ផ្លូវល្បឿនលឿនអាស៊ានលេខ១ ជាគម្រោងផ្លូវដ៏មហិមារបស់ប្រទេសចិន ឆ្លងកាត់៥ប្រទេស ដោយចេញពីប្រទេសចិន ចូលមីយ៉ាន់ម៉ា បន្ទាប់មកចូលថៃ រួចឆ្លងកាត់កម្ពុជា និងចុងក្រោយប្រទេសវៀតណាម។
ចំពោះកំណាត់ផ្លូវល្បឿនលឿនអាស៊ានលេខ១ ឬផ្លូវជាតិលេខ៥ នៅកម្ពុជា មានប្រវែង ៣៦៦គីឡូម៉ែត្រឆ្លងកាត់ខេត្តខេត្តកណ្តាល កំពង់ឆ្នាំង ពោធិ៍សាត់ បាត់ដំបង និង បន្ទាយមានជ័យ។
ផ្លូវជាតិលេខ៥ មានចំណុចចាប់ផ្ដើម ពីព្រែកក្តាម និងបញ្ចប់នៅចំណុច ក្រុងប៉ោយប៉ែត ខេត្តបន្ទាយមានជ័យ។ការសាងសង់ផ្លូវបែងចែកចេញជា ៣កំណាត់ដោយ កំណាត់ទី១ ភាគខាងជើង (បាត់ដំបង-សិរីសោភ័ណ) កំណាត់ទី២ ភាគខាងត្បូង (ព្រែកក្តាម-ធ្លាម្អម) និងកំណាត់ទី៣ ភាគកណ្តាល (ធ្លាម្អម-បាត់ដំបង និងសិរីសោភ័ណ-ប៉ោយប៉ែត)។
បើមិនមានការប្រែប្រួលគម្រោងនេះ នឹងបញ្ចប់ការសាងសង់នៅចុងឆ្នាំ២០២៦ ឬដើមឆ្នាំ២០២៧៕
