាតម្រូវការចំាបាច់មួយរបស់សារពាង្គកាយមនុស្សគ្រប់រូប ដើម្បីធ្វើការលូតលាស់ និងអាចបញ្ចេញនូវថាមពលនានា ។ ទោះជាការញ៉ាំអាហារសំខាន់យ៉ាងណាក៏ដោយនៅតែមានមនុស្សមួយចំនួនបានខ្ជះខ្ជាយ និងមានទម្លាប់អាក្រក់ក្នុងការញុំាអាហារខុសពេល ឬមិនទៀងទាត់នេះជានិច្ច។
២.ផឹកគ្រឿងស្រវឹងនៅពេលយប់ជាប្រចាំ៖ ការពិសារនូវគ្រឿងស្រវឹងនេះជារឿងដែល ជះឥទ្ធិពលមកដល់សុខភាពអ្នកប្រើប្រាស់យ៉ាងធ្ងន់ធ្ងរ ជាពិសេសនៅពេលដែលពិសារវាលើសកំរិត ឬជាប្រចាំថ្ងៃតែម្តង នេះអាចបង្កឱ្យមានជាបញ្ហាជាច្រើន។
៣.ងូតទឹកផ្កាឈូកពេលយប់ញឹកញាប់៖ ការងូតទឹកនាពេលយប់ជ្រៅពេក គឺជារឿងមួយដែលមិនល្អចំពោះសុខភាពនោះទេ ជាពិសេសគឺការងូតទឹកផ្កាឈូកតែម្តង។ ដូច្នេះដើម្បីកាត់បន្ថយហានិភ័យនៃការដាច់សរសៃឈាមខួរក្បាល សូមកុំងូតទឹកក្នុងលកខណ្ឌខាងលើ។
៤.ប្រើឧបករណ៍អេឡិចត្រូនិចមុនពេលចូលគេង៖ ជាការពិតណាស់ មនុស្សគ្រប់រូបតែងមានទំលាប់អាក្រក់មួយគឺលេងទូរស័ព្ទ កំព្យូទ័រ ឬឧបករណ៍អេឡិចត្រូនិចផ្សេងទៀតនៅពេលយប់មុនពេលចូលគេង ដោយពួកគេគ្រាន់តែគិតថាវាមិនអីទេ។ ប៉ុន្តែជាក់ស្តែងវាមានបញ្ហាដល់សុខភាពយ៉ាងខ្លាំង ជាពិសេសមានហានិភ័យនៃការដាច់សរសៃឈាមខួរក្បាលផងដែរ។
ហេតុនេះហើយ សរុបមកវិញដើម្បីបង្ការ និងកាត់បន្ថយអត្រាអ្នករងគ្រោះ ដោយសារជំងឺដាច់សរសៃឈាមខួរក្បាល អ្នកគប្បីផ្លាស់ប្តូរទម្លាប់អាក្រក់ទាំង ៤ ខាងលើនេះ ដើម្បីសុខភាពមានភាពល្អប្រសើរនិងរឹងមាំ៕
